1 Ebitru 3:13 - Ohwihwim Olehe

¹³ Ayi angyiŋ á ba a ta gimi etsa o wo ba agimi e wo la esõ ba o kpo ekplo la e wo shasha?

1 Ebitru 3:13 ပူးပေါင်းရင်းမြစ်များ

MoaOroma 13:3

Moare la a la a kpaŋ odaŋ moa a kpo eyli moareŋ mbo, ambo moa la a kpaŋ odaŋ mbo moa a kpo eyli moareŋ. O wo boŋ o klo o dzu pyapyaŋ ta la are la a ri ekʼpo, o kpaŋ odaŋ. O wo boŋ o kpaŋ odaŋ bgu le, á ka ŋo la oklo.

MoaOroma 8:28

Agi e yi ba ekployaŋ a mbo e la e kpo adzadzi pa la moare la a klo Ahogbrẽ, moahi lo a mi a sla mo.

1 MoaOkorinti 14:1

Alo o raŋ o gre bimi e zga gble okyku o tspi la oklo angyiŋ. E shri aga bimi e zga okpogbu ba Ogbgaodzi angyiŋ. É shri aga bimi e la e zga okpogbu ba o nyum oshpa ba Ahogbrẽ angyiŋ nzenze.

MoAfisu 5:1

Eka ba agimi e wo moanwye ba Ahogbrẽ a klo gimi, o raŋ o gre ba agimi e zga ngre nga e dzu eka baŋ a wo.

1 MoaEtasolonika 5:15

E nyuŋ e kpo-kpo, o wo ba anáŋ a kpo eshki bimi odlobi le, a bla ŋa a kpo ŋa mbo, ambo ombamba pyeŋ e hwiŋ esõ bimi nga e kpo ayakplo adzi ta la egimi ta la areyaŋ a mbo.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

3 Eyohana 1:11

Aŋo anime, o mbli ekplo la e wo ebi angyiŋ mbo, ambo o mbli ekplo la e wo edzi angyiŋ. Areyaŋ a mbo la a kpo ekplo la e wo edzi le, aŋa a wo arehwĩ ba Ahogbrẽ angyiŋ, ambo areyaŋ a mbo la a kpo ayakplobi le, are he lo a ka Ahogbrẽ a ka mbo.