1 Ebitru 3:20 - Ohwihwim Olehe

²⁰ Egbga he lo e wo egbga ba moarehwĩ la a sheŋ a shye eshri ta la Ahogbrẽ omba baŋ a la a dzu a bli, omba ba Onuhu a la a mbdzi amgblami. Moare ple sha a gre amgblami he lo. Moarehwĩ afote angyiŋ moa a gro okyku ami.

1 Ebitru 3:20 ပူးပေါင်းရင်းမြစ်များ

Amatiyu 7:14

Ozhẽ la o sõ o gre okro ba esõ, o fye kpate, nga o wo ewu o sosõ. Moare fi sha a la a sõ lo.

Oluka 12:32

Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi.

Otum 2:41

Moare nzenze eshki lo a gno oshpa lo nga moa a bmi ba adlidzi, nga moa a kpo mo abaptisma. Moa la a zhiŋ onda he lo a wo ezbietra.

MoaOroma 9:22

Ekplo ba Ahogbrẽ a kpo e wo ekakahelo angyiŋ. A klo o tsa olom baŋ nga o da moare a yi ekʼpo baŋ. Okyku eka he nga, aŋa a kpo ble-ble okyku baŋ a la a kpo heheŋ pa la moa ba eso e tpi ŋa ayi pa la mo. E mbi ekplo la e ra, e ra ba moa a jygi mo sha a mo.

MoAfisu 5:26

A kpo ohe lo okyku o shri Eklisiya o zga okyku Ahogbrẽ angyiŋ, ambla baŋ a ndza lo la odlo baŋ,

MoaIbrani 11:7

Obmi ba adlidzi angyiŋ o da Onuhu a ngli atuŋ a gno oshĩ ba Ahogbrẽ eshri ayakplo la a wo efĩ, ayakplo he lo á kpo omba la o yi o wo egi ayi. A kpaŋ odlo lo, okyku eka he lo a sẽ amgblami, nga aŋa pa la moa-odne baŋ moa a gro okyku lo angyiŋ. Ozhẽ he lo angyiŋ aŋa a sõ moarehwĩ ba obiŋ hi pyeŋ ombgu. Aŋa nga a hwiŋ odlodzi la o zgi okro ba Ahogbrẽ ozhẽ ba obmi ba adlidzi angyiŋ.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 1:9

okyku eshi agimi e la e hwiŋ owlama eshri ba obmi ba adlidzi bimi. Alo angyiŋ o wo oshla ba esõ bimi e hwiŋ.

1 Ebitru 2:25

Agimi e wo eka ba ékylu la e ta ozhẽ akpu, ambo ohuhuhi moa a shri gimi a bla a ba okyku o da gimi e sõ ozhẽ ba Are la a kpaŋ ékylu. Are he lo angyiŋ a wo are la a kpaŋ esõ bimi.

1 Ebitru 3:19

Omba baŋ a wo la edgu egʼba ba ogbga angyiŋ, aŋa a gre a yi a nyum oshpa a ygi egbga ba moarehwĩ ba moa a klu mo a ta aku.

1 Ebitru 4:19

Okyku eka he nga, moare la a la a kpo ewu okyku ba alo o dzu ekplo ba Ahogbrẽ a shri a zga okyku mo, o raŋ o gre ba moa a kpo ayakplo la a wo adzi ombamba pyeŋ, nga moa a shri eshri mo a da Are la a kpo mo, la esõ ekyekyeŋ. Aŋa a la a kpaŋ ohwihwim baŋ ombamba pyeŋ.

2 Ebitru 2:5

Ahogbrẽ a ka a dzu obiŋ ba ogbyi lo a zga mbo ku-ku. Ambo a da ami a ba a shki moarehwĩ la a wo abi obiŋ hi lo, nga a shla Onuhu la a su odlodzi, pa la moarehwĩ afoha ahwõ sha.

2 Ebitru 3:15

Agimi e ka oheheŋ ba Adigi-odne a shri a da gimi okyku o da gimi e hwiŋ ozhẽ ba o hwiŋ oshla, eka ba anigi la a ri Oblus a sheŋ a ta gimi akpa la okaobmye ba Ahogbrẽ a shri a daŋ.