1 Ebitru 5:6 - Ohwihwim Olehe

⁶ Okyku eka he nga, agimi e ta eshri bimi ble-ble abgo ba, Ahogbrẽ la a wo la anyuŋ ekʼpo ma, okyku o daŋ a da gimi e vre omba la o wo odzi baŋ a sla.

1 Ebitru 5:6 ပူးပေါင်းရင်းမြစ်များ

Amatiyu 23:12

Are-yaŋ a mbo la a la a ka eshri baŋ la ekekʼpo le, moa á sko ŋa á zga ekplokyeŋ mbo, areyaŋ a mbo la a sko eshri baŋ a la a zga ekplokyeŋ mbo le, moa á sko ŋa á zga la ekekʼpo.

Oluka 1:52

A gile moanyuŋ-areŋ a sku oreŋ mo, A da moa la a wo eso ble-ble a vre.

Oluka 14:11

Okyku eshi areyaŋ a mbo la a la a sko eshri baŋ a zga la ekʼpo, moa á sko ŋa á zga akplokyeŋ mbo, nga areyaŋ a mbo la a sko eshri baŋ a zga akplokyeŋ mbo, moa á sko ŋa á zga la ekʼpo.

Oluka 18:14

Eyesu a lu mi le, Ame e lu e da gimi, alom la a yga ewaŋ he a hwiŋ onyuŋokpo agʼbaha baŋ ta la Ahogbrẽ omba baŋ a gre odne. Alom ahwõ mi angyiŋ mbo. Okyku eka he areyaŋ a mbo la a sko eshri baŋ a zga la anyuanyuŋ, moa á sko ŋa á zga akplokyeŋ mbo. Are la a sko eshri baŋ a zga akplokyeŋ mbo angyiŋ moa á sko ŋa á zga la anyuanyuŋ.

MoaOroma 5:6

Omba ba agi e wo oshye ma a wo mbo, Ekristi a kpu okyku moaedlobi. Omba he lo angyiŋ, Ahogbrẽ a sla.

1 MoaOkorinti 10:22

O wo eka he le, agi e klo e tpi Adigi-odne eso ayi? Eka bimi e ka, agi e wo la oshye e gre ŋa?

1 Etimoti 2:6

A shri eshri baŋ a di okyku o shla areyaŋ a mbo. Omba la o wo shasha ohe lo o tsa zhezheŋ eka ba Ahogbrẽ a klo moarehwĩ pyeŋ okyku o da moa a hwiŋ oshla he lo.

Etitu 1:3

Nga, omba la o wo shasha lo angyiŋ a tsa areyaŋ a mbo alo ibu oshpa baŋ lo. Moa a shri oshpa he lo a da me, nga odaŋ ba Ahogbrẽ Areoshla bi angyiŋ o la o da me e su lo.

Eyakubu 4:10

E ta eshri bimi ble-ble egi ayi ba Aho-gbrẽ. Aŋa nga á da gimi é vre.

Eyakubu 4:7

Okyku eka he, agimi e shri eshri bimi e shri e da Ahogbrẽ. E tla Eshitaŋ la osheshye, nga á knye á sku gimi.

Eyakubu 5:10

Agimi anáŋ, agimi e tne aga ba moarehwĩ ba Ahogbrẽ a hom mo otum, moa a la a lu odlo la eshko ba Adigi-odne. Agimi e da mo angyiŋ a dzu egŋe bimi, okyku eshi moa a kpo oheheŋ nga a ghwo esõ omba ba moarehwĩ a la a kpo mo ewu.