1 Ebitru 5:4 - Ohwihwim Olehe

⁴ Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.

1 Ebitru 5:4 ပူးပေါင်းရင်းမြစ်များ

Eyohana 10:11

Ame e wo are la a kpaŋ la a wo adzadzi. Edgu ahi lo, a bmi a kpu okyku ékylu.

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

MoaIbrani 13:20

Ahogbrẽ a kso Adigi-odne Eyesu eku. Aŋa angyiŋ a wo Anyuŋ Are la a kpaŋ ékylu okyku eku baŋ a kpu. Ibu eku lo angyiŋ moa a klu ohwihwim ba gbagbu-amo.

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

1 Ebitru 1:4

Okyku eka he, agi e la e ka ayi ozhẽ ba agi é ba e hwiŋ owlama nzenze ba Ahogbrẽ a shri a zga ma okyku moarehwĩ baŋ. A shri lo a zga Ongyeŋ okyku gimi. Ahe lo, alo o kpo o gbu ba alo o vrẽ mbo, o mbo le ba alo o tpi ayi mbo, o mbo le ba alo o shraŋ mbo ku-ku.

1 Ebitru 2:25

Agimi e wo eka ba ékylu la e ta ozhẽ akpu, ambo ohuhuhi moa a shri gimi a bla a ba okyku o da gimi e sõ ozhẽ ba Are la a kpaŋ ékylu. Are he lo angyiŋ a wo are la a kpaŋ esõ bimi.

1 Ebitru 5:2

okyku o da gimi e dzu moarehwĩ la a kpaŋ ékylu ba Ahogbrẽ a shri a da gimi, nga agimi e kpaŋ lo la oklo. Ahogbrẽ a klo bimi e kpo eka he lo. E kpo otum okyku ohre sha mbo, ambo la oklo ba adlidzi okyku o kpo otum.

1 Eyohana 3:2

Agimi akyemeazba, agi e wo moanwye ba Ahogbrẽ angyiŋ ohuhuhi, ambo agi e yi eka ba agi é ba e dzu zhezheŋ a wo mbo. Ambo agi e yi ba agi é ba e dzu eka ba Ekristi omba baŋ á ba. Agi é zhiŋ e dzu eka baŋ, okyku eshi agi é ka ŋa eka baŋ a wo zhezheŋ.

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 3:11

Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.