1 Ebitru 3:4 - Ohwihwim Olehe

⁴ Ambo o raŋ o gre ba agimi e da odzudzu bimi ba egi eshyẽ ba adlidzi angyiŋ o dzu ozba bimi. Ozba he lo ó khwo ku-ku nga mbo. Alo o dzu ble, nga o dzu la esõ la e wo shu. O wo owlama okro ba Ahogbrẽ o gre eshri.

1 Ebitru 3:4 ပူးပေါင်းရင်းမြစ်များ

Amatiyu 11:29

Agimi e da me e ri ekʼpo eshri bimi, nga e nye ibu me, okyku eshi ame e wo la esõ ble-ble pa la opresõ-obiŋ, nga agimi é hwiŋ odzudum.

Amatiyu 21:5

Aŋo o lu o da osku ba Ezayoŋ, Ohuhuhi, Anyuŋ-areŋ boŋ a la a ba okro boŋ. Aŋa a wo la esõ ble, nga a vre ashrishri. Aŋa a vre anwye ashrishri.

Amatiyu 23:26

Agimi Efarisi la e vga ayi! O raŋ o gre ba agimi e ndza ekplo la e wo etku owami lo eshyẽ ayga, ambla he nga egi edzi a mbo é wo pyapyaŋ!

Amatiyu 5:5

Oraŋ o wo ma okyku moa la a wo la esõ ble-ble, okyku eshi moa á hwiŋ ekplo ba Ahogbrẽ a hwim okyku mo!

Oluka 11:40

Agimi adrodro! E ka, Ahogbrẽ angyiŋ a kpo edzi ta la eshyẽ mbo?

Oluka 16:15

Eyesu a nyuŋ mo a lu mi le, Agimi e sko eshri bimi e zga eka moarehwi la a wo shasha egi ayi moarehwi, ambo Ahogbrẽ a yi edgu eso bimi. Ekplo ba moarehwi a sko lo a zga la anyuanyuŋ e wo ekplokyeŋ angyiŋ egi ayi Ahogbrẽ mbo.

MoaOroma 1:23

Moa a sko ekekʼpo ba Ahogbrẽ ba gbagbu-amo a shri a da okpko. Moa a kpo mo a da mo a wo eka ba arehwĩ ta la abyebye, ta la ebyi, ta la edgu ebyi la e la e dra akpyki obiŋ.

MoaOroma 2:29

Ambo are ba Eyahuda ba adlidzi angyiŋ a wo are la a wo a ba Eyahuda eso. Edgu are he lo angyiŋ a wo are la a da mo a sheŋ ŋa ongyum eso. Ohe lo o wo otum ba Ogbgaodzi ba Ahogbrẽ angyiŋ, o wo otum ba odaŋ ba moa a ta akpa angyiŋ mbo. Are he lo a la a yga otsom baŋ okro ba Ahogbrẽ angyiŋ, aŋa a la a yga lo okro moarehwi angyiŋ mbo.

MoaOroma 6:6

Agi nga e yi ba moa a gŋe egʼba bi elegbyi egŋe aki ta la Ekristi okyku o da mo a nyiŋ aga ba odlobi la a wo eso bi. Okyku o da gi e dzu moawaghrẽ ba odlobi nga mbo.

MoaOroma 7:22

Ame e la e gno oraŋ ta la odaŋ ba Ahogbrẽ eso me eshyẽ.

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

2 MoaOkorinti 4:16

Okyku okũ odlo he lo, agi e da egʼba e shki gi ami ondakyeŋ mbo ku-ku. Odzudzu bi ba egʼba o la o vrẽ, ambo ekakahelo, odzudzu bi ba eso o la o zhiŋ o dzu ohe elulum.

MoaEgalasiya 5:23

ta la opresõ-obiŋ, ta la ovueŋoghwo. Odaŋ-okyeŋ la o tla ayakplo edgu ahe o wo ma mbo.

MoAfisu 4:2

E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

MoaOkolosi 3:3

Okyku eshi agimi e sheŋ e kpu, nga esõ bimi e yi e ghre ta la Ekristi okro ba Ahogbrẽ.

1 MoaEtasolonika 4:11

Agimi e hwim esõ bimi nga e dzu la esõ-egbubiŋ. E ghwo abgo akplo moahwõ mbo, nga e nyuŋ otum bimi e kpo okyku o da gimi e hwiŋ algori eka ba agi e sheŋ e lu e da gimi ayga.

2 MoaEtasolonika 3:12

La eshko ba Adigi-odne Eyesu Ekristi angyiŋ agi e shrom moarehwĩ he lo, o raŋ o gre ba moa a dzu la edgu odzudzu la o wo odzi nga o raŋ o gre ba moa a kpo otum okyku o da mo a hwiŋ algori ba eshri emo.

1 Etimoti 2:2

nga okyku moareŋ, pa la moandakʼpo pyeŋ la a la a ri ekʼpo, okyku o da gi e dzi e hwile egʼba nga e dzu opya-pyaŋ, nga e fa olbi e da Ahogbrẽ la odzudzu la o wo shasha.

2 Etimoti 2:25

Nga a dzu are la a kpo ble-ble omba baŋ a nye moare la a tla ŋa. O dzu mbo, Ahogbrẽ á da mo anvaŋ okyku o ghwo obiŋ, okyku o da mo a yi adlidzi lo.

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

1 Ebitru 1:23

Okyku eshi okro ba odlo ba Ahogbrẽ la o wo la esõ ma nga ba alo ó dzu ma gbagbu-amo, moa a sa a bla gimi a mbre eka moanwye ba ada la á kpu ku-ku nga mbo.

1 Ebitru 3:15

Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.