1 Ebitru 5:8 - Ohwihwim Olehe

⁸ Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

1 Ebitru 5:8 ပူးပေါင်းရင်းမြစ်များ

Amatiyu 13:39

Afpu la a ba a fu eyi lo, aŋa a wo Areabi ababgo baŋ. Oyoyla nga o dzu eka onda ba obiŋ hi ó khwo. Moa la a yla algo lo nga, moa angyiŋ a wo moanwyeadga ba Ahogbrẽ.

Amatiyu 24:42

Okyku eka he agimi e kʼpu ba, okyku eshi agimi e yi onda ba Adigi-odne á ba a ba mbo.

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 4:1

Ambla he nga, Ogbgaodzi o da Eyesu a gre akla okyku o da Areabi a mbga ŋa a ka.

Amatiyu 4:11

Okyku eka he Areabi a ngʼba a sku ŋa, moanwyeadga ba Ahogbrẽ a ba nga a kpo a ghwo a Eyesu.

Amarku 4:15

Odlo la o gbu akaŋ ozhẽ, o dzu eka moare la a gno lo nga ba Eshitaŋ e ba e ngʼga lo e sku mo.

Oluka 21:34

Agimi e nyuŋ eshri bimi e zga! Agimi e da oriabgo, ta la owa-ami, ta la ogroayi ba anzho ba obiŋ hi o bile gimi mbo, o mbo le onda mi lo ó ba o gnyu gimi ó gnyu.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

Oluka 22:31

Esima, Esima! O ngli atuŋ o gno! Eshitaŋ e yga ekʼpo okyku o mbga ŋo eka ba areagbi a la a sla eyi esekʼpa a la a sku asusku.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

2 MoaOkorinti 2:11

okyku o da Eshitaŋ e kpo e gre gi mbo, okyku eshi agi e yi edgu eda baŋ a la a kpo ka la gi.

MoAfisu 4:27

Agimi e hwile Eshitaŋ ozhẽ akplokyeŋ mbo.

MoAfisu 6:11

Agimi e ygi anzho eko pyeŋ ba Ahogbrẽ a shri a da gimi, okyku o da gimi e kpo e gbu nga e tspi osheshye nga e tla edgu eda ebi ba obile ba Eshitaŋ.

1 Etimoti 2:15

Ambo ashe á gro ozhẽ baŋ a mbre moanwye, o wo baŋ a zga gble ombamba pyeŋ la obmi ba adlidzi, ta la oklo, ta la esesla, ta la oheheŋ.

1 Etimoti 2:9

Ame e klo moashe a la a sko eshri mo a zga ble-ble, nga moa a bʼbu aknye mo adzadzi nga a nyuŋ lo a ka. Moa a ta ozba la o gro ayi eshri mbo, nga moa a ta ozba la ezanariya ta la ézhim la e shka ayi, ta la aknye la a wo la egbmo nzenze mbo.

1 Etimoti 3:11

O raŋ o gre ba eda moashe mo e wo eda edzi, nga moa a dzu moa la a kpo onjygu mbo. O raŋ o gre moa a nyuŋ eshri a zga nga a kpo adlidzi ekployaŋ a mbo.

1 Etimoti 3:2

O raŋ o gre ba apasto a wo are la a wo la akpu akplokyeŋ ma mbo. O dzu omgbybi baŋ a wo la ashe akyeŋ sha e ma, nga a dzu are la a nyuŋ a kpo-kpo ekployaŋ a mbo, ta la are la a vu eŋa a ghwo. Aŋa a dzu are la a dzu shasha, nga a la a yga moazhẽ la anyu eŋo-eŋo odne baŋ, nga o raŋ o gre baŋ a wo are la a nye moahwõ odlo ba Ahogbrẽ a gbu.

2 Etimoti 4:17

Ambo Adigi-odne a dzu pa la me nga a shri oshye a da me, nga ame e hwiŋ oshye ba o nyum oshpa mvye e ygi moa la a wo moaEyahuda mbo pyeŋ. Nga moa a shla me anyu ba émbdze.

Etitu 1:8

O raŋ o gre baŋ a dzu are la a yga moazhẽ odne baŋ la anyu eŋo-eŋo nga a klo ekplo la e wo edzadzi. Aŋa a dzu are la a vu eŋa a ghwo, ta la are la a tspi kyekye, nga la a wo esesla, nga a nye eda.

Etitu 2:12

Okpoghwo he lo angyiŋ o tsa gi okyku o da gi e kyu ayakplo ba Ahogbrẽ a la a gno oraŋ ta la alo mbo abgo, nga alo angyiŋ o da gi e kyu ogroayi ba obiŋ hi abgo, nga e kpaŋ eshri bi adzadzi, nga e tspi kyekye. Nga okpoghwo he lo angyiŋ o da gi e dzu okyku o raŋ Ahogbrẽ sha esõ obiŋ hi.

Etitu 2:2

O lu o da moakpoatsoŋ-alom, o da mo a nyuŋ eshri mo a zga, nga moa a wo la eda, nga moa a nyuŋ emo a zga, nga a tspi adzadzi ibu obmi ba adlidzi mo, nga a tspi osheshye la oklo ta la oghwo-esõ.

Etitu 2:4

okyku o da mo a nye moashe la a yi a wo ola okyku o da mo a klo moalalom mo pa la moanwye mo.

Etitu 2:6

Nga ekakahelo, o shĩ moa ola anwye, okyku o da mo a nyuŋ eshri mo a zga.

Eyakubu 4:7

Okyku eka he, agimi e shri eshri bimi e shri e da Ahogbrẽ. E tla Eshitaŋ la osheshye, nga á knye á sku gimi.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

Otsotsa 12:10

Ambla he nga ame e gno anyuŋ enzi e zgi Ongyeŋ e lu mi le, Ohuhuhi angyiŋ oshla ba Ahogbrẽ o ba! Nga ohuhuhi angyiŋ Ahogbrẽ la a wo Anyuŋ-areŋ a tsa ekʼpo baŋ! Ohuhuhi nga Emisiya baŋ a tsa moare ekʼpo baŋ! Okyku eshi are la a tspi egi ayi ba Ahogbrẽ olulum ta la okyukyku nga a klo odlo pa la moanigi, moa a se ŋa a sku Ongyeŋ bgu.

Otsotsa 12:12

Okyku eka he nga, agimi ongyeŋ pyeŋ, ka la gimi la e dzu ma, agimi e kpo ovye! Ambo ekplo ayiekŋe ta la obiŋ ta la anyuŋ-ondzu! Okyku eshi Areabi a gile a ba okro bimi. A bli la olom, okyku eshi aŋa a yi baŋ a wo la omba ple sha angyiŋ a ra ŋa a mo.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 20:2

A vu emabi egagre, alo angyiŋ a wo atsoŋ emabi he lo. Alo angyiŋ a wo Areabi ta la Eshitaŋ. Anwyeadga he lo a ta ŋa agbu okyku eyi ezbi.