1 Ebitru 4:13 - Ohwihwim Olehe

¹³ Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

1 Ebitru 4:13 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 25:21

Adaŋ-odne a lu mi le, Ame e vye la ŋo, aŋo o wo anwye-odne adzadzi. Aŋo o tsa me adlidzi ekplo etsitsi, okyku eka he, ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 25:23

Adaŋ-odne lo a lu mi le, Ame e vye la ŋo, o wo anwye-odne adzadzi. Aŋo o tsa me adlidzi ekplo etsitsi, okyku eka he ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amatiyu 5:12

Agimi e kpo ovye, nga e gno oraŋ, okyku eshi egbre egagre e wo ma Ongyeŋ okyku gimi. Moare a kpo pa la moarehwĩ ba Ahogbrẽ a hom mo otum a mbo ekakahelo angyiŋ omba la o sheŋ o gre mi.

Amarku 8:38

O wo ba arekyeŋ a kpo anzi okyku me ta la odlo me omba ba odlobi nzenze he lo le, Anwye Arehwĩ á kpo anzi okyku are he lo, onda baŋ á ba a ba la ayimom ba esesla ba Adaŋ, pa la moanwyeadga ba Ahogbrẽ.

Oluka 17:30

Ó kpo ekakahelo angyiŋ onda ba Anwye Arehwĩ á ba a gnyu á ba.

Otum 16:25

Ekpatspe okyukyku nga, Oblus ta la Esila moa a la a fa olu nga moa a fu abmo a la a hlu Ahogbrẽ eshko. Moahwõ moa a shri mo a ygi aku pa la mo nga, moa a la a ngli a gno.

Otum 5:41

Moa la a nyum oshpa lo a zhiŋ ogbu a gre la ovyevye okyku ba Ahogbrẽ a sla mo okyku o da mo a kpo ewu okyku eshko Eyesu.

MoaOroma 5:3

O raŋ o gre ba agi e kpo ovye angyiŋ omba ba agi e kpo ewu, okyku eshi ewu angyiŋ e la e shri oghwo-esõ e shri e ba.

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

MoaOroma 8:18

Ame e tne aga e ka tki, ekʼpo bi é ba e gre ewu bi e la e kpo ohuhuhi nzenze.

2 MoaOkorinti 1:5

Eka bi e pu ta la Ekristi ewu nzenze baŋ a kpo, ekakahelo angyiŋ agi e la e pu ka la ŋ a okpoghwo baŋ la o gre eshri.

2 MoaOkorinti 1:7

Okyku eka he ekplokyeŋ bi e fu eha eshri bimi e wo ma mbo. Okyku eka he nga eka bimi e pu ka la gi okro ba ewu lo, ekakahelo angyiŋ agi e yi ba agimi e pu ka la gi owlama ba agi e hwiŋ.

2 MoaOkorinti 4:10

Ombayaŋ a mbo eku ba Eyesu e wo egʼba bi, okyku o da mo a ka eso baŋ ka la gi.

2 MoaOkorinti 4:17

Nga ela ewu ba agi e la e kpo okyku omba fi sha hi, é shri anyuŋ owlama ba gbagbu-amo la e gre ewu nzenze angyiŋ é ba é shri é kom gi.

MoaEfilibi 3:10

Ekplo ba ame e klo angyiŋ e wo okyku o yi Ekristi nga o hwiŋ ekʼpo ba oksongbybi baŋ a kso. Nga o pu ka la ŋa ewu baŋ a kpo, nga o dzu eka baŋ ibu eku baŋ,

MoaOkolosi 1:24

Ohuhuhi nga, ame e wo la ovye ma okyku ewu ba ame e la e kpo okyku gimi. Okyku eshi okro ewu ba egʼba ba ame e la e kpo he lo, ame e kpo e ghwo okyku o mom o bli ekplo ba moa a kpo a ra okro ba ewu ba Ekristi a kpo, okyku egʼba baŋ la e wo Eklisiya.

2 Etimoti 2:12

O wo bi e bmi e ghwo esõ le, agi é ri ekʼpo ka la ŋa otsotse. Nga o wo bi e kpo evom baŋ le, aŋa a mbo á kpo evom bi.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.

1 Ebitru 2:21

Okyku ohi lo angyiŋ, Ahogbrẽ a bzi gimi. Okyku eshi Ekristi a mbo a kpo ewu okyku gimi, nga a dzu egŋe a zga ma okyku o da gimi a mbo e kpo eka he lo, nga e sõ ozhẽ baŋ a sõ lo.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.