2 Ebitru 1:11 - Ohwihwim Olehe

¹¹ Ozhẽ he lo angyiŋ, moa á ba a shri obibmi ba ekʼpo okyku o yi Oreŋ ba gbagbu-amo ba Adigi-odne ta la Areoshla bi Eyesu Ekristi, á shri á da gimi.

2 Ebitru 1:11 ပူးပေါင်းရင်းမြစ်များ

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Eyohana 10:10

Asi a la a ba okyku o si osi, nga okyku o bga nga okyku o jygi lo. Ambo ame e ba okyku o da mo a hwiŋ eso, nga e hwiŋ fkatka.

MoaOroma 2:4

O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!

1 MoaOkorinti 15:24

Omba he lo angyiŋ, eygi é ba e ba. Ekristi á kpo ekʼpo ta la egbgabi la e ri ekʼpo pyeŋ, nga Ekristi á shri Oreŋ lo á shri á da Ahogbrẽ la a wo Ada.

2 MoaOkorinti 5:1

Agi e yi ba ambla ba abro egʼba ba agi e dzu ma ohuhuhi obiŋ hi a kypi le, Ahogbrẽ á kpo gi odne Ongyeŋ okyku o da gi e dzu ma. Aŋa á kpo odne he lo ababgo baŋ angyiŋ. Alo ó dzu ma gbagbu-amo.

MoAfisu 3:20

Ahogbrẽ a kpo a gbu baŋ a kpo ekplo la e bre e gre ayakplo pyeŋ bi e vẽ ŋa okyku lo nga ba agimi e la e tne aga eshri lo, ibu ba ekʼpo la e la e kpo otum ka la gi.

1 Etimoti 6:17

Aŋo o shri odaŋ o da moanáŋ la a wo la angyiŋ ba obiŋ hi, okyku o da mo a nyom egʼba ta la alo mbo, nga okyku o da mo a shri okayiozhẽ mo pyeŋ a zga angyiŋ mbo, okyku eshi alo a wo ekplokyeŋ la e tspi mbo. Ambo moa a shri okayiozhẽ mo pyeŋ a shri a zga Ahogbrẽ angyiŋ. Aŋa sha a la a shri ekployaŋ a mbo nzenze a shri a di okyku o da gi e gno oraŋ.

2 Etimoti 4:18

Adigi-odne nga á kpaŋ me á sku oylayaŋ a mbo. Nga á shri me pyapyaŋ á shri á yi Oreŋ baŋ la o wo Ongyeŋ. Ekekʼpo e dzu e baŋ gbagbu-amo! Amin.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

MoaIbrani 6:17

Ahogbrẽ a klo okyku o da ekployaŋ a mbo e dzu zhezheŋ egi ayi ba moare la á ba a hwiŋ ekplo baŋ a hwim okyku mo, nga okyku o da mo a yi baŋ á ba a nyiŋ ekplokyeŋ mbo. Okyku eka he aŋa a hwim la okʼpiashum.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

2 Ebitru 1:5

Okyku okũ he lo, aŋo o zga ayi ngre nga o da obmi ba adlidzi boŋ o ta ma la oshasha, nga okyku o da oshasha boŋ o sa o ta ŋa ma la oyioyi.

2 Ebitru 2:20

Okyku eshi, o wo ba moarehwĩ a gro abgo ba ekʼpo ba ozhẽ ba eku ba obiŋ hi, ohe lo o kpo ozhẽ ba oyioyi ba Adigi-odne la a wo Areoshla bi Eyesu Ekristi, nga o wo ba moa a bla a vu mo, nga moa a kpo a gre mo, moa edgu moarehwĩ he lo, odzudzu mo o wo obi o gre eka ba omba ba moa a wo oriori.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.

Otsotsa 5:10

Aŋo o shri oreŋ ba moandakʼpo olu ba Ahogbrẽ o shri o da mo, okyku o da mo a hlu Ahogbrẽ bi eshko. Nga moa angyiŋ á ba a ri ekʼpo obiŋ hi.