2 Ebitru 1:10 - Ohwihwim Olehe

¹⁰ Okyku eka he nga agimi anime, agimi e zga ayi gble okyku o da obzi ba Ahogbrẽ a bzi gimi, ta la osla baŋ a sla gimi, o dzu zhezheŋ angyiŋ esõ bimi. O wo ba agimi e kpo eka he lo angyiŋ le, agimi é tsi é gbu ku-ku mbo.

2 Ebitru 1:10 ပူးပေါင်းရင်းမြစ်များ

Amatiyu 22:14

Eyesu nga a sa a lu a ta ma-ma a lu mi le, Moa a bzi moare nzenze, ambo eshki mo, moare fi sha moa á sla.

MoaOroma 11:29

E ka, Ahogbrẽ a la a nyiŋ eso baŋ o wo baŋ a klo o sla are, o mbo le o wo baŋ a klo o shri owlama o da are mbo.

2 Etimoti 2:19

Ambo esĩ la e wo oshye ba Ahogbrẽ a sheŋ a ta, arekyeŋ a kpo lo esku a gbu mbo ku-ku. Moa a ta odlo he lo ma a lu mi le, Ahogbrẽ a yi moare la a wo moarehwĩ baŋ. Nga moa a sa a ta a lu mi le, Areyaŋ a mbo la a lu baŋ a wo a ba Ahogbrẽ angyiŋ bgu le, o dzu omgbybi baŋ a kyu ayakplobi pyeŋ abgo.

MoaIbrani 6:11

Agi e wo la ekhwo ma nzenze okyku o da areyaŋ a mbo a zga ayi a ta ma-ma, okyku o da ayakplo ba agimi e ka ayi ozhẽ okyku lo a bli.

MoaIbrani 6:19

Agi e wo la okayiozhẽ he lo la o da esõ bi e tspi osheshye. Ofuehakyeŋ o wo eshri lo mbo nga o wo zhezheŋ. Alo o sõ ashye oknye ba ayizhẽ ba Anyuŋ-akulu ba ongyeŋ angyiŋ, a gre aku ba egi eshyẽ.

Eyakubu 2:10

Okyku eshi areyaŋ a mbo la a pre odaŋ okyekyeŋ sha a mbo ba ombgu he lo le, o dzu eka baŋ a pre odaŋ mvye.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Ebitru 1:5

Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.

2 Ebitru 1:3

Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

2 Ebitru 1:5

Okyku okũ he lo, aŋo o zga ayi ngre nga o da obmi ba adlidzi boŋ o ta ma la oshasha, nga okyku o da oshasha boŋ o sa o ta ŋa ma la oyioyi.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,

Otsotsa 22:14

Moa la a ndza áriga mo a da lo a dzu akyle, moa á gno oraŋ, okyku eshi moa á wo ozhẽ ma ba o ri agbro ba esĩ aki ba esõ, nga moa á wo ozhẽ ba o sõ ayizhẽ otsko lo o yi osku he lo eshyẽ.