2 Ebitru 1:1 - Ohwihwim Olehe

¹ Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

2 Ebitru 1:1 ပူးပေါင်းရင်းမြစ်များ

Amatiyu 10:2

Moa la a nyum oshpa otsko he lo a ri, Esima, eshko baŋ ba oha e ri Ebitru, ta la anáŋ Andru, ta la Eyakubu, ta la anáŋ Eyohana, moaha he lo moa a wo moanwye ba Azabadi angyiŋ.

Amatiyu 4:18

Omba ba Eyesu a dzi akaŋ atam ba Egalili nga, aŋa a ka moanáŋ aha la a la a vu atsa. Moa a ri Esima la a sa a ri Ebitru, ta la anáŋ Andru. Moa a la a vu atsa atam la ekyeŋ.

Oluka 1:47

Ame e wo la ovye eso ma okyku Ahogbrẽ, Areoshla me.

Oluka 11:49

Okyku eka he, Okaobmye ba Ahogbrẽ o lu mi le, Ame e da moarehwi ba Ahogbrẽ a hom otum á ba, pa la moanwyeadga baŋ. Moare á bga moakyeŋ eshki mo, nga moa á kpo moakyeŋ ewu.

Eyohana 1:42

Nga Andru a shri Esima a ba okro Eyesu. Eyesu a ka Esima nga a nyuŋ ŋa a lu mi le, Aŋo angyiŋ o wo Esima anwye Eyohana. Eshko boŋ é ri Ekefa. Eshko he lo e wo okyekyeŋ angyiŋ ta la eshko Ebitru. E dzu Ezhim.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 20:21

Eyesu a lu pa la mo a lu mi le, Opyapyaŋ ba eso o dzu ka la gimi. Eka ba Ada a hom me otum angyiŋ, ame a mbo e hom gimi otum.

Otum 15:14

Esima a sheŋ a sla a da gimi e ka, eka ba Ahogbrẽ a klo moa la a wo moaEyahuda mbo nga baŋ a da moakyeŋ eshki mo a dzu moarehwi baŋ.

MoaOroma 1:1

Akpa he lo, a zgi abgo Oblus awaghrẽ ba Ekristi Eyesu. Ame, are la e nyum oshpa, nga Ahogbrẽ angyiŋ a sla me nga a bzi me okyku o da me e nyum Oshpaodzadzi baŋ.

MoaOroma 1:12

Ame e klo bi e kpo e ghwo la egi. Okyku o da gimi e hwiŋ oshĩ okro obmi ba adlidzi me, nga o da me a mbo e hwiŋ oshĩ okro obmi ba adlidzi bimi.

MoaOroma 1:17

Oshpaodzadzi o la o tsa eka ba Ahogbrẽ a shri opyapyaŋ a shri a zga agʼbaha baŋ pa la moarehwi. Alo o wo ozhẽ obmi ba adlidzi angyiŋ, a zga esĩ ta la eygi. Akpa ba Ahogbrẽ a lu mi le, Are la ba moa a shri opyapyaŋ a shri a zga agʼbaha baŋ ta la Ahogbrẽ ozhẽ obmi ba adlidzi, á hwiŋ eso.

1 MoaOkorinti 1:30

Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.

1 MoaOkorinti 15:9

Okyku eshi ame angyiŋ e wo are la a nyum oshpa ba moa a tsi a ghwo ayi mbo ku-ku. Ame e ka e tse ma moa a bzi me ma are la a nyum oshpa mbo ku-ku, okyku eshi ame angyiŋ e kpo Eklisiya ba Ahogbrẽ efye.

1 MoaOkorinti 9:1

Ame e wo are la a hwile egʼba mbo? Ame e wo are la a nyum oshpa angyiŋ mbo? Ame e ka Eyesu Adigi-odne mbo? Agimi e zhiŋ okyku otum ba ame e kpo okyku Adigi-odne mbo?

2 MoaOkorinti 4:13

Odlo ba Ahogbrẽ o lu mi le, Ame e lu odlo okyku eshi ame e bmi ba adlidzi. Agi nga e la e lu odlo la eso ba obmi ba adlidzi angyiŋ, okyku bi e wo la obmi ba adlidzi ma.

2 MoaOkorinti 5:21

Ekristi a wo la odlobi mbo ku-ku, ambo Ahogbrẽ a daŋ a sko olbi ba edlobi bi ka la gi otsotse, okyku o da gi okro okŋeobga ka la ŋa e hwiŋ odlodzi ba Ahogbrẽ.

MoaEgalasiya 2:8

Okyku eshi, la ekʼpo ba Ahogbrẽ angyiŋ moa a sla me okyku o da me e nyum oshpa e ygi moa la a wo moaEyahuda mbo, eka moa a sla Ebitru okyku o daŋ a nyum oshpa a ygi moaEyahuda.

MoAfisu 3:5

Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

MoAfisu 4:11

Aŋa angyiŋ a shri okpogbu a shri a da moare. A sla moakyeŋ okyku o da mo a nyum oshpa. Moakyeŋ nga okyku o da mo a dzu moarehwĩ ba Ahogbrẽ a hom mo otum. Moakyeŋ nga okyku o da mo a dzu anwye esku nga a nyum oshpa. Moakyeŋ nga okyku o da mo a dzu moa-opasto. Moakyeŋ okyku o da mo a dzu moa la a nye moare engla.

MoAfisu 4:5

Adigi-odne akyakyeŋ a wo ma, ta la obmi ba adlidzi okyekyeŋ, ta la abaptisma akyakyeŋ.

MoaEfilibi 1:1

Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.

MoaEfilibi 1:29

E ka, moa a hwile gimi ozhẽ okyku o kpo otum okyku Ekristi, ohi lo o wo okro obmi ba adlidzi ka la ŋa sha mbo, o wo okro ba okpoewu okyku Ekristi bubgu.

MoaEfilibi 3:9

nga okyku o da me e kŋe eshri me e bga ka la ŋa la esõ ekyekyeŋ. Nga ohuhuhi odlodzi ba eshri me ame e wo la alo ma mbo. Edgu odlodzi he lo moa a la a hwiŋ lo ozhẽ ba okpaŋodaŋ angyiŋ. Ambo ohuhuhi ame e wo la odlodzi ba moa a shri lo a di ozhẽ ba obmi ba adlidzi ta la Ekristi. Odlodzi he lo o zgi okro ba Ahogbrẽ angyiŋ o ba, nga okũ lo o wo okro ba obmi ba adlidzi angyiŋ.

2 Etimoti 1:5

Ame e yi edgu obmi ba adlidzi ba adlidzi boŋ o wo alo ma. Anaŋ anoŋ, Oluwi, ta la anoŋ Oyunesi, moa a wo la edgu obmi ba adlidzi he lo angyiŋ e ma. Ame e yi zhezheŋ boŋ o wo la edgu obmi ba adlidzi he lo a mbo.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Etitu 1:4

Ame e ta Etitu akpa. Aŋa a wo anwye me ba adlidzi ibu ba obmi ba adlidzi ba agi e wo ma. Ahogbrẽ la a wo Adigi, ta la Ekristi Eyesu Areoshla bi, moa a shri okpoghwo ta la opyapyaŋ a shri a doŋ.

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

Eyakubu 1:1

Akpa he lo a zgi abgo ba Eyakubu awahgrẽ ba Ahogbrẽ ta la Adigi-odne Eyesu Ekristi. Ame e shko moarehwĩ pyeŋ ba Ahogbrẽ, la moa a som ayi a gre okroyaŋ a mbo obiŋ hi.

1 Ebitru 1:1

Akpa he lo a zgi abgo ba Ebitru, are la a nyum oshpa ba Eyesu Ekristi. Akpa he lo a wo okyku moarehwĩ ba Ahogbrẽ a sla mo. Moa a som ayi okyku ewu, nga moa a gre a yi a dzu moazhẽ egʼba ebiŋ ba Obontu, ta la Egalasiya, ta la Akapadokiya, ta la Asiya, ta la Ebitaniya.

1 Ebitru 1:7

Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

1 Ebitru 2:7

Ezhim he lo e wo owlama nzenze okro bimi la e bmi ba adlidzi. Ambo okro bimi la e bmi ba adlidzi mbo, moa a lu mi le, Ezhim ba moa la a mbdzi a tla lo a ta eka ba alo e wo la owlama mbo, Alo angyiŋ e zhiŋ e dzu ezhim la e wo la anyuanyuŋ e gre pyeŋ.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

2 Ebitru 1:4

Ozhẽ he lo angyiŋ, a shri ohwihwim la o wo la owlama ta la ogagre, a shri a da gi. O wo bimi e yga ekplo baŋ a hwim okyku gimi e khwo nga le, e ngʼba e sku okoklo la o wo oyla ototno obiŋ hi, nga e ba e pu ibu odzudzu ba Ahogbrẽ.

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.