1 Ebitru 5:12 - Ohwihwim Olehe

¹² Esilvanu angyiŋ a kpo a ghwo la me, a da me e ta etaŋ akpa he lo. Ame e sko ŋa e zga eka anáŋ la a wo la adlidzi. Ame e klo e shĩ gimi nga e zgi egŋe eka ba odlo he lo o wo okpoghwo ba adlidzi ba Ahogbrẽ angyiŋ. Agimi e tspi osheshye ta la alo.

1 Ebitru 5:12 ပူးပေါင်းရင်းမြစ်များ

Eyohana 21:21

Omba ba Ebitru a ka ŋa nga, a zhĩ Eyesu a lu mi le, Adigi-odne, eshi é ba e kpo ta la alom hi?

Otum 11:23

Omba baŋ a gbu ma a ka eka ba Ahogbrẽ a shri owlama a da moare nga, a gno oraŋ a gre eshri, nga a shĩ mo ma moa a tspi gble, nga a kpo otum Adigi-odne la adlidzi, la eso mo mvye.

Otum 15:22

Okyku eka he moa la a nyum oshpa ta la moandakʼpo lo, ta la Eklisiya pyeŋ, moa a hwim moa a ba a sla moakyeŋ eshki mo, a da mo a yi Antakiya ta la Oblus, ta la Abarnaba. Moa a sla alom moa a bzi ŋa ma Eyahuda, eshko baŋ e ba oha e ri Abasaba, ta la Esila. Moarehwi aha he lo, moanáŋ a bmi pa la mo a gre eshri.

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

MoaOroma 5:2

Aŋa a yga gi okyku obmi ba adlidzi bi, nga a da gi e hwiŋ okpoghwo ba Ahogbrẽ. Agi e wo la okpoghwo lo a mbo ohuhuhi. Agi e la e kpo ovye angyiŋ okyku bi e la e ka ayi ozhẽ okyku esesla ba Ahogbrẽ ba agi é ba e hwiŋ!

1 MoaOkorinti 15:1

Nga ohuhuhi, ame e klo e dzũ gimi anáŋ, eshri Oshpaodzadzi ba ame e nyum e ygi gimi. Agimi nga e yga lo, nga eshri lo angyiŋ obmi ba adlidzi bimi o tspi osheshye.

2 MoaOkorinti 1:19

Okyku eshi Eyesu Ekristi la a wo Anwye ba Ahogbrẽ, ba Esila ta la Etimoti ta la me, bi e nyum oshpa baŋ egi ayi bimi, Ekristi a wo are la a wo obibmi ta la ototla angyiŋ mbo. Ambo aŋa a wo obibmi ba Ahogbrẽ angyiŋ.

2 MoaOkorinti 1:24

Ambo agi e zga gble okyku o lu eka ekplo ba agimi é ba e bmi ba adlidzi ta la lo angyiŋ e da gimi mbo, okyku eshi agimi e sheŋ e tspi osheshye ta la obmi ba adlidzi bgu. Ambo agi e la e kpo otum ka la gimi okyku o da gimi e dzu la ovye.

MoAfisu 3:3

Ahogbrẽ nga a hwile ohwihwim baŋ a hwim a ghre, nga a da me e yi lo. Ame e ta engla ple sha angyiŋ eshri lo.

MoAfisu 6:21

Etikiku la a wo anigi ba adlidzi, aŋa nga a wo awaghrẽ ba adlidzi ibu otum ba Adigi-odne. Aŋa á shri oshpa ekployaŋ a mbo eshri me á shri á da gimi okyku o da gimi e yi eka ba ame e wo otum he lo e la e kpo.

MoaOkolosi 1:7

Agimi e gno lo abgo ba Ebafara, aŋa angyiŋ a wo anwye-odne bi ba agi e klo ŋa. Aŋa nga a wo are la a kpo otum la adlidzi okyku Ekristi okyku gimi angyiŋ.

MoaOkolosi 4:7

Anigi ba moa a bzi ŋa ma Etikiku, a wo anwye-odne ba adlidzi angyiŋ. Aŋa a la a kpo otum ba Adigi-odne otsotse pa la me. Aŋa á shri oshpa me á shri á da gimi.

MoaOkolosi 4:9

Onesimu anigi la a wo la adlidzi, á ba ka la ŋa. Aŋa a wo eshki bimi. Moahi lo á lu eka ekployaŋ a mbo e la e kpo ahe á da gimi.

1 MoaEtasolonika 1:1

Akpa he lo a zgi abgo ba Oblus ta la Esila, ta la Etimoti. A wo okyku moarehwĩ ba Eklisiya ba osku ba Etasolonika la a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi. Okpoghwo ta la opyapyaŋ o dzu ka la gimi.

2 MoaEtasolonika 1:1

Akpa he lo a zgi abgo Oblus ta la Esila, ta la Etimoti. Alo a wo okyku moarehwĩ ba Eklisiya ba osku ba Etasolonika. Moa a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi.

MoaIbrani 13:22

Ame e vẽ gimi anáŋ, okyku o da gimi e ngli atuŋ e gno oshpa ba oshye-esõ he lo esõ heheŋ. Okyku eshi akpa ba ame e ta gimi he lo a ka a dzõ nzenze mbo.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.

1 Ebitru 4:10

O raŋ o gre ba areyaŋ a mbo a kpo otum ta la okpogbu ba Ahogbrẽ a shri a daŋ, okyku ohwihwiŋ moahwõ. Moa a kpo otum eka moanwye-odne la owlama ba Ahogbrẽ a shri edgu okpogbu andandandim a shri a di.

2 Ebitru 1:12

Okyku okũ he lo, ame é dzu gimi eshri ayakplo he lo ombamba pyeŋ. Ame e yi ba agimi e sheŋ e yi lo pyeŋ bgu, nga agimi e tspi osheshye ta la adlidzi ba agimi e sheŋ e yga.

2 Ebitru 2:15

Moa a sheŋ a dzu ozhẽ la o wo kye a zga, nga moa a ta akpu ozhẽ lo. Moa a zhiŋ a sõ ozhẽ ba Abalam anwye ba Obosoro. Aŋa a klo amgbaŋ baŋ moa a hwiŋ lo ozhẽ ba o kpo ayakplobi.

3 Eyohana 1:12

Areyaŋ a mbo a la a tsom Edemetriyu. Adlidzi a mbo ababgo baŋ a lu odlo la o wo odzi eshri baŋ. Nga agi a mbo e sa e ta egŋe bi e pu ma. Agimi e yi ba ekplo ba agi e lu he lo e wo adlidzi angyiŋ.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.