1 MoaOkorinti 9:3 - Ohwihwim Olehe

³ Omba ba moare a la a klo odlo pa la me le, ame e la e shki eshri me eka he lo. Ame e lu mi le,

1 MoaOkorinti 9:3 ပူးပေါင်းရင်းမြစ်များ

Oluka 12:11

Omba ba moa a shri gimi a gre anwyeakulu okyku o sõ gimi ombgu le, o mbo le omba ba moa a shri gimi a gre egi ayi moa-ogomna, o mbo le egi ayi moare la a ri ekʼpo, agimi e da eso e kpla gimi e gbu okyku ekplo bimi é ba e lu okyku o kpaŋ eshri bimi mbo.

Otum 22:1

Agimi arealom pa la moanáŋ, pa la moadigi, agimi e ngli e gno odlo ba ame e lu e da gimi!

Otum 25:16

Ambo ame e lu e da mo e lu mi le, MoaOroma a da mo a vu arekyeŋ ba ombgu o wo eshri baŋ mbo, o wo le moa a da moa la a wo ombgu ka la ŋa a ba nga moa a gno odlo mo ayga dne, are ba ombgu o wo eshri baŋ nga, a wo ozhẽ ma ba o tspi okyku eshri baŋ.

1 MoaOkorinti 14:37

O wo ba arekyeŋ a ka eka baŋ a wo anwyeadga ba Ahogbrẽ le, o mbo le a wo la okpogbu ba Ogbgaodzi le, o raŋ o gre ba edgu are he lo a ka a bmye ba ame e ta gimi akpa he lo la oklo ba ekʼpo ba Adigi-odne angyiŋ.

1 MoaOkorinti 9:2

O wo ba moahwõ a yga me eka are la a nyum oshpa mbo a mbo, ame e yi zhezheŋ ba agimi é ba e yga me! Agimi nga okyku odzudzu bimi ozhẽ ba Adigi-odne e wo egŋe angyiŋ ba ame e wo are la a nyum oshpa.

1 MoaOkorinti 9:4

Ame e wo la ozhẽ ma ba ame e zhĩ okyku algori ta la ami, okyku otum ba ame e la e kpo mbo?

2 MoaOkorinti 13:10

Okyku eka he angyiŋ, ame e ta akpa he lo la ba ame e wo ka la gimi mbo. O wo okyku o da me e kpo otum la ayiwuwlu angyiŋ, la ekʼpo ba Adigi-odne a shri a da me mbo omba ba ame é ba okro bimi. Ekʼpo he lo e wo okyku o mbdzi gimi angyiŋ, e wo okyku o kypi gimi e ygi obiŋ mbo.

2 MoaOkorinti 13:3

Agimi é hwiŋ egŋe lo pyeŋ, okyku o tsa ba Ekristi angyiŋ a la a lu odlo okro me. Omba baŋ a la a lu odlo ka la gimi, aŋa a sheŋ a nye angyiŋ mbo, ambo aŋa a la a tsa ekʼpo baŋ angyiŋ egi ayi bimi.

2 MoaOkorinti 13:5

O raŋ o gre ba agimi e mbga egimi e ka nga e sõ egimi ombgu, okyku o da gimi e yi zhezheŋ ba agimi e la e dzu la obmi ba adlidzi. Agimi e yi zhezheŋ ba Ekristi Eyesu a wo eso bimi mbo? O wo ba Eyesu a wo eso bimi mbo le, agimi e tsu e gbu ogbukyekyeŋ.

MoaEfilibi 1:17

Moahwõ nga moa a la a nyum oshpa Ekristi la adlidzi mbo, ambo la aga ba ovrevre ba okloeshri angyiŋ. Moa a ka eka ba moa a ta me ewu ma angyiŋ omba ba ame e wo aku.

MoaEfilibi 1:7

Agimi e wo esõ me ombamba pyeŋ! Okyku eka he o wo odzi ba ame e sko gimi esõ me ozhẽ he angyiŋ. Okyku eshi agimi e hwiŋ ogʼba lo ohwihwiŋ ba Ahogbrẽ a shri a da me he lo, omba ba ame e lom aku, nga omba ba moa a kyu me abgo angyiŋ okyku o da me e kpaŋ nga e shĩ Oshpaodzadzi lo.

2 Etimoti 4:16

Arekyeŋ a wo pa la me onda ba oriori ba moa a shri me a gre akuombgu lo mbo. Moa pyeŋ a knye a dzu me a zga. Ame e vẽ Ahogbrẽ okyku o daŋ a sko lo a zga ombgu pa la mo mbo!