1 Ebitru 4:11 - Ohwihwim Olehe

¹¹ Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

1 Ebitru 4:11 ပူးပေါင်းရင်းမြစ်များ

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Eyohana 13:31

Ambla ba Eyahuda a sheŋ a gre nga, Eyesu a lu mi le, ohuhuhi moa á ka ayimom esesla ba Anwye Arehwi. Moa a ka ayimom esesla ba Ahogbrẽ okyku ŋa angyiŋ.

Otum 7:38

Aŋa angyiŋ a la a dzi pa la moarehwi ba Esrayila akla. Aŋa a wo ma pa la moadigi, ta la anwyeadga ba Ahogbrẽ la a lu odlo ka la ŋa Aku ba Esinayi. Aŋa á yga odlo ba Ahogbrẽ la o shri eso o da gi, okyku o daŋ a lu lo a da gi.

MoaOroma 11:36

Aŋa angyiŋ a kpo ekployaŋ a mbo, aŋa nga a da ekployaŋ a mbo e wo ma okyku eŋa. Ekekʼpo e dzu okyku Ahogbrẽ gbagbu-amo! Amin.

MoaOroma 12:3

Okyku ototno ba okayiekŋe ba Ahogbrẽ a shri a da me, ame e lu e da gimi mvye, agimi e sko egimi e zga la ekʼpo e gre eshri mbo, ambo agimi e nyuŋ e kpo-kpo eka bimi e tne aga. Areyaŋ a mbo nga a sa a kpo otum ta la obmi ba adlidzi ba Ahogbrẽ a shri a daŋ.

MoaOroma 16:27

Agi e ka Ahogbrẽ akyakyeŋ la a wo la okaobmye pyeŋ, la ekekʼpo eshko ba Eyesu Ekristi gbagbu-amo. Amin.

MoaOroma 3:2

Owlama o wo ma o gre eshri! Okyku eshi Ahogbrẽ a shri odlo baŋ a shri a da moaEyahuda oriori.

1 MoaOkorinti 10:31

Okyku eka he, ekployaŋ a mbo boŋ o kpo, omba boŋ o ri ta la omba boŋ o wa, o raŋ o gre boŋ o kpo ayakplo lo mvye okyku o hlu Ahogbrẽ eshko.

1 MoaOkorinti 12:4

Okpogbu ba Ogbgaodzi o wo adandandim, ambo Ogbgaodzi okyekyeŋ o shri lo o di.

1 MoaOkorinti 3:10

Ame e mbdzi aku eka are la a yi o mbdzi a gre eshri, okyku eshi ame e kpo otum ta la oyioyi ba Ahogbrẽ a shri a da me. Ame nga e ta ahwim lo, nga arekyeŋ a mbdzi anzoŋ lo. Ambo o raŋ o gre ba areyaŋ a mbo a nyuŋ a kpo-kpo eka baŋ a la a mbdzi lo.

1 MoaOkorinti 6:20

Aŋa a gbmo gimi la ekplo la e wo la egbmo nzenze, okyku eka he agimi e shri egʼba bimi e kpo otum okyku o hlu Ahogbrẽ eshko.

2 MoaOkorinti 2:17

Agi e wo eka moahwõ nzenze angyiŋ mbo. Moa a la a kpo otum ta la oshpa ba Ahogbrẽ eka ba ama egbmo la a wo ofa. Ambo okyku ba Ahogbrẽ angyiŋ a hom gi otum, agi e la e zgi egŋe baŋ la adlidzidzi egi ayi baŋ eka moawaghrẽ ba Ekristi.

2 MoaOkorinti 9:13

Okyku otsotsa ba otum bimi hi o shri o ba moare nzenze á vye la Ahogbrẽ okyku bimi e bmi la eso ekyekyeŋ ta la Oshpaodzadzi ba Ekristi ba agimi e zgi egŋe eshri lo. Nga moa á vye la Ahogbrẽ okyku eso ba okpoghwo ba agimi e wo la alo ma, nga okyku ba agimi e la e gʼba ekployaŋ a mbo pa la moarehwi he lo pa la moahwõ a mbo.

MoAfisu 1:19

nga okyku o da gimi e yi ba ekʼpo baŋ la e gre eshri angyiŋ e la e kpo otum ka gi la e bmi ba adlidzi ka la ŋa. Ekʼpo la e wo ka la gi hi, e wo eka oshye ogagre angyiŋ.

MoAfisu 4:29

Agimi e la e kpo otum ta la odlo la o vu olo omba bimi e kpla egba mbo. E kpo otum ta la odlo la o kpo o ghwo sha. E kpo otum ta la edgu odlo la o mbdzi angyiŋ nga e shri ekplo la e gbaŋ e shri e ba, okyku o da moa la a gno odlo boŋ a hwiŋ owlama eshri odlo lo.

MoAfisu 5:20

Ombayaŋ a mbo agimi e vye la Ahogbrẽ la a wo Adigi okyku ekployaŋ a mbo, eshko ba Adigi-odne Eyesu Ekristi.

MoAfisu 6:10

Ekplo ba amom-abgo ekpyemgbyeŋ, o raŋ o gre ba agimi e sko oshye bimi e zga okŋeobga ba Adigi-odne okro ba ekʼpo egagre baŋ.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

MoaEfilibi 2:11

Nga areyaŋ a mbo á su eka ba Eyesu Ekristi angyiŋ a wo Adigi-odne lo, Okyku ohlueshko ba Ahogbrẽ Adigi.

MoaOkolosi 4:6

nga e lu odlo la o wo ble nga o wo odzi angyiŋ pa la moare. Nga o raŋ o gre ba agimi e yi eka ba o shri otnoma la o wo odzi angyiŋ o shri o da areyaŋ a mbo.

1 MoaEtasolonika 2:4

Ambo agi e lu odlo ombamba eka ba Ahogbrẽ a klo bi e lu angyiŋ, okyku eshi aŋa a bmi ka la gi nga a shri Oshpaodzadzi a shri a da gi. Agi e zga gble okyku o raŋ moarehwĩ angyiŋ esõ mbo, ambo okyku o raŋ Ahogbrẽ angyiŋ esõ. Aŋa a la a mbga aga esõ bi.

1 Etimoti 1:17

Ahogbrẽ a wo Anyuŋ-areŋ ba gbagbu-amo, a wo la a kpu ku-ku mbo, nga moa a ka ŋa a gbu mbo, aŋa sha a wo Ahogbrẽ gbagbu-amo. Nga ekʼpo, ta la esesla moa a wo a baŋ pyeŋ! Amin.

1 Etimoti 6:16

Aŋa sha a wo la á kpu ku-ku mbo. Aŋa a la a dzu ayimom ba arekyeŋ a yi osusku ta la alo a gbu ku-ku mbo. Arekyeŋ a ka ŋa a ka ku-ku mbo, nga arekyeŋ á ka ŋa á gbu mbo ku-ku. Onyuonyuŋ ta la ekʼpo pyeŋ ba gbagbu-amo, moa pyeŋ moa a wo a baŋ angyiŋ! Amin.

Etitu 2:1

Ame e lu e doŋ, aŋo o nye moare ekplo la e wo ozhẽ ba onyenye la o wo shasha.

Etitu 2:15

Aŋo o nye moare ayakplo he lo, nga o kpo otum la ekʼpo boŋ pyeŋ omba boŋ o shĩ moare nga o shrom moare. O da akyeŋ anvaŋ okyku o daŋ a dzĩ ŋo mbo.

MoaIbrani 13:7

E dzu moandakʼpo bimi ba ayga la a lu odlo ba Ahogbrẽ a ygi gimi. Agimi e tne aga adzadzi e ka, eka ba moa a la a dzu nga a kpu. Agimi nga e la e mbili obmi ba adlidzi moahi lo.

MoaIbrani 5:12

Omba o wo la gimi nzenze okyku o da gimi e dzu moa la a nye, ambo o raŋ o gre ba agimi e hwiŋ arekyeŋ la á zga esĩ á nye gimi odlo ba Ahogbrẽ. Agimi e la e wa abmo-andu sha okyku eshi agimi e kpo e gbu ba gimi e ri algo la a shye mbo.

Eyakubu 1:19

Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 1:26

Arekyeŋ a la a ka eka baŋ a wo are la a kpaŋ odlo ba Ahogbrẽ adzadzi? O wo baŋ a la a nyunyuŋ a la a lu odlo mbo le, okpo-kpo baŋ he lo o wo o ba ototno angyiŋ. Nga a la a bile eshri baŋ.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Ebitru 2:5

Agimi e ba eka ba ezhim la e wo la esõ ma, nga agimi e bmi okyku o da mo a mbdzi akulu ba Ogbgaodzi ka la gimi. Ahe lo nga agimi é kpo otum ma eka moandakʼpo olu ba Ahogbrẽ la a wo la esesla ma. Okyku o shri oshriondba ba esõ la o wo shasha e shri e ndba okro ba Ahogbrẽ ibu ba Eyesu Ekristi.

1 Ebitru 4:10

O raŋ o gre ba areyaŋ a mbo a kpo otum ta la okpogbu ba Ahogbrẽ a shri a daŋ, okyku ohwihwiŋ moahwõ. Moa a kpo otum eka moanwye-odne la owlama ba Ahogbrẽ a shri edgu okpogbu andandandim a shri a di.

1 Ebitru 4:16

Ambo agimi e da anzi a kpo gimi omba bimi e la e kpo ewu okyku bimi e lu Ekristi ma mbo. Ambo agimi e vye la Ahogbrẽ okyku ba agimi e wo la eshko ba Ekristi ma.

1 Ebitru 5:11

Ekʼpo e dzu e baŋ, gbagbu-amo! Amin.

Eyahuda 1:25

okyku baŋ sha a wo Ahogbrẽ nga a wo Areoshla bi ibu ba Eyesu Ekristi la a wo Adigi-odne. Esesla, ta la oreŋ, ta la oshye, ta la ekʼpo, moa a dzu a baŋ a zga omba la o sheŋ o bre o gre pyeŋ, ta la ohuhuhi, ka la gbagbu-amo! Amin.