1 Ebitru 5:1 - Ohwihwim Olehe

¹ Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

1 Ebitru 5:1 ပူးပေါင်းရင်းမြစ်များ

Oluka 24:48

Agimi e wo moaegŋe angyiŋ okyku ayakplo he lo.

Otum 1:8

Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 11:30

Moa a pla amgbaŋ nga moa a shri lo a da Abarnaba ta la Eshawlu okyku o da mo a shri lo a da moandakʼpo Eklisiya.

Otum 14:23

MoaEmisiya ayaŋ a mbo moa a sla moandakʼpo okyku lo. Moa a fa olu, nga moa a nyom eshri mo algo. Moa a shri mo a ndba Ahogbrẽ moa a bmi ba adlidzi ka la ŋa.

Otum 15:4

Omba moa a gbu Orushalima nga, Eklisiya e yga mo la ovyevye. Moa la a nyum oshpa pa la moandakʼpo a mbo mvye. Moa a lu ayakplo ba Ahogbrẽ a kpo pa la mo a da mo.

Otum 15:6

Moa la a nyum oshpa, pa la moandakʼpo a shki otsotse okyku o mbli odlo he lo o ka.

Otum 2:32

Ahogbrẽ a kso Eyesu he lo ongybi. Agi e wo egŋe eshri ohe lo.

Otum 20:17

Oblus a hom otum a zgi Emilitu a kom moandakʼpo ba Eklisiya ba Afisu, a lu mi ma moa a ba a tsa ŋa ozhẽ.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 21:18

Onda oha nga Oblus a gre ka la gi okyku o ka Eyakubu pa la moandakʼpo ba Eklisiya la a wo ma.

Otum 3:15

Okyku eka he, agimi e bga Are la a la a kpo eso. Ambo Ahogbrẽ a kso ŋa ongybi, agi nga e wo egŋe okyku ohe lo.

2 MoaOkorinti 5:1

Agi e yi ba ambla ba abro egʼba ba agi e dzu ma ohuhuhi obiŋ hi a kypi le, Ahogbrẽ á kpo gi odne Ongyeŋ okyku o da gi e dzu ma. Aŋa á kpo odne he lo ababgo baŋ angyiŋ. Alo ó dzu ma gbagbu-amo.

2 MoaOkorinti 5:8

Agi e e wo la oghwo-esõ e gre eshri. Nga o raŋ gi eso o gre eshri ba agi e dzu odne egʼba he e zga nga ba agi e yi e dzu odne ba Adigi-odne ka la ŋa.

MoaEfilibi 1:19

okyku eshi ame e yi ba ame é hwiŋ odzudum okro ba olu bimi ta la okpoghwo la o zgi okro ba Ogbgaodzi ba Eyesu Ekristi.

1 Etimoti 5:1

Aŋo o shrom atsoŋ are mbo ambo o lu odlo ka la ŋa eka baŋ a wo adoŋ angyiŋ. Nga o kpo pa la moa ola anwye eka moa a wo moanóŋ.

1 Etimoti 5:19

Aŋo o yga odlo moa a la a lu eshri andakʼpo mbo, o wo le moare aha o mbo le atra a shri a ba, aŋo o kpo otum ta la alo.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

Etitu 1:5

Ame e dzu ŋo e zga obiŋ ba Ekreta okyku o doŋ o kpo otum la o ra, nga okyku o sla moandakʼpo Eklisiya ba oskuyaŋ a mbo. Ambo o kpo otum ta la onyenye me.

Efilimo 1:9

Ambo ekakahelo oklo me okyku ŋo angyiŋ o da me e vẽ ŋo eka he lo. Ame e wo Oblus, are ba Ekristi Eyesu a hom ŋa otum, nga ohuhuhi ame e wo oprusuna okyku eshko ba Ekristi.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

1 Ebitru 1:12

Ahogbrẽ a tsa moarehwĩ baŋ a hom mo otum. A lu ma otum mo lo o wo okyku ohwihwiŋ ba eshri mo angyiŋ mbo. Ma alo o wo okyku gimi angyiŋ. Moa a lu eka he lo angyiŋ eshri ba adlidzi ba agimi e gno ohuhuhi. Moa la a tsa gimi adlidzi lo, moa a wo moanwyeadga ba Oshpaodzadzi, nga moa a lu odlo lo la ekʼpo ba Ogbgaodzi la o zgi Ongyeŋ angyiŋ o ba. Moanwyeadga ba Ahogbrẽ a mbo a klo o ka adlidzi he lo o bmye.

1 Ebitru 1:7

Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

1 Ebitru 5:4

Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.

1 Eyohana 3:2

Agimi akyemeazba, agi e wo moanwye ba Ahogbrẽ angyiŋ ohuhuhi, ambo agi e yi eka ba agi é ba e dzu zhezheŋ a wo mbo. Ambo agi e yi ba agi é ba e dzu eka ba Ekristi omba baŋ á ba. Agi é zhiŋ e dzu eka baŋ, okyku eshi agi é ka ŋa eka baŋ a wo zhezheŋ.

2 Eyohana 1:1

Akpa he lo a zgi abgo ba Andakʼpo, A yi okro Ashe moa a sla ŋa pa la moanwye baŋ, ba ame e klo mo la adlidzi. Ame sha angyiŋ mbo, ambo moare pyeŋ la a yi adlidzi moa a klo gimi,

3 Eyohana 1:1

Akpa he lo a zgi abgo ba Andakʼpo, A yi abgo ba Egayu, arehwĩ ba ame e klo ŋa nzenze.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.