1 Ebitru 3:21 - Ohwihwim Olehe

²¹ Amihĩ lo a wo ekplo la e wo egŋe ba abaptisma, nga alo angyiŋ a shla gimi ohuhuhi. Ohe lo o kpo ozhẽ ba agimi e ndza erum ba egʼba bimi angyiŋ mbo, ambo ozhẽ ba ohwihwim ba agimi e hwim la enzi ba esõ la e wo edzi ta la Ahogbrẽ. Ozhẽ ba oksongybi ba Eyesu Ekristi he lo angyiŋ, abaptisma a shri oshla a shri a da gimi.

1 Ebitru 3:21 ပူးပေါင်းရင်းမြစ်များ

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Amarku 16:16

Are la a bmi ba adlidzi nga moa a kpo ŋa abaptisma á gro. Are la a bmi ba adlidzi mbo, Ahogbrẽ á sõ ŋa ombgu.

Eyohana 13:9

Esima Ebitru a tno ma a lu mi le, Adigi-odne, o ndza adga me sha angyiŋ mbo, ambo o ndza eshri me, ta la adga me a mbo ko-ko!

Otum 16:33

Okyukyku he lo, are la a kʼpu mo, a fu ami a ndza mo ero moa a taŋ mo andzu, nga moa a kpo ŋa pa la moa-odne baŋ abaptisma.

Otum 2:38

Ebitru nga a tno mo ma a lu mi le, Areyaŋ a mbo eshki bimi a ghwo obiŋ odlobi baŋ, nga a da mo a kpo ŋa abaptisma eshko ba Eyesu Ekristi okyku o da mo a kyu ŋa abgo odlobi. Nga Ahogbrẽ á shri Ogbgaodzi á shri lo á daŋ ototno.

Otum 22:16

Ohuhuhi, okyku eshi aŋo o la o tpi omba ayi? O kso angyeŋ nga o da mo a kpo ŋo abaptisma, nga okyku o da mo a kyu ŋo abgo odlobi boŋ eshko ba Eyesu.

Otum 8:36

Moa a dzi a gre fi nga, moa a gbu okrokyeŋ ba ami-hĩ a wo ma, nga alom lo a zhĩ a lu mi le, Amihĩ a wo ahe. Eshi e nyom boŋ o kpo me abaptisma? [

Otum 8:37

Efilibu a tno ŋa ma a lu mi le, Moa á kpo ŋo abaptisma o wo boŋ o bmi ba adlidzi la eso boŋ mvye. Alom he lo a tno ma a lu mi le, Ame e bmi. A sa a lu mi le, Ame e bmi ba Eyesu Ekristi a wo Anwye Ahogbrẽ.]

MoaOroma 5:14

A zga omba ba Adamu a ba omba ba Omusa, moarehwi mvye a wo abgo ba eku angyiŋ. Moare la a kpo odlobi mbo eka ba Adamu a kpo, omba baŋ a pre odaŋ ba Ahogbrẽ, moa a mbo a wo abgo ba eku angyiŋ. Adamu a dzu emle are la á ba.

1 MoaOkorinti 12:13

Nga ekakahelo, agi Eyahuda pa la moa la a wo moaEyahuda mbo, pa la moa la a wo moawaghrẽ, pa la moa la a wo moawaghrẽ mbo, moa a kpo gi abaptisma ibu ba egʼba ekyekyeŋ, la Ogbgaodzi okyekyeŋ. Moa a shri Ogbgaodzi okyekyeŋ he lo angyiŋ a da gi pyeŋ okyku o da gi e yga.

1 MoaOkorinti 4:6

Okyku gimi anáŋ sha angyiŋ, ame e la e ta egŋe eshri ba Apolos ta la eme. Ame e kpo otum ta la egi eka egŋe angyiŋ, okyku o da gimi e yi onyenye ba odlo la o lu la, Agimi e la e kpaŋ odaŋ adzadzi. O raŋ o gre ba arekyeŋ eshki bimi a nyom egʼba okyku arekyeŋ nga a la a dzĩ arekyeŋ mbo.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoaEgalasiya 3:27

Areyaŋ a mbo ba moa a kpo ŋa abaptisma la okŋeobga ta la Ekristi, moa a sko edgu eda ba Ekristi angyiŋ a mo.

MoAfisu 5:26

A kpo ohe lo okyku o shri Eklisiya o zga okyku Ahogbrẽ angyiŋ, ambla baŋ a ndza lo la odlo baŋ,

MoaOkolosi 2:12

Okyku eshi omba ba moa a kpo gimi abaptisma, moa a ngybi gimi ta la Ekristi angyiŋ. Nga okro ba abaptisma he lo angyiŋ moa a kso gimi ta la Ekristi, okro obmi ba adlidzi bimi ta la ekʼpo la e wo oshye la e wo e ba Ahogbrẽ, la a kso Ekristi ibu ba eku.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

1 Etimoti 6:12

O zga ayi ngre nga o knye oŋe ba obmi ba adlidzi, okyku o doŋ o hwiŋ egbre ba esõ ba gbagbu-amo. Okyku odzudzu he lo angyiŋ Ahogbrẽ a bzi ŋo, omba boŋ o zgi egŋe ba obmi ba adlidzi boŋ egi ayi moaegŋe ahwõ nzenze.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

MoaIbrani 11:19

Ebrahim a yi zhezheŋ ba Ahogbrẽ a kpo a gbu baŋ a sa a kso Eshaku eku. Eshri odlo he lo Ebrahim a bla Eshaku a yga abgo ba eku.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

MoaIbrani 9:24

Okyku eshi Ekristi a gre Enjygu ba Esesla ba moarehwĩ angyiŋ a kpo lo mbo. Enjygu lo e zgi okro ba adlidzi e zgi sha angyiŋ. A gre Ongyeŋ lo angyiŋ. Ahe lo a la a tspi egi ayi ba Ahogbrẽ okyku gi ohuhuhi.

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.

1 Ebitru 3:16

Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.