1 Ebitru 5:10 - Ohwihwim Olehe

¹⁰ Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

1 Ebitru 5:10 ပူးပေါင်းရင်းမြစ်များ

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

MoaOroma 15:13

Ahogbrẽ la a wo esĩ ba okayiozhẽ, a bli gimi la ovyeyaŋ a mbo, ta la opyapyaŋ okyku obmi ba adlidzi bimi ka la ŋa, okyku o da Ogbgaodzi o ta adlidzi bimi ma-ma la ekʼpo baŋ.

MoaOroma 15:5

Ahogbrẽ la a wo esĩ ba heheŋ ta la oshioshĩ, a kpo a ghwo la gimi okyku o da gimi e dzu okyekyeŋ nga e kpo eka ba Ekristi Eyesu a kpo.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

MoaOroma 9:11

Ambo Ahogbrẽ a tsa ŋa, ba aŋa angyiŋ a sla anwye akyeŋ he lo okyku o bli ekplo baŋ a sheŋ a zga. Okyku eka he a nyuŋ Erifkatu a lu mi le, Andakʼpo á dzu eka anwye-odne ba andetse. Aŋa a lu ayga moa a mbre mo, aŋa a lu ohe lo ayga moa a kpo ayakplo adzi, ta la ayakplobi. Okyku eka he, o wo zheŋ ba Ahogbrẽ a bzi mo okyku odlodzi mo angyiŋ mbo.

MoaOroma 9:24

Agi angyiŋ aŋa a sla gi. A sla moare eshki moaEyahuda sha mbo, ambo a sla moare eshki moa la a wo moaEyahuda mbo a mbo.

1 MoaOkorinti 1:10

Ame e vẽ gimi anáŋ, okro ba ekʼpo ba Adigi-odne Eyesu Ekristi. Agimi e la e bmi ta la egimi ekployaŋ a mbo bimi e lu, okyku o da ogagʼbakyeŋ o gre o ba eshki bimi mbo. Agimi e da eshri bimi e dzu ekyekyeŋ aga bimi ta la okoklo bimi.

1 MoaOkorinti 1:9

E kom Ahogbrẽ abgo gble. Aŋa angyiŋ a bzi gimi okyku o da gimi e ba e ri ekpom ta la Anwye baŋ Eyesu Ekristi Adigi-odne.

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

2 MoaOkorinti 4:17

Nga ela ewu ba agi e la e kpo okyku omba fi sha hi, é shri anyuŋ owlama ba gbagbu-amo la e gre ewu nzenze angyiŋ é ba é shri é kom gi.

MoaEfilibi 4:13

Ame e wo la oshye okyku o tspi gaŋ ta la edgu odzudzuyaŋ a mbo okyku ekʼpo ba Ekristi a shri a da me.

MoaOkolosi 2:7

Agimi e da emgbʼbo bimi e ngla osheshye egʼba baŋ, e hlu odzudzu ba Eyesu, nga e tspi la obmi ba adlidzi e ta ma-ma eka ba moa a nye gimi. Nga e kpo ovye okyku ekployaŋ a mbo.

1 MoaEtasolonika 2:12

Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.

2 MoaEtasolonika 2:14

Ahogbrẽ a bzi gimi okyku ohe lo okro ba Oshpaodzadzi ba agi e la e nyum e ygi gimi. A bzi gimi okyku o da gimi e hwiŋ ogʼba bimi ekʼpo ba Adigi-odne Eyesu Ekristi.

2 MoaEtasolonika 2:17

nga a da esõ bimi e bli la oshye-esõ, okyku o da gimi e hwiŋ oshye okyku o kpo nga o lu ekployaŋ a mbo la e wo edzi.

2 MoaEtasolonika 3:3

Ambo Adigi-odne a wo are ba adlidzi angyiŋ. Aŋa nga á shri oshye á shri á da gimi, nga á kpaŋ gimi a sku abgo ba Areabi lo.

1 Etimoti 6:12

O zga ayi ngre nga o knye oŋe ba obmi ba adlidzi, okyku o doŋ o hwiŋ egbre ba esõ ba gbagbu-amo. Okyku odzudzu he lo angyiŋ Ahogbrẽ a bzi ŋo, omba boŋ o zgi egŋe ba obmi ba adlidzi boŋ egi ayi moaegŋe ahwõ nzenze.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

2 Etimoti 2:10

Okyku moarehwĩ ba Ahogbrẽ a sla angyiŋ, ame e bmi nga e ghwo esõ gble, okyku o da mo a mbo a hwiŋ oshla ta la ekʼpo ba gbagbu-amo okro ba Ekristi Eyesu.

MoaIbrani 9:15

Okyku okũ he lo, Ekristi angyiŋ a wo are la a shri ohwihwim olehe a shri a ba, okyku o da moarehwĩ ba Ahogbrẽ a bzi mo a hwiŋ owlama ba gbagbu-amo ba Ahogbrẽ a hwim a zga ma. Ohe lo o kpo o gbu ibu eku baŋ a kpu. Alo angyiŋ e shri okyuabgombgu o shri o da moare okro akpu ba moa a ta omba ba moa a wo abgo ba ohwihwim ba oriori.

1 Ebitru 1:15

Ambo agimi e dzu la esesla ekployaŋ a mbo ba agimi e la e kpo, eka ba Ahogbrẽ la a bzi gimi a mbo a wo la esesla.

1 Ebitru 4:10

O raŋ o gre ba areyaŋ a mbo a kpo otum ta la okpogbu ba Ahogbrẽ a shri a daŋ, okyku ohwihwiŋ moahwõ. Moa a kpo otum eka moanwye-odne la owlama ba Ahogbrẽ a shri edgu okpogbu andandandim a shri a di.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

2 Ebitru 1:3

Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

1 Eyohana 2:25

Ekristi a mbo a hwim baŋ á shri esõ ba gbagbu-amo angyiŋ á ba a shri á da gi.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,