1 Ebitru 3:8 - Ohwihwim Olehe

⁸ Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

1 Ebitru 3:8 ပူးပေါင်းရင်းမြစ်များ

Amatiyu 18:33

E mbi aŋo a mbo o ka are la a kpo otum ka la ŋo odne me ayiekŋe eka ba ame a mbo e ka ŋo ayiekŋe.

Oluka 10:33

Ambo alom ba Asamariya a mbo a sõ ozhẽ he lo. Omba baŋ a ba a bre a yi nga, a ka alom he lo nga a wo ŋa ayiekŋe.

Otum 2:1

Onda olum ba Epentakos, moare la a bmi ba adlidzi mvye a pla a shki okrokyeŋ.

Otum 27:3

Onda oha nga, agi e gbu Esidoŋ. Ojuliyo a kpo a ghwo la Oblus, nga a bmi a daŋ a yi a ka moakyeŋazba okyku o da mo a kpo a ghwo a ŋa la ekplo baŋ a klo.

Otum 28:7

Agbi ba Opubliyu a wo osusku ta la okro lo. Aŋa a wo areŋ ba anwye-obiŋ lo. A yga gi adzadzi. Agi e dzu moa-zhẽ baŋ okyku elum etra.

Otum 4:32

Moare la a bmi ba adlidzi mvye, moa a kaŋ eshri a bga osheshye. Arekyeŋ a kom ekplo baŋ a wo alo ma ambambga mbo. Moa a la a gʼba ekployaŋ a mbo moa a wo alo ma otsotse.

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

MoaOroma 15:5

Ahogbrẽ la a wo esĩ ba heheŋ ta la oshioshĩ, a kpo a ghwo la gimi okyku o da gimi e dzu okyekyeŋ nga e kpo eka ba Ekristi Eyesu a kpo.

1 MoaOkorinti 1:10

Ame e vẽ gimi anáŋ, okro ba ekʼpo ba Adigi-odne Eyesu Ekristi. Agimi e la e bmi ta la egimi ekployaŋ a mbo bimi e lu, okyku o da ogagʼbakyeŋ o gre o ba eshki bimi mbo. Agimi e da eshri bimi e dzu ekyekyeŋ aga bimi ta la okoklo bimi.

1 MoaOkorinti 12:26

O wo ba evgi ekyeŋ e la e kpo ewu le, évgi ehwõ pyeŋ e la e kpo ewu ta la alo. Nga o wo ba evgi ekyeŋ e hwiŋ otsotsom le, évgi ehwõ e la e kpo ovye ta la alo otsotse.

MoAfisu 4:2

E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoAfisu 4:31

Agimi e dzu la esõ la e wo ebi ta la arekyeŋ mbo, nga e dzu ta la ogroayi, ta la olom mbo. Nga e la e kʼpi ohwa la ota enzi angyangyeŋ o mbo le e la e dzĩ egimi nga mbo! Nga e la e kpo edgu ofpuyaŋ a mbo ta la egimi ku-ku nga mbo.

MoAfisu 4:32

Ambo agimi e la e kpo e ghwo la egimi la esõ ble-ble angyiŋ. Nga agimi e la e kyu egimi abgo akpu eka ba Ahogbrẽ a mbo a kyu gimi abgo okro ba Ekristi.

MoaEfilibi 2:3

O raŋ o gre ba agimi e kpo ekplokyeŋ la e shri ogogʼba e ba angyiŋ mbo, o mbo le la oklo ekʼpoeshri mbo. Ambo e pre esõ obiŋ ta la egimi. Arekyeŋ a la a sko eshri baŋ a zga eka baŋ a yi a kpo a gre moahwõ mbo.

MoaEfilibi 3:16

O wo ba alo o wo ekayaŋ a mbo, agimi e da gi e la e knye la edgu odaŋ ba agi e la e kpo otum ta la lo ma-me e bli omba he.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

MoaIbrani 13:1

O raŋ o gre ba agimi e klo egimi eka moanáŋ eshko ba Ekristi.

Eyakubu 2:13

Okyku eshi Ahogbrẽ á ka are la a wo la okayiekŋe mbo ayiekŋe mbo omba baŋ á sõ ŋa ombgu. Ambo okayiekŋe angyiŋ o kpo o gre osõmgbu.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

Eyakubu 5:11

Moa a dzu gble, okyku eka he agi e la e bzi mo ma moarehwĩ la a gno oraŋ. Agimi e sheŋ e gno eka ba Ayuba a ta esõ akpyli, nga agimi e yi eka ba amom-abgo a hwiŋ owlama okro ba Adigi-odne. E ka, Adigi-odne a wo are la a wo la okayiekŋe ta la oklo ma.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:17

Agimi e fa olbi e da moarehwĩ pyeŋ. Agimi e klo moa la a bmi ba adlidzi otsotse ka la gimi. Nga agimi e la e kpo eyli ba Ahogbrẽ, nga e fa olbi e da Ekeza.

1 Ebitru 5:5

Nga ozhẽ he lo, agimi ola anwye, o raŋ o gre ba agimi e fa olbi e da moare la a kʼpo gimi. Nga o raŋ o gre ba agimi pyeŋ e kpo ble-ble, nga agimi e kpo e ghwo la egimi. Odlo ba Ahogbrẽ o lu mi le, Ahogbrẽ a tla moare la a nyom egʼba, ambo aŋa a la a kpo a ghwo la moarehwĩ la a wo ble-ble.

2 Ebitru 1:7

Nga okyku o da oklo moanáŋ o sa o ta ma la odzudzu la o raŋ Ahogbrẽ esõ. Nga okyku o da oklo o sa o ta ma la oklo moanáŋ.

1 Eyohana 3:14

Agi e yi ba agi e dzu eku e zga nga e ba okro ba esõ. Agi e yi ba alo o wo eka he lo, okyku eshi agi e la e klo moanigi. Areyaŋ a mbo la a wo la oklo ma mbo le, aŋa a yi a wo ibu ba eku angyiŋ.