1 Ebitru 3:11 - Ohwihwim Olehe

¹¹ O raŋ o gre baŋ a ngʼba a sku ayakplo la a wo abi nga a kpo ekplo la e wo shasha. O raŋ o gre baŋ a klo opyapyaŋ nga a zga gble ta la alo.

1 Ebitru 3:11 ပူးပေါင်းရင်းမြစ်များ

Amatiyu 5:45

okyku o da gimi e dzu moanwye ba Adigi la a wo Ongyeŋ. Okyku eshi aŋa a la a da olum o la o tra moareabi, pa la moareadzi a mbo pyeŋ. Nga aŋa a la a da ogbu o ba okyku moareabi, pa la moareadzi a mbo pyeŋ.

Amatiyu 5:9

Oraŋ o wo ma okyku moa la a shri onyuŋokpo a shri a zga agʼbaha moarehwĩ, okyku eshi Ahogbrẽ á bzi moahi lo moanwye baŋ!

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Amarku 14:7

Moanekŋe a wo ka la gimi ombamba mvye, ombayaŋ a mbo bimi e klo, agimi e kpo e gbu bimi e kpo e ghwo la mo, ambo ame é dzu ka la gimi ombamba mvye mbo.

Oluka 1:79

Á da lo a zgi ongyeŋ a tra areyaŋ a mbo la a wo ozhẽ ba eku, Okyku o daŋ a tsa gi ozhẽ la o wo pyapyaŋ.

Oluka 6:35

O klo moafpu ŋo, nga o kpo mo odlodzi. O kʼpo mo anzho, la aga moa á ba a bla alo á doŋ mbo. O wo boŋ o kpo eka he le, aŋo ó hwiŋ anyuŋ egbre. Nga ó dzu anwye Ahogbrẽ la a wo Esesla a gre pyeŋ, okyku eshi Ahogbrẽ a la a ka moa la a vye la ŋa mbo, pa la moa ba odlobi pyeŋ angyiŋ ayiekŋe.

Oluka 6:9

A zhĩ mo a lu mi le, Odaŋ bi o bmi ba moa a kpo eshi onda Asabat? O bmi ba moa a kpo a ghwo le, ba moa a kpo efi? O bmi ba moa a shla eso arehwĩ le, ba moa a bga lo?

Eyohana 17:15

O ka, ame e klo boŋ o ngʼba mo o sku obiŋ hi angyiŋ mbo, ambo ame e klo boŋ o kpaŋ mo nga o ngʼba mo o sku abgo Areabi.

MoaOroma 12:18

E kpo ekployaŋ a mbo bimi e kpo e gbu, okyku o da gimi e dzu opyapyaŋ ta la areyaŋ a mbo.

MoaOroma 14:17

Okyku eshi Oreŋ ba Ahogbrẽ o wo okyku oruri ta la owowa angyiŋ mbo. Ambo alo o wo odlodzi ta la opyapyaŋ ta la ovye, ayakplo hi lo, Ogbgaodzi angyiŋ o shri lo o di.

MoaOroma 14:19

Okyku eka he agi é zga gble é kpo ayakplo la a shri opyapyaŋ a ba nga a la a shĩ gi.

MoaOroma 5:1

Ohuhuhi, okyku obmi ba adlidzi bi, moa a shri opyapyaŋ a zga agʼbaha bi ta la Ahogbrẽ, agi e wo la esõ-egbubiŋ ta la Ahogbrẽ okyku Eyesu Ekristi angyiŋ.

MoaOroma 7:19

Ame e la e kpo ayakplo adzi la a raŋ a gre ba ame e kpo mbo. Ambo ame e la e kpo ayakplobi la a raŋ a gre ba ame e bmi e kpo lo mbo.

MoaOroma 7:21

Okyku eka he, ame e yi ba aga he lo a kpo otum, okyku eshi o wo ba ame e klo o kpo akplokyeŋ adzi le, ame e la e sa e nyiŋ e kpo ayakplobi angyiŋ.

MoaOroma 8:6

O wo boŋ o shri aga boŋ o zga oklo ba egʼba sha, ó shri eku angyiŋ ó ba o shri ó kom ŋo. Ambo o wo boŋ o shri aga o zga otsotsa ba Ogbgaodzi angyiŋ le, aŋo ó hwiŋ eso, ta la opyapyaŋ.

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoaEgalasiya 6:10

Okyku eka he, ombayaŋ a mbo ba agi e wo la anvaŋ ma le, e kpo e ghwo la areyaŋ a mbo, ambo, o raŋ o gre ba agi e kpo e ghwo la moa la a wo moanigi ozhẽ obmi ba adlidzi e gre.

MoaOkolosi 3:15

Opyapyaŋ ba Ekristi a la a shri a di angyiŋ ó sõ ombgu esõ bimi, okyku eshi okyku opyapyaŋ he lo angyiŋ Ahogbrẽ a bzi gimi a ba okyku o da gimi e ba e kŋe e bga egʼba ekyekyeŋ. Agimi e vye.

1 Etimoti 6:18

Aŋo o shri odaŋ o da mo okyku o da mo a kpo otum odzi angyiŋ, nga okyku o da mo a kpo a ghwo la moahwõ.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

MoaIbrani 13:16

Agimi e dzu ayakplo la a wo adzi e zga mbo, nga e tla e la e kpo e ghwo egimi mbo. Ahe lo angyiŋ a wo oshriondba la o raŋ Ahogbrẽ esõ.

Eyakubu 4:17

Okyku eka he are la a tla o kpo ayakplo baŋ a yi ba alo o raŋ o gre baŋ a kpo lo le, o wo baŋ a kpo lo mbo a kpo odlobi angyiŋ.

1 Ebitru 3:12

Okyku eshi Ahogbrẽ a la a shri ayi baŋ a zga egʼba moarehwĩ ba odlodzi angyiŋ. Nga a la a ngli atuŋ a gno olu mo ombamba pyeŋ. Ambo aŋa a la a kpo ayiwlu pa la moa la a kpo ayakplobi.

3 Eyohana 1:11

Aŋo anime, o mbli ekplo la e wo ebi angyiŋ mbo, ambo o mbli ekplo la e wo edzi angyiŋ. Areyaŋ a mbo la a kpo ekplo la e wo edzi le, aŋa a wo arehwĩ ba Ahogbrẽ angyiŋ, ambo areyaŋ a mbo la a kpo ayakplobi le, are he lo a ka Ahogbrẽ a ka mbo.