1 Ebitru 4:7 - Ohwihwim Olehe

⁷ Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

1 Ebitru 4:7 ပူးပေါင်းရင်းမြစ်များ

Amatiyu 24:42

Okyku eka he agimi e kʼpu ba, okyku eshi agimi e yi onda ba Adigi-odne á ba a ba mbo.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

Oluka 21:34

Agimi e nyuŋ eshri bimi e zga! Agimi e da oriabgo, ta la owa-ami, ta la ogroayi ba anzho ba obiŋ hi o bile gimi mbo, o mbo le onda mi lo ó ba o gnyu gimi ó gnyu.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

Oluka 22:46

Eyesu a nyuŋ mo a lu mi le, Agimi e ndze enu okyku eshi? Agimi e kso e fa olu okyku o da gimi e tsu e gbu obile mbo.

MoaOroma 12:12

Agimi e la e ka ayi ozhẽ la ovyevye, nga e ghwo eso omba bimi e kpo ewu, nga e fa olu ombamba mvye.

1 MoaOkorinti 15:24

Omba he lo angyiŋ, eygi é ba e ba. Ekristi á kpo ekʼpo ta la egbgabi la e ri ekʼpo pyeŋ, nga Ekristi á shri Oreŋ lo á shri á da Ahogbrẽ la a wo Ada.

1 MoaOkorinti 7:29

Ame e zga aga eso me eka he. Agimi anáŋ, omba o ra ple sha a mo. Okyku eka he, o zga esĩ ohuhuhi, moa la a kyu moashe a dzu eka moare la a kyu moashe mbo,

MoAfisu 6:18

Agimi e kpo ohe lo pyeŋ ibu ba olu, nga e vẽ okyku okpoghwo ba Ahogbrẽ. E fa olu ombamba pyeŋ eka ba Ogbgaodzi o tsa gimi. Okyku eka he, e dzu e kʼpu, nga e da esõ e zgi e sku lo mbo, nga e fa olu okyku moarehwĩ ba Ahogbrẽ pyeŋ.

MoaEfilibi 4:5

Agimi e tsa moare pyeŋ esõ la e wo ble-ble. Adigi-odne á ta adzadzi á ba á mo.

MoaOkolosi 4:2

Agimi e fa olu ombamba pyeŋ. Nga e dzu ayi omba ba agimi e fa olu, nga e vye la Ahogbrẽ.

2 Etimoti 4:5

Ambo aŋo, o vu eŋo o ghwo ozhẽyaŋ a mbo. Aŋo o ta esõ boŋ akpyli, nga o kpo eka ba are la a nye moare Oshpaodzadzi he lo, nga o kpo otum boŋ pyeŋ eka ba awaghrẽ ba Ahogbrẽ.

Etitu 2:12

Okpoghwo he lo angyiŋ o tsa gi okyku o da gi e kyu ayakplo ba Ahogbrẽ a la a gno oraŋ ta la alo mbo abgo, nga alo angyiŋ o da gi e kyu ogroayi ba obiŋ hi abgo, nga e kpaŋ eshri bi adzadzi, nga e tspi kyekye. Nga okpoghwo he lo angyiŋ o da gi e dzu okyku o raŋ Ahogbrẽ sha esõ obiŋ hi.

MoaIbrani 10:25

E kyu o shki eshki otsotse ta la egi abgo mbo ku-ku eka ba moakyeŋ a la a kyu lo abgo. Ambo o raŋ o gre ba agi e la e shĩ egi angyiŋ okyku eshi agimi e ka e bmye eka ba olum Onda ba Adigi-odne o la o gbogbogbga o wo osusku a mo.

MoaIbrani 9:26

Okyku eshi o wo ba alo o wo eka he angyiŋ le, ó dzu ŋa omgbybi baŋ a kpo ewu engyi oshushku, a zga ekplu ba moa a kpo obiŋ hi. Ambo a ba odgo okyeŋ nga o khwo, alo ó dzu eka he ma-me o tsa onda ba amom-abgo omba baŋ a ba okyku o daŋ a se odlobi a sku moare ozhẽ baŋ a shri eshri baŋ a ndba.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.

1 Ebitru 3:7

Agimi arealom nga, eshri odzudzu bimi pa la moashe bimi, o raŋ o gre ba agimi e ka e bmye ba moa a wo oshye eka bimi mbo. Okyku okũ he lo, o raŋ o gre ba agimi e kom mo la olbi. Okyku eshi agimi pa la mo, agimi é hwiŋ esõ ba Ahogbrẽ á shri á di ototno otsotse angyiŋ. E kpo eka he lo okyku o da ekplokyeŋ é ba e bme egŋe ta la olu bimi mbo.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!