1 MoaEtasolonika 1:8 - Ohwihwim Olehe

⁸ Okyku eshi oshpa ba Adigi-odne he lo o zgi okro bimi o gre okro moare la a wo Amasidoniya ta la Egrise sha mbo. Ambo oshpa ba obmi ba adlidzi bimi o ngla o tsu o gre yoŋ. Okyku eka he ekplokyeŋ e ra ma ba agi é lu nga mbo.

1 MoaEtasolonika 1:8 ပူးပေါင်းရင်းမြစ်များ

Otum 18:12

Omba ba moa a sla Egaliyo a daŋ a dzu ogomna ba Oroma obiŋ ba Egrise, moaEyahuda a kaŋ eshri a bga nga, moa a vu Oblus a shri a gre akuombgu.

MoaOroma 1:8

Ekplo ba oriori, ame e vye la Ahogbrẽ eshko Eyesu Ekristi okyku gimi, okyku eshi obiŋ hi mvye moa a gno oshpa ba obmi ba adlidzi bimi.

MoaOroma 15:26

Okyku eshi moa la a lu Ahogbrẽ ma obiŋ ba Amasidoniya, ta la Egrise, moa a shri okpoghwo okyku o kpo o ghwo la moaekŋe eshki moa la a lu Ahogbrẽ ma osku ba Orushalima.

MoaOroma 16:19

Areyaŋ a mbo a sheŋ a gno eka bimi e tspi osheshye ta la obmi ba adlidzi ta la Oshpaodzadzi lo. Okyku eka he, ame e la e gno oraŋ ka la gimi e gre eshri. Ame e klo bimi e tne aga ogyugyuŋ eshri ayakplo la a wo adzi, nga e tla ayakplo la a wo abi.

1 MoaOkorinti 14:36

Odlo Ahogbrẽ o sa o zgi okro bimi angyiŋ ko? Alo o gre o ba okro bimi sha angyiŋ?

2 MoaOkorinti 2:14

Agi e vye la Ahogbrẽ! Okyku eshi okro ba okŋeobga bi ta la Ekristi angyiŋ, Ahogbrẽ a la a kpaŋ gi eka moa-oprusuna okyku ba Ekristi a kpo a gre. Ahogbrẽ a la a kpo otum ka la gi okyku o da gi e nyum oshpa ba Ekristi e ygi moarehwi pyeŋ, eka ba efpi edzadzi la e ngla okro pyeŋ.

2 MoaOkorinti 3:4

Agi e lu edgu odlo hi okyku eshi agi e wo la obmi ba adlidzi ta la Ahogbrẽ okyku Ekristi angyiŋ.

MoaOkolosi 3:16

Oshpa ba Ekristi ozhẽyaŋ a mbo eka ba alo o wo, o raŋ o gre ba agimi e da lo o dzu esõ bimi. Agimi e nye nga e tsa egimi la okaobmye pyeŋ. E fu abmo nga e fu abmo ba ohlueshko. E fu abmo egi ayi ba Ahogbrẽ la ovye esõ bimi.

2 MoaEtasolonika 1:4

Okyku eka he angyiŋ agi a mbo e la e hwile egʼba okyku gimi egi ayi moaEklisiya ba Ahogbrẽ. Agi e la e hwile egʼba okyku eka ba agimi e tspi la oghwo-esõ nga e bmi ba adlidzi, nga okyku ba ewu ta la avuolo ba agimi e wo la alo ma a zhiŋ gimi mbo.

2 MoaEtasolonika 3:1

Ekplo ba amom-abgo, ame e vẽ gimi anáŋ, agimi e fa olu okyku gi, okyku o da oshpa ba Adigi-odne o ngla o tsu o yi oshoshoŋ, nga okyku o da moare a ka lo la olbi, eka ba moa a kpo ta la lo agʼbaha bimi.

1 Etimoti 2:8

Ame e klo moarehwĩ okroyaŋ a mbo a fa olu. Ame e klo ba moarehwĩ la a shri eshri mo a da Ahogbrẽ a si abgo mo ongyeŋ nga a fa olu. Ame e klo mo a fa olu lo la olom esõ, ta la oklaodlo mbo ku-ku.

2 Etimoti 2:9

Okyku ba ame e la e nyum Oshpaodzadzi he lo angyiŋ, ewu he e hwiŋ me. O ka, moa a ta me aslika eka ba ame e gre abgo. Ambo odlo ba Ahogbrẽ lo o wo aslika lo ko mbo.

3 Eyohana 1:12

Areyaŋ a mbo a la a tsom Edemetriyu. Adlidzi a mbo ababgo baŋ a lu odlo la o wo odzi eshri baŋ. Nga agi a mbo e sa e ta egŋe bi e pu ma. Agimi e yi ba ekplo ba agi e lu he lo e wo adlidzi angyiŋ.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.

Otsotsa 22:17

Ogbgaodzi ta la Anwyeshe a lu mi le, Agimi e ba! Nga e da areyaŋ a mbo la a gno odlo he lo, e daŋ a mbo a lu mi le, Agimi e ba! Areyaŋ a mbo ba oŋo o kpo ŋa nga baŋ a klo o wa ami, a ba a yga ami ba esõ he lo a wa ototno.