1 Ebitru 4:9 - Ohwihwim Olehe

⁹ Agimi e yga egimi adne egimi la ovyevye, nga e nyi agla mbo.

1 Ebitru 4:9 ပူးပေါင်းရင်းမြစ်များ

MoaOroma 12:13

E gʼba ayakplo bimi e wo la alo ma pa la moanigimi la a wo ekŋe, nga agimi e yga moazhẽ adne bimi.

MoaOroma 16:23

Adime-odne la a ri Egayu, aŋa arehwĩ ba Eklisiya la e shki eshki odne baŋ, aŋa a mbo a shko gimi. Erastu la a wo are la a shri amgbaŋ a zga ba osku lo ta la anigi Ekwatu, moa a shko gimi. [

2 MoaOkorinti 9:7

Okyku eka he o raŋ o gre ba areyaŋ a mbo a fa a di eka ekplo baŋ a hwim eso baŋ. A kpo lo la ombhi mbo, nga a sko lo a zga eka ba alo a wo otum angyiŋ mbo, okyku eshi Ahogbrẽ a la a klo are la a fa a di la ovyevye.

MoaEfilibi 2:14

Agimi e kpo ekployaŋ a mbo ta la onyiagla o mbo le oklaodlo mbo,

1 Etimoti 3:2

O raŋ o gre ba apasto a wo are la a wo la akpu akplokyeŋ ma mbo. O dzu omgbybi baŋ a wo la ashe akyeŋ sha e ma, nga a dzu are la a nyuŋ a kpo-kpo ekployaŋ a mbo, ta la are la a vu eŋa a ghwo. Aŋa a dzu are la a dzu shasha, nga a la a yga moazhẽ la anyu eŋo-eŋo odne baŋ, nga o raŋ o gre baŋ a wo are la a nye moahwõ odlo ba Ahogbrẽ a gbu.

Etitu 1:8

O raŋ o gre baŋ a dzu are la a yga moazhẽ odne baŋ la anyu eŋo-eŋo nga a klo ekplo la e wo edzadzi. Aŋa a dzu are la a vu eŋa a ghwo, ta la are la a tspi kyekye, nga la a wo esesla, nga a nye eda.

Efilimo 1:14

Ambo ame e klo o vu ŋo omgbybi okyku o kpo o ghwo la me mbo, okyku eshi ame e klo boŋ o kpo ekplo la e raŋ ŋo esõ angyiŋ. Ame e ka é kpo ekplokyeŋ mbo, o wo le aŋo o bmi ayga dne.

MoaIbrani 13:16

Agimi e dzu ayakplo la a wo adzi e zga mbo, nga e tla e la e kpo e ghwo egimi mbo. Ahe lo angyiŋ a wo oshriondba la o raŋ Ahogbrẽ esõ.

MoaIbrani 13:2

Agimi e yga moazhẽ adne bimi. Moakyeŋ a la a yga moazhẽ eka he lo nga moa a yga moanwyeadga ba Ahogbrẽ la efĩ.

Eyakubu 5:9

Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!