2 Ebitru 1:12 - Ohwihwim Olehe

¹² Okyku okũ he lo, ame é dzu gimi eshri ayakplo he lo ombamba pyeŋ. Ame e yi ba agimi e sheŋ e yi lo pyeŋ bgu, nga agimi e tspi osheshye ta la adlidzi ba agimi e sheŋ e yga.

2 Ebitru 1:12 ပူးပေါင်းရင်းမြစ်များ

Otum 16:5

Obmi ba adlidzi ba Eklisiya lo o ta ma-ma. Moa a tspi osheshye nga moa a sa a ta ma-ma elulum.

MoaEfilibi 3:1

Ekplo ba amom-abgo ekpyemgbyeŋ nga, agimi anáŋ, ame e la e vẽ Adigi-odne okyku o daŋ a shri ovye nzenze a shri a da gimi. O kpo me ewu okyku ba ame e bla e shĩ ekplo ba ame e sheŋ e ta mbo. Nga alo o kpo o ghwo okyku o da gimi e dzu opyapyaŋ.

MoaOkolosi 1:5

Omba ba oshpa ba adlidzi, Oshpaodzadzi he lo, o ba okro bimi, agimi e gno eka ba oshpa lo o shri okayiozhẽ o la o shri o ba. Okyku eka he obmi ba adlidzi bimi ta la oklo bimi, moa a tspi ayakplo ba agimi e la e ka ayi ozhẽ okyku lo angyiŋ. Moa a shri lo a zga Ongyeŋ adzadzi okyku gimi.

MoaOkolosi 2:7

Agimi e da emgbʼbo bimi e ngla osheshye egʼba baŋ, e hlu odzudzu ba Eyesu, nga e tspi la obmi ba adlidzi e ta ma-ma eka ba moa a nye gimi. Nga e kpo ovye okyku ekployaŋ a mbo.

1 Etimoti 4:6

O wo boŋ o la o nye moanáŋ eka he angyiŋ le, aŋo ó dzu anwyeotum ba adlidzi ba Ekristi Eyesu, omba boŋ o la o vgi esõ boŋ la edlo ba obmi ba adlidzi ta la onyenye ba adlidzi boŋ o lu lo ma.

2 Etimoti 1:6

Okyku eka he ame e dzu ŋo, o si abgo o zga gble ta la okpogbu boŋ o hwiŋ okro ba Ahogbrẽ omba ba ame e shki ŋo abgo eshri.

MoaIbrani 10:32

Agimi e ka eka ba ayakplo a wo ka la gimi ayga. Omba mi lo, ambla ba ayimom ba Ahogbrẽ a tra gimi, agimi e kpo ewu okyku ayakplo nzenze. Ambo ewu he lo e da gimi e tsi e gbu mbo ku-ku.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

1 Ebitru 5:12

Esilvanu angyiŋ a kpo a ghwo la me, a da me e ta etaŋ akpa he lo. Ame e sko ŋa e zga eka anáŋ la a wo la adlidzi. Ame e klo e shĩ gimi nga e zgi egŋe eka ba odlo he lo o wo okpoghwo ba adlidzi ba Ahogbrẽ angyiŋ. Agimi e tspi osheshye ta la alo.

2 Ebitru 1:13

Ame e ka lo o wo odzi ba ame e shĩ gimi, nga e da gimi e tne aga ayakplo he lo, ombayaŋ a mbo ba ame e wo ma la ayi.

2 Ebitru 1:15

Okyku eka he ame é kpo ekplo ba ame e kpo e gbu, okyku o da gimi e hwiŋ ozhẽ ba o tne aga ayakplo he lo ombayaŋ a mbo ambla ba ame e kpu.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

1 Eyohana 2:21

Ame e ta gimi akpa okyku ba agimi e gbaŋ e yi adlidzi angyiŋ mbo, ambo okyku ba agimi e sheŋ e yi adlidzi, nga okyku ba agimi e sheŋ e yi ba akpro a zgi adlidzi ku-ku a ka mbo.

2 Eyohana 1:2

Okyku eshi adlidzi a wo ka la gi, nga alo á dzu ka la gi gbagbu-amo.

Eyahuda 1:17

Ambo agimi akyemeazba e ka! Agimi e dzu ayakplo ba moarehwĩ la a nyum oshpa ba Adigi-odne Eyesu Ekristi a lu a da gimi ayga.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.

Eyahuda 1:5

Ame e yi ba agimi e sheŋ e yi ekployaŋ a mbo eshri lo, ambo ame e klo e dzu gimi eka ba Adigi-odne a se moarehwĩ ba Esrayila a sku obiŋ ba Amasla. Ambo ambla nga, a jygi moarehwĩ la a bmi ba adlidzi mbo eshki mo.