1 Ebitru 3:16 - Ohwihwim Olehe

¹⁶ Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.

1 Ebitru 3:16 ပူးပေါင်းရင်းမြစ်များ

Amatiyu 5:11

Agimi e gno oraŋ angyiŋ omba ba moare a la a dzĩ gimi, nga a la a kpo gimi efye, nga a la a sheŋ akpro a ghwo gimi okyku bimi e lu me ma.

Otum 24:16

Okyku eka he, ame e zga ngre omba mvye okyku o da me e wo la eso ekyle ma egi ayi ba Ahogbrẽ, pa la moarehwi.

Otum 28:22

Agi e klo e gno ekplo boŋ o ka, okyku eshi agi e yi zhezheŋ okroyaŋ a mbo moare a la a lu odlo ototno eshri ozhẽ he lo.

MoaOroma 9:1

Ekplo ba ame e lu he lo e wo adlidzi. Ame e wo arehwĩ ba Ekristi angyiŋ. Ame e sheŋ akpro mbo. Enzi ba eso me, ba Ogbgaodzi o ri ekʼpo eshri lo a mbo, e lu e da me ba ame e sheŋ akpro angyiŋ mbo.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

2 MoaOkorinti 4:2

Agi e mu eshyẽ ba anzi ekployaŋ a mbo e zga agba. Nga agi e kpo otum la obile mbo, nga agi e kŋe odlo ba Ahogbrẽ e bga ta la akpro mbo. Nga agi e dzu ayimom ba adlidzi angyiŋ egi ayi ba Ahogbrẽ, nga agi e zga gble okyku o kpo otum la aga la a wo adzadzi eso ba areyaŋ a mbo.

1 Etimoti 1:19

nga o kpaŋ obmi ba adlidzi boŋ ta la enzi ba esõ la e wo pyapyaŋ. Moabze a la a kpaŋ ekplo la e wo esõ mo mbo, okyku eka he obmi ba adlidzi mo o tpi ayi.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

2 Etimoti 1:3

Ame e vye la Ahogbrẽ ba ame e la e kpo otum baŋ la esõ ekyle eka moadigi a mbo a kpo. Ame e vye la Ahogbrẽ ombamba pyeŋ la okyukyku ta la olulum omba ba ame e fa olu e tne aga boŋ.

Etitu 2:8

Aŋo o kpo otum la amgboŋ odu la o wo shasha, okyku o da moafpu ŋo a hwiŋ ekplokyeŋ ba ototno okyku olu-lu eshri bi mbo, nga o da mo a gbu anzi.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Ebitru 2:15

Okyku eshi ohe lo o wo okoklo ba Ahogbrẽ angyiŋ. A klo ba agimi e tspi la moare la a yi ekplokyeŋ mbo nga a la a lu odlo ba adro, ozhẽ ayakplo la a wo shasha ba agimi e la e kpo.

1 Ebitru 2:19

Ahogbrẽ nga á shri owlama á shri á da gimi okyku ohe lo, o wo ba agimi e la e ghwo esõ ta la ewu la e wo ozhẽ mbo, ba moa a la a kpo gimi, okyku bimi e bmi ta la okoklo baŋ.

1 Ebitru 3:21

Amihĩ lo a wo ekplo la e wo egŋe ba abaptisma, nga alo angyiŋ a shla gimi ohuhuhi. Ohe lo o kpo ozhẽ ba agimi e ndza erum ba egʼba bimi angyiŋ mbo, ambo ozhẽ ba ohwihwim ba agimi e hwim la enzi ba esõ la e wo edzi ta la Ahogbrẽ. Ozhẽ ba oksongybi ba Eyesu Ekristi he lo angyiŋ, abaptisma a shri oshla a shri a da gimi.

1 Ebitru 4:4

Nga ohuhuhi moaevbu a ka egbregbre eka ba agimi e pu pa la mo ibu odzudzu ba ototno la o wo eka lo mbo. Okyku eka he moa a la a dzĩ gimi.