1 Ebitru 4:6 - Ohwihwim Olehe

⁶ Okyku eka he angyiŋ, moa a nyum Oshpaodzadzi a ygi moare la a sheŋ a kpu a mbo, moare la moa a sõ mo ombgu omba ba moa a wo egʼba ma, eka ba moa a la a sõ areyaŋ a mbo ombgu. Moa a nyum oshpa a ygi egbga moarehwĩ okyku o da mo a dzu la esõ ma okyku Ahogbrẽ.

1 Ebitru 4:6 ပူးပေါင်းရင်းမြစ်များ

Amatiyu 24:9

Moare á vu gimi á shri á da mo a kpo gimi ewu. Nga moa á bga gimi á ta okom. Moarehwĩ pyeŋ á tla gimi okyku me.

MoaOroma 8:2

okyku eshi odaŋ ba Ogbgaodzi la o shri eso o da gi, nga o la o shri gi o kŋe o bga ta la Ekristi Eyesu, o zgi me o sku odaŋ ba odlobi ta la eku.

MoaEgalasiya 2:19

Okro odaŋ ame e dzu okom a mo. Odaŋ he lo angyiŋ o bga me okyku o da me e dzu la eso ma okyku Ahogbrẽ. Moa a gŋe me egŋe aki ta la Ekristi otsotse.

MoaEgalasiya 5:25

Ogbgaodzi o shri eso angyiŋ o shri o da gi. O dzu omgbybi baŋ á ba a ri ekʼpo eso bi a mbo.

1 Ebitru 1:12

Ahogbrẽ a tsa moarehwĩ baŋ a hom mo otum. A lu ma otum mo lo o wo okyku ohwihwiŋ ba eshri mo angyiŋ mbo. Ma alo o wo okyku gimi angyiŋ. Moa a lu eka he lo angyiŋ eshri ba adlidzi ba agimi e gno ohuhuhi. Moa la a tsa gimi adlidzi lo, moa a wo moanwyeadga ba Oshpaodzadzi, nga moa a lu odlo lo la ekʼpo ba Ogbgaodzi la o zgi Ongyeŋ angyiŋ o ba. Moanwyeadga ba Ahogbrẽ a mbo a klo o ka adlidzi he lo o bmye.

1 Ebitru 3:18

Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.

1 Ebitru 3:19

Omba baŋ a wo la edgu egʼba ba ogbga angyiŋ, aŋa a gre a yi a nyum oshpa a ygi egbga ba moarehwĩ ba moa a klu mo a ta aku.

Otsotsa 14:18

Ambla he nga anwyeadga ahwõ a zgi okro ba ambgu a ba. Aŋa angyiŋ a wo la a kʼpu ovo lo. Aŋa a lu odlo osheshye ta la anwyeadga la a wo la elenje la e wo hihihli hi lo a lu mi le, Aŋo o kpo otum pa la elenje boŋ, nga o yla andzgu anab la a bmye la e wo agbi ba obiŋ hi lo, okyku eshi alo a bmye bgu!