1 Ebitru 3:15 - Ohwihwim Olehe

¹⁵ Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.

1 Ebitru 3:15 ပူးပေါင်းရင်းမြစ်များ

Otum 21:39

Oblus a tno ŋa ma a lu mi le, Ame e wo a ba Eyahuda angyiŋ. Moa a mbre me osku ba Atarsu obiŋ ba Esilisiya. Ame e wo are-hwĩ ba osku la o wo anyuanyuŋ angyiŋ. O wo boŋ o bmi le, o da me e lu odlo pa la moare he lo.

Otum 24:25

Ambo omba ba Oblus a lu odlo eshri odlodzi ta la onyuŋ eshri o zga, ta la Olum Ombgu la ó ba, eyli e kpo Efliki, nga a nyuŋ ŋa a lu mi le, Aŋo o yi eŋo a mo, ame é sa é bzi ŋo omba ba ame é hwiŋ anvaŋ.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

MoaOkolosi 1:27

Ohi lo o wo ohwihwim ba Ahogbrẽ angyiŋ, okyku o daŋ a hwile esõ baŋ a da moarehwĩ baŋ a ka. Eshyẽ baŋ a ghre he lo, e wo la anyuŋ angyiŋ nga owlama nzenze. Alo e wo okyku moarehwĩ pyeŋ angyiŋ. Eshyẽ lo e wo Ekristi esõ bimi, alo o dzu eka ba agimi é ba e hwiŋ ogʼba ba ekekʼpo ba Ahogbrẽ.

MoaOkolosi 1:5

Omba ba oshpa ba adlidzi, Oshpaodzadzi he lo, o ba okro bimi, agimi e gno eka ba oshpa lo o shri okayiozhẽ o la o shri o ba. Okyku eka he obmi ba adlidzi bimi ta la oklo bimi, moa a tspi ayakplo ba agimi e la e ka ayi ozhẽ okyku lo angyiŋ. Moa a shri lo a zga Ongyeŋ adzadzi okyku gimi.

MoaOkolosi 4:6

nga e lu odlo la o wo ble nga o wo odzi angyiŋ pa la moare. Nga o raŋ o gre ba agimi e yi eka ba o shri otnoma la o wo odzi angyiŋ o shri o da areyaŋ a mbo.

Etitu 1:2

Esĩ ba onyenye he lo angyiŋ e wo okayiozhẽ ba esõ ba gbagbu-amo. Omba ba moa a kpo obiŋ hi a wo mbo, Ahogbrẽ la a la a sheŋ akpro mbo, a hwim baŋ á ba a shri edgu esõ he lo á shri á da gi.

MoaIbrani 3:6

Ambo okyku ba Ekristi a wo Anwye adlidzi, ba odne Ahogbrẽ o wo abgo baŋ. Agi e dzu eka ba odne baŋ o wo ba agi e kom oghwo-esõ ma-me la osheshye le, la esõ ekyekyeŋ okyku ekplo ba agi e ka ayi ozhẽ okyku lo.

MoaIbrani 6:1

Agimi e da gi e zga ayi e yi egi ayi ta la onyenye la o wo okyku moare la a bmye ayi a klu, nga e dzu edgu onyenye ba odlo ba Ekristi ba moa a zga esĩ ta la alo e zga. O raŋ o gre ba agi e bla e zga esĩ la onyenye la o nyom gi okyku o kpo otum ba ototno mbo, nga okyku o da gi e bmi ba adlidzi ta la Ahogbrẽ,

1 Ebitru 1:17

Omba ba agimi e fa olu e vẽ Ahogbrẽ la a la a sõ moare ombgu ozhẽ okyekyeŋ, eka ekployaŋ a mbo ba areyaŋ a mbo a kpo, agimi e la e bzi ŋa ma Ada. Okyku eka he, agimi e kpo otum ta la omba bimi la o ra obiŋ hi ayi okyku o hlu ŋa eshko,

1 Ebitru 3:2

okyku eshi moa á kpo á gbu ba moa á ka okyekye bimi ta la odzudzu bimi la o wo zhezheŋ.

1 Ebitru 3:4

Ambo o raŋ o gre ba agimi e da odzudzu bimi ba egi eshyẽ ba adlidzi angyiŋ o dzu ozba bimi. Ozba he lo ó khwo ku-ku nga mbo. Alo o dzu ble, nga o dzu la esõ la e wo shu. O wo owlama okro ba Ahogbrẽ o gre eshri.