2 Ebitru 1:17 - Ohwihwim Olehe

¹⁷ Agi e wo okro lo omba ba Ahogbrẽ la a wo Ada a shri ekʼpo a shri a daŋ. Omba lo enzi e zgi okro ba Esesla la e gre pyeŋ nga e lu mi le, Anwye me ba ame e klo ŋa angyiŋ a wo ahi ba ame e la e gno oraŋ ka la ŋa e gre eshri!

2 Ebitru 1:17 ပူးပေါင်းရင်းမြစ်များ

Amatiyu 12:18

Anwye-odne me angyiŋ a wo ahi, aŋa ame e sla ŋa. Aŋa angyiŋ ame e la e klo ŋa, Nga ame e gno oraŋ ka la ŋa e gre eshri. Ame é bli ŋa la Ogbgaodzi me. Aŋa nga á su odlo me, á ygi moare pyeŋ.

Amatiyu 17:3

Moanwyeotum atra he lo a ka Omusa, ta la Eliya, moa a kpla egba ta la Eyesu.

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Amatiyu 3:17

Ambla he nga, enzi e zgi Ongyeŋ e ba e lu mi le, Anwye me ba esesla angyiŋ a wo ahi. Esõ me e la e gno oraŋ ka la ŋa e gre eshri.

Amarku 1:11

A gno enzi e zgi Ongyeŋ e lu mi le, Eyesu aŋo o wo anwye esõ me angyiŋ, ame e gno oraŋ ka la ŋo e gre eshri.

Amarku 9:7

Etabro e gile e ba eshri akũ lo nga e shki mo mvye, nga enzi e zgi ma e lu mi le, E ka Anwye Esesla me ba esõ me e gno oraŋ ka la ŋa nzenze angyiŋ a wo ahi lo. Agimi e ngli e gno odlo baŋ.

Oluka 10:22

Adugu a sheŋ a shri ekployaŋ a mbo a da me. Arekyeŋ a yi are la a wo Anwye lo mbo o wo le Ada sha. Arekyeŋ a yi are la a wo Ada mbo o wo le Anwye, pa la are ba Anwye lo a klo baŋ a yi ŋa sha.

Oluka 3:22

Ogbgaodzi eka aklungu, o gile o tspi eshri baŋ. Enzi e gile e zgi ongyeŋ e ba e lu mi le, Aŋo angyiŋ o wo Anwye me ba eso me. Ame e la e gno oraŋ ka la ŋo nzenze.

Eyohana 10:36

Eshri me e mbi, Ada angyiŋ a sla me nga a hom me otum a da me e ba obiŋ hi. Ekayaŋ agimi e lu mi ma ame e dzi Ahogbrẽ, okyku ba ame e lu ma ame e wo Anwye Ahogbrẽ?

Eyohana 14:11

Agimi e bmi ba adlidzi ba ame e wo eso Ada nga ba Ada a wo eso me. O wo bimi e bmi ba adlidzi eka he mbo le, agimi e bmi ba adlidzi pa la etum he lo.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Eyohana 17:21

Ame e fa olu okyku o da mo pyeŋ a dzu okyekyeŋ. Ada! O da mo a dzu eso bi eka boŋ o wo eso me, nga ba ame e wo eso boŋ, okyku o da obiŋ hi o bmi ba adlidzi boŋ angyiŋ o hom me otum.

Eyohana 20:17

Eyesu a nyuŋ Emeri a lu mi le, O tka me mbo okyku eshi ame e bla e gre okro Ada a wo mbo. Ambo aŋo o yi okro moanime o nyuŋ mo o lu mi le, Ame é bla é yi okro Adugu la a wo Adigimi a mbo, aŋa a wo Ahogbrẽ me, nga a sa a wo Ahogbrẽ bimi a mbo.

Eyohana 3:35

Adaŋ a la a klo Anwye baŋ, okyku eka he a shri ekployaŋ a mbo a ghwo abgo baŋ.

Eyohana 5:20

Ada a klo anwye okyku eka he a tsa ŋa ekployaŋ a mbo baŋ a la a kpo. Á tsa ŋa anyuŋ ayakplo la a gre ahi a mbo, nga agimi é ka egbregbre.

Eyohana 5:26

Eka ba Ada angyiŋ a wo esi ba eso, ekakahelo angyiŋ, aŋa a da Anwye a dzu esi ba eso.

Eyohana 6:27

O raŋ o gre ba agimi e kpo otum okyku algo la á vre mbo, ambo agimi e kpo otum okyku algo la a shri eso ba gbagbu-amo a shri a di. Anwye Arehwi á shri edgu algo he lo á shri á di. Okyku eshi Ahogbrẽ la a wo Ada a sheŋ a bmi ka la ŋa bgu.

Eyohana 6:37

Areyaŋ a mbo ba Adugu a shri ŋa a da me, á ba okro me. Ame é nyom arekyeŋ la a ba okro me ku-ku nga mbo.

Eyohana 6:39

Are la a hom me otum lo a klo ba ame e da akyeŋ eshki moarehwi baŋ a shri a da me a tsu a gbu mbo, ambo ame e nyuŋ mo e kpaŋ adzadzi okyku o da mo a kso ongybi olum ba amom-abgo.

MoaOroma 15:6

Okyku o da gimi mvye la enzi ekyekyeŋ e hlu Ahogbrẽ Adaŋ Adigi Eyesu Ekristi eshko.

2 MoaOkorinti 1:3

Agimi e da gi e vye la Ahogbrẽ, aŋa angyiŋ la a wo Adaŋ Adigi-odne Eyesu Ekristi, aŋa a wo Adigi la a ka ayi ekŋe. A wo Ahogbrẽ ba edgu okpoghwoyaŋ a mbo o la o zgi okro baŋ o ba!

2 MoaOkorinti 11:31

Ahogbrẽ la a wo Adaŋ Adigi-odne Eyesu, eshko baŋ nga e dzu la esesla gbagbu-amo! Aŋa a yi ba ame e sheŋ akpro mbo.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

2 Eyohana 1:3

Ahogbrẽ la a wo Ada, ta la Eyesu Ekristi Anwye baŋ, moa a shri okpoghwo ta la okayiekŋe, ta la opyapyaŋ, a shri a da gi. Ahi lo pyeŋ a dzu anzho bi ozhẽ ba adlidzi ta la oklo.

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.