1 Ebitru 5:9 - Ohwihwim Olehe

⁹ Agimi e tspi osheshye ta la obmi ba adlidzi bimi, nga e tla ŋa la osheshye. Okyku eshi agimi a mbo e yi eka ba moahwõ la a bmi ba adlidzi eka bimi hi, obiŋ hi pyeŋ, ba moa a la a kpo edgu ewu he lo.

1 Ebitru 5:9 ပူးပေါင်းရင်းမြစ်များ

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

1 MoaOkorinti 10:13

Edgu ombambga la o hwiŋ moahwõ angyiŋ o la o hwiŋ gimi. Okyku eshi Ahogbrẽ a la a bli ohwihwim baŋ. Okyku eka he, á da ombambga la o gre gimi eshri o hwiŋ gimi mbo. Nga ombayaŋ a mbo ba moa a mbga gimi a ka, Ahogbrẽ nga á shri oshye á da gimi, okyku o da gimi e tspi gaŋ. Nga á shri ozhẽ ba ozizgi á shri á da gimi.

MoAfisu 4:27

Agimi e hwile Eshitaŋ ozhẽ akplokyeŋ mbo.

MoAfisu 6:16

Ombayaŋ a mbo e shri obmi ba adlidzi eka ba ombyli. La alo angyiŋ agimi é ba e kpo é gbu é gro abyi ba ovo ba Eshitaŋ e la e ta gimi.

MoaOkolosi 2:5

Egʼba me e wo ka la gimi mbo, ambo esõ me e wo ka la gimi. Ame nga e wo la ovye ma okyku eka ba agimi e tspi otsotse la osheshye ibu obmi ba adlidzi bimi okro ba Ekristi.

1 MoaEtasolonika 3:3

okyku o da arekyeŋ eshki bimi a zhiŋ a yi ambla okyku ewu he mbo. Agimi a mbo e yi ba ewu he lo e dzu ekplo ba Ahogbrẽ a shri a zga okyku gi angyiŋ.

1 Etimoti 6:12

O zga ayi ngre nga o knye oŋe ba obmi ba adlidzi, okyku o doŋ o hwiŋ egbre ba esõ ba gbagbu-amo. Okyku odzudzu he lo angyiŋ Ahogbrẽ a bzi ŋo, omba boŋ o zgi egŋe ba obmi ba adlidzi boŋ egi ayi moaegŋe ahwõ nzenze.

2 Etimoti 3:12

Moare pyeŋ la a klo o dzu moarehwĩ ba Ahogbrẽ okŋeo-bga ta la Ekristi Eyesu, moa á kpo ewu zheŋ.

2 Etimoti 4:7

Ame e kpo ekployaŋ a mbo ba ame e kpo e gbu okyeoknye he lo. Ame e sheŋ e knye lo e bli. Nga ame e kpaŋ la obmi ba adlidzi lo.

MoaIbrani 11:33

Okro ba obmi ba adlidzi angyiŋ moa a ta eko a ri ebiŋ lo pyeŋ. Moa a kpo ayakplo la a wo shasha okyku eka he moa a hwiŋ ekplo ba Ahogbrẽ a hwim a zga ma okyku mo. Moa a bʼbu anyu ba émbdze a mbo.

MoaIbrani 12:8

O wo baŋ a nye gimi otsotse pa la moanwye baŋ mbo le, alo o dzu eka ba agimi e wo moanwye baŋ ba adlidzi angyiŋ mbo. O dzu eka ba agimi e wo moanwye ba ekpa angyiŋ.

Eyakubu 4:7

Okyku eka he, agimi e shri eshri bimi e shri e da Ahogbrẽ. E tla Eshitaŋ la osheshye, nga á knye á sku gimi.

1 Ebitru 1:6

Okyku eka he, agimi e da esõ e gbu gimi obiŋ angyiŋ. Ambo, o dzu mbo, alo o dzu omgbybi angyiŋ ba alo ó kpo gimi ewu esõ ohuhuhi okyku omba ple sha, okyku edgu ewu nzenze la e la e hwiŋ gimi.

1 Ebitru 2:21

Okyku ohi lo angyiŋ, Ahogbrẽ a bzi gimi. Okyku eshi Ekristi a mbo a kpo ewu okyku gimi, nga a dzu egŋe a zga ma okyku o da gimi a mbo e kpo eka he lo, nga e sõ ozhẽ baŋ a sõ lo.

1 Ebitru 3:14

Ambo o wo ba agimi e la e kpo ewu okyku o kpo ayakplo la a wo shasha, agimi e dzu la oraŋ nzenze! E kpo eyli ba moarehwĩ mbo. Nga agimi e da esõ e ngʼba gimi mbo.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 6:11

Moa a shri ariga akyle a shri a da areyaŋ a mbo eshki mo. Moa a lu a da mo ma moa a dzu a dum ple ayga, okyku o da eygi ba moare la a kpo otum pa la mo, pa la moanimo ba moa á ba a bga mo eka ba moa a bga moahi lo, e bli ayga dne.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.