1 Ebitru 3:18 - Ohwihwim Olehe

¹⁸ Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.

1 Ebitru 3:18 ပူးပေါင်းရင်းမြစ်များ

Amatiyu 27:19

Omba ba Ebilatu a wo akuombgu nga, ashe baŋ a hom otum a ba a lu mi le, Aŋo o ghwo abgo boŋ ombgu alom hi lo mbo ba. Aŋa a gbu ombgu akplokyeŋ mbo. Ame e ndze wayawaya eshri baŋ ore nzenze.

Amatiyu 27:24

Omba ba Ebilatu a ka ba alo o wo eheŋ-ekyeŋ ba o kpo akplokyeŋ nga mbo, okyku eshi a ka eka moa a kpo okpoambgu, a fu amihĩ a ndza abgo baŋ egi ayi ba eshki nga a lu mi le, Amanzhli ba alom he, a wo eshri me angyiŋ mbo, ambo alo a wo eshri bimi angyiŋ.

Eyohana 16:10

Moa á ka odlodzi lo á bmye okyku eshi ame é yi ibu ba Ada, nga moa á ka me nga mbo.

Otum 22:14

A nyuŋ me a lu mi le, Ahogbrẽ moadigi angyiŋ a sla ŋo okyku o doŋ o ka eso baŋ o bmye, nga okyku o doŋ o ka Anwye baŋ la a wo odlodzi, nga okyku o doŋ o gno enzi baŋ.

Otum 3:14

Eyesu a wo esesla, nga a raŋ odlo a gre eshri, ambo agimi e tla ŋa, nga agimi e vẽ Ebilatu a daŋ a kyu are la a kpo ebga angyiŋ abgo o sku Eyesu.

MoaOroma 1:4

Ambo ibu odzudzu baŋ ba Ahogbrẽ ba esesla, moa a tsa baŋ a wo Anwye Ahogbrẽ, la ekʼpo egagre, okyku ba moa a daŋ a kso ongybi.

MoaOroma 4:25

Moa a daŋ a kpu okyku odlobi bi, nga moa a daŋ a sa a kso okyku o daŋ a shri opyapyaŋ a zga agʼbaha bi ta la Ahogbrẽ.

MoaOroma 5:2

Aŋa a yga gi okyku obmi ba adlidzi bi, nga a da gi e hwiŋ okpoghwo ba Ahogbrẽ. Agi e wo la okpoghwo lo a mbo ohuhuhi. Agi e la e kpo ovye angyiŋ okyku bi e la e ka ayi ozhẽ okyku esesla ba Ahogbrẽ ba agi é ba e hwiŋ!

MoaOroma 8:11

O wo ba Ogbgaodzi ba Ahogbrẽ la o kso Eyesu eku o wo ma eso bimi le, aŋa la a kso Eyesu eku, á sa á kso gimi a mbo eku ibu ba ekʼpo ba Ogbgaodzi la o wo eso bimi.

MoaOroma 8:3

Ekplo ba odaŋ o kpo o gbu mbo, okyku ba eda ba arehwĩ e wo lgelge, ambo Ahogbrẽ a kpo lo a gbu. A kyku odlobi odzudzu ba arehwĩ, ozhẽ baŋ a da Anwye baŋ a ba a sko emle ba arehwĩ, arehwĩ ba odlobi. A ba eka he okyku o daŋ a kyku odlobi angyiŋ.

2 MoaOkorinti 1:24

Ambo agi e zga gble okyku o lu eka ekplo ba agimi é ba e bmi ba adlidzi ta la lo angyiŋ e da gimi mbo, okyku eshi agimi e sheŋ e tspi osheshye ta la obmi ba adlidzi bgu. Ambo agi e la e kpo otum ka la gimi okyku o da gimi e dzu la ovye.

2 MoaOkorinti 13:4

Moa a gŋe ŋa egŋe aki nga a bga ŋa okyku osheŋonye, ambo la ekʼpo ba Ahogbrẽ angyiŋ aŋa a sa a wo la eso ma. Okŋeobga bi ka la ŋa, agi a mbo e sheŋ e nye. Ambo odzudzu bi ka la gimi, agi é dzu ka la ŋa la ekʼpo ba Ahogbrẽ.

2 MoaOkorinti 5:21

Ekristi a wo la odlobi mbo ku-ku, ambo Ahogbrẽ a daŋ a sko olbi ba edlobi bi ka la gi otsotse, okyku o da gi okro okŋeobga ka la ŋa e hwiŋ odlodzi ba Ahogbrẽ.

MoaEgalasiya 1:4

Ekristi a shri eshri baŋ a di okyku odlobi bi, nga okyku o da gi e hwiŋ odzudum ayakplobi ba omba he, eka ba Ahogbrẽ la a wo Adigi a klo baŋ a kpo.

MoaEgalasiya 3:13

Ambo Ekristi a sko ogbukyu bi, nga ozhẽ he lo angyiŋ a shla gi abgo ba ogbukyu ba odaŋ o shri o ba. Odlo ba Ahogbrẽ o sa o lu mi le, Areyaŋ a mbo moa a gŋe ŋa egŋe ki, a wo are ba moa a ta ogbukyu a daŋ angyiŋ.

MoAfisu 3:12

O wo bi e kŋe e bga ka la ŋa nga e bmi ba adlidzi ka la ŋa, agi e wo la ozhẽ ma ba o yi egi ayi ba Ahogbrẽ la oshye-esõ.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

MoaIbrani 10:10

Okyku ba Eyesu Ekristi a kpo ekplo ba Ahogbrẽ a klo baŋ a kpo lo angyiŋ moa a ndza odlobi bi pyeŋ ibu ba egʼba baŋ baŋ a shri a ndba odgo okyekyeŋ nga o khwo.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

MoaIbrani 9:26

Okyku eshi o wo ba alo o wo eka he angyiŋ le, ó dzu ŋa omgbybi baŋ a kpo ewu engyi oshushku, a zga ekplu ba moa a kpo obiŋ hi. Ambo a ba odgo okyeŋ nga o khwo, alo ó dzu eka he ma-me o tsa onda ba amom-abgo omba baŋ a ba okyku o daŋ a se odlobi a sku moare ozhẽ baŋ a shri eshri baŋ a ndba.

MoaIbrani 9:28

Ozhẽ he lo angyiŋ moa a shri Ekristi a shri a ndba odgo okyeŋ okyku o daŋ a sko odlobi moarehwĩ nzenze. Aŋa á bla á ba odgo oha okyku o sko odlobi angyiŋ nga mbo, ambo okyku o shla moa la a la a dzu a bli ŋa angyiŋ a mo.

Eyakubu 5:6

Agimi e sheŋ e sõ are la a wo la akpu ma mbo ombgu bgu, nga agimi e gba e bga ŋa e ta okom, ambo a kpo ambgu ka la gimi mbo.

1 Ebitru 3:19

Omba baŋ a wo la edgu egʼba ba ogbga angyiŋ, aŋa a gre a yi a nyum oshpa a ygi egbga ba moarehwĩ ba moa a klu mo a ta aku.

1 Ebitru 4:1

Eka ba Ekristi a kpo ewu egʼba baŋ, alo o dzu omgbybi ba agimi a mbo e dzu la oshye-esõ nga e kpo ewu okyku okũ he lo. Okyku eshi areyaŋ a mbo la a kpo ewu egʼba le, aŋa á wo ewu ba odlobi nga mbo.

1 Ebitru 4:6

Okyku eka he angyiŋ, moa a nyum Oshpaodzadzi a ygi moare la a sheŋ a kpu a mbo, moare la moa a sõ mo ombgu omba ba moa a wo egʼba ma, eka ba moa a la a sõ areyaŋ a mbo ombgu. Moa a nyum oshpa a ygi egbga moarehwĩ okyku o da mo a dzu la esõ ma okyku Ahogbrẽ.

1 Eyohana 1:9

Ambo o wo ba agi e lu odlobi bi egi ayi ba Ahogbrẽ le, agi e fu ŋa eha mbo, okyku eshi aŋa a la a kpo odlodzi. Aŋa nga á kyu gi abgo odlobi bi, nga á ndza ayakplobi ba agi e kpo pyeŋ á sku gi.