1 Ebitru 4:10 - Ohwihwim Olehe

¹⁰ O raŋ o gre ba areyaŋ a mbo a kpo otum ta la okpogbu ba Ahogbrẽ a shri a daŋ, okyku ohwihwiŋ moahwõ. Moa a kpo otum eka moanwye-odne la owlama ba Ahogbrẽ a shri edgu okpogbu andandandim a shri a di.

1 Ebitru 4:10 ပူးပေါင်းရင်းမြစ်များ

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.

Amatiyu 24:21

Okyku eshi ewu ba omba hi lo, é vu olo é gre edgu ewuyaŋ a mbo ba moa a kpo a ka a zga omba ba moa a kpo obiŋ hi ma-me a ta anye he. Nga moa á kpo edgu ewu he lo ondakyeŋ ku-ku nga mbo.

Amatiyu 24:45

Ayaŋ angyiŋ a wo anwye-odne ba adlidzi ta la okaobmye? Aŋa angyiŋ a wo are ba adaŋ-odne a shri a zga ekʼpo eshri moahwõ, okyku o daŋ a shri algo a da mo omba la o raŋ o gre.

Amatiyu 25:17

Are la a yga Enaira eha, a yi a ta ekyku la alo nga a hwiŋ Enaira eha a ta ma.

Amatiyu 25:44

Moare odlobi he lo á zhĩ Areŋ lo á lu mi le, Ombayaŋ agi e ka ŋo o kpu embyle, nga o kpu oŋo, nga o wo azhẽ, nga boŋ o dzi oso, nga boŋ o no olo, nga moa a vu ŋo a ta aku, agi e tla e kpo e ghwo la ŋo?

Amarku 10:45

E ka, Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ nga o shri esõ baŋ o di okyku o shla moarehwi.

Oluka 12:42

Adigi-odne a tno ma a lu mi le, Ayi angyiŋ a wo anwye-odne ba adlidzi la a ka a bmye? Aŋa angyiŋ a wo are ba adaŋ-odne á ba a shri otum á ghwo abgo baŋ okyku o daŋ a kpaŋ odne lo nga okyku o shri algo o da moanwye-odne omba la o raŋ o gre.

Oluka 19:13

Omba baŋ á kso nga, a bzi moawaghrẽ baŋ okʼpo, nga a shri Enaira a da ayaŋ a mbo eshki mo. A nyuŋ mo a lu mi le, Agimi e la e kpo egbmo ta la alo, okyku o da gimi e hwiŋ otama o tsa ba ame e ba.

Oluka 8:3

Ojowana, aŋa a wo ashe Ekuza. Ekuza he lo a wo akyeŋ eshki moandakʼpo ba moanwyeakyuŋ ba Ehirudu. Osuzana pa la moashe ahwõ moa a kpo a ghwo la Eyesu pa la moanwyeotum baŋ la ayakplo ba moa a wo la alo ma.

MoaOroma 15:25

Ambo ohuhuhi, ame e yi e kpo e ghwo la moarehwi ba Ahogbrẽ la a wo Orushalima.

MoaOroma 15:27

Moa ababgo mo angyiŋ a zga eso okyku o kpo o ghwo. Ambo o dzu omgbybi angyiŋ ba moa a kpo a ghwo la moaekŋe, okyku eshi moaEyahuda a da moa la a wo moaEyahuda mbo a hwiŋ owlama ba Ahogbrẽ ba moa a hwiŋ. Okyku eka he o raŋ o gre ba moa la a wo moaEyahuda mbo a kpo a ghwo la moaEyahuda ta la ekployaŋ a mbo ba moa a wo la alo ma.

1 MoaOkorinti 15:10

Ambo okyku okpoghwo ba Ahogbrẽ angyiŋ, ame e zhiŋ e dzu eka ba ame e wo hi. Nga okpoghwo baŋ a kpo a ghwo la me, alo o wo o ba ototno angyiŋ mbo, okyku eshi ame e kpo otum lo osheshye e gre moahwõ pyeŋ la a nyum oshpa. Ambo o wo eka he okyku ba ame angyiŋ e klo mbo, ambo okpoghwo ba Ahogbrẽ angyiŋ o la o kpo otum pa la me.

1 MoaOkorinti 3:10

Ame e mbdzi aku eka are la a yi o mbdzi a gre eshri, okyku eshi ame e kpo otum ta la oyioyi ba Ahogbrẽ a shri a da me. Ame nga e ta ahwim lo, nga arekyeŋ a mbdzi anzoŋ lo. Ambo o raŋ o gre ba areyaŋ a mbo a nyuŋ a kpo-kpo eka baŋ a la a mbdzi lo.

1 MoaOkorinti 4:7

Ayi angyiŋ a kpo ŋo a doŋ o wo la anyuanyuŋ o gre moahwõ? Ahogbrẽ angyiŋ a shri ekployaŋ a mbo boŋ o wo la alo ma a shri a doŋ mbo? Okyku eka he, okyku eshi aŋo o nyom egʼba eka ba moa a shri ayakplo he lo a shri a doŋ ototno angyiŋ mbo?

2 MoaOkorinti 6:1

Agimi e sheŋ e hwiŋ okpoghwo ba Ahogbrẽ. Okyku eka he ibu otum bi ta la Ahogbrẽ, agi e la e vẽ gimi okyku o da gimi e da okpoghwo he lo o tpi ayi ototno mbo.

2 MoaOkorinti 9:1

Alo o ka o wo ekplokyeŋ ba ame e ta gimi akpa eshri okpoghwo ba moa a shri a kom moarehwi ba Ahogbrẽ la a wo Eyahuda mbo.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoAfisu 4:11

Aŋa angyiŋ a shri okpogbu a shri a da moare. A sla moakyeŋ okyku o da mo a nyum oshpa. Moakyeŋ nga okyku o da mo a dzu moarehwĩ ba Ahogbrẽ a hom mo otum. Moakyeŋ nga okyku o da mo a dzu anwye esku nga a nyum oshpa. Moakyeŋ nga okyku o da mo a dzu moa-opasto. Moakyeŋ okyku o da mo a dzu moa la a nye moare engla.

2 Etimoti 1:18

Ame e vẽ Adigi-odne, okyku o daŋ a ka ŋa ayiekŋe Onda mi lo! Aŋo a mbo o yi eka ekplo baŋ a kpo okyku me omba baŋ a wo Afisu.

Etitu 1:7

Otum ba Ahogbrẽ o wo abgo baŋ angyiŋ, okyku eka he lo o raŋ o gre baŋ a tspi shasha nga a dzu are la a shye eshri mbo, nga a kpo olom shoshoŋ mbo, nga a dzu are la a wa ami anab nzenze mbo. O raŋ o gre baŋ a wo are la esõ khakha mbo, nga a dzu are la a kpo oriayi mbo.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

1 Ebitru 5:12

Esilvanu angyiŋ a kpo a ghwo la me, a da me e ta etaŋ akpa he lo. Ame e sko ŋa e zga eka anáŋ la a wo la adlidzi. Ame e klo e shĩ gimi nga e zgi egŋe eka ba odlo he lo o wo okpoghwo ba adlidzi ba Ahogbrẽ angyiŋ. Agimi e tspi osheshye ta la alo.