1 Ebitru 5:14 - Ohwihwim Olehe

¹⁴ E shko egimi la oshko ba oklo ba Ekristi. Opyapyaŋ o dzu ka la gimi pyeŋ la e wo moarehwĩ ba Ekristi.

1 Ebitru 5:14 ပူးပေါင်းရင်းမြစ်များ

Amatiyu 5:47

O wo boŋ o la o lu odlo pa la moakyeŋoazba sha le, aŋo o kpo ekplokyeŋ la e wo ondundum pa la moahwõ? Moaevbu a mbo a la a kpo eka he lo!

Eyohana 14:27

Ame e dzu opyapyaŋ ba eso e zga ka la gimi. Opyapyaŋ me, ame e shri e da gimi. Ame e shri lo e da gimi eka ba obiŋ hi o shri o di mbo. Okyku eka he agimi e da eso e ngʼba gimi nga e da eso e tpi gimi ayi mbo nga e kpo eyli mbo.

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

Eyohana 20:19

La olum-ore pyi onda Aladi, moanwyeotum moa a ple emo a shki aku nga, moa a klu ayizhẽ okyku eshi moa a kpo eyli moaEyahuda. Omba he lo nga, Eyesu a gnyu a ba a tspi agʼbaha mo nga a lu mi le, Opyapyaŋ ba eso o dzu ka la gimi.

Eyohana 20:26

Ambla ba asati akyeŋ nga, moanwyeotum a shki otsotse odne, Otoma nga a wo otsotse pa la mo. Ayizhẽ pyeŋ moa a klu lo, ambo Eyesu a gre aku lo eshyẽ nga a tspi agʼbaha mo. A nyuŋ mo a lu mi le, Opyapyaŋ ba eso o dzu ka la gimi.

MoaOroma 1:7

Okyku eka he ame e ta akpa e kom gimi arehwĩ ba Oroma, ba Ahogbrẽ a klo. Aŋa a bzi gimi okyku o da gimi e dzu moarehwi baŋ. Ahogbrẽ la a wo Adigi, ta la Adigi-odne Eyesu Ekristi a kpo a ghwo la gimi nga a shri opyapyaŋ a da gimi.

MoaOroma 16:16

Agimi e shko areyaŋ a mbo adzadzi. Moa la a lu Ekristi ma mvye moa a shko gimi.

MoaOroma 8:1

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo,

1 MoaOkorinti 1:30

Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.

1 MoaOkorinti 16:20

Moanáŋ pyeŋ la a wo ahe, moa a shko gimi. Nga agimi e shko areyaŋ a mbo la oshko ba oklo.

2 MoaOkorinti 13:12

Agimi e shko egimi la oshko ba oklo.

2 MoaOkorinti 5:17

Omba ba moa a kŋe are a bga ta la Ekristi, a zhiŋ a dzu are alahe angyiŋ. A kyu ayakplo agbyi abgo nga a vu ayakplo ahe.

MoAfisu 6:23

Ahogbrẽ Adigi, ta la Adigi-odne Eyesu Ekristi, moa a shri opyapyaŋ ta la oklo ta la obmi ba adlidzi a shri a da moanáŋ pyeŋ.

1 MoaEtasolonika 5:26

Nga e shko moanáŋ pyeŋ la oshko ba oklo.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

3 Eyohana 1:14

Ame e ka ayi ozhẽ ba ame é ba ibu boŋ anvaŋ he, omba mi lo ame é kpla egba ka la ŋo la eyayi.