1 Ebitru 3:1 - Ohwihwim Olehe

¹ Nga ekakahelo o raŋ o gre ba agimi ashe e fa olbi e da moarealom bimi, okyku o wo ba moakyeŋ eshki mo a bmi ba adlidzi ta la odlo ba Ahogbrẽ mbo le, okyku o da edgu odzudzu bimi e zhiŋ mo. Ambo ó dzu gimi omgbybi ba agimi e lu akplokyeŋ nga mbo,

1 Ebitru 3:1 ပူးပေါင်းရင်းမြစ်များ

Amatiyu 18:15

O wo ba anóŋ a kpo odlobi egi ayi boŋ le, o yi o tsa ŋa odlobi baŋ. Aŋo o kpo lo agʼbaha boŋ ka la ŋa sha. O wo baŋ a ngli atuŋ a gno ŋo le, aŋo o shri ŋa o bla o ba ozhẽ angyiŋ eka he lo.

MoaOroma 10:16

Ambo moare pyeŋ angyiŋ a yga oshpaodzadzi mbo, okyku eshi Eshaya a mbo eshrishri eŋa a lu mi le, Adigi-odne, ayi angyiŋ a bmi ba adlidzi ta la oshpa bi e nyum?

MoaOroma 6:17

Agi e vye la Ahogbrẽ! Okyku eshi ayga, agimi e wo moawaghrẽ ba odlobi angyiŋ, ambo ohuhuhi agimi e yga adlidzi eka moa a nye lo, la eso bimi ekyekyeŋ.

MoaOroma 7:2

Ashe la a kyu alom a wo abgo alom baŋ lo, eka ba odaŋ o lu, o wo ba alom lo a wo ma. Ambo o wo baŋ a kpu le, odaŋ o bʼbu ŋa ta la alom lo nga mbo.

1 MoaOkorinti 11:3

Ambo ame e klo bimi e ka e bmye ba Ekristi angyiŋ a wo la ekʼpo eshri ba areyaŋ a mbo. Arealom a wo la ekʼpo eshri ashe baŋ, nga Ahogbrẽ a mbo a wo la ekʼpo eshri ba Ekristi.

1 MoaOkorinti 14:34

o raŋ o gre ba moashe a hwile anyu eshki ba Eklisiya mbo. Moa a tla mo o lu odlo eshki, eka ba odaŋ ba moaEyahuda o lu mi ma moashe a ri ekʼpo mbo.

1 MoaOkorinti 7:16

Aŋo ashe la o lu Ekristi ma, aŋo o kpo anyu o yi ba alo o wo eheŋ-ekyeŋ boŋ o shla alom boŋ mbo? Nga aŋo alom la o lu Ekristi ma, aŋo o kpo anyu o yi ba alo o wo eheŋ-ekyeŋ boŋ o shla ashe boŋ mbo?

MoAfisu 5:33

Ambo o wo eshri bimi a mbo. O raŋ o gre ba arealomyaŋ a mbo a klo ashe baŋ eka baŋ a klo eshri baŋ. Nga o raŋ o gre ba asheyaŋ a mbo a fa olbi a da alom baŋ.

MoaOkolosi 3:18

Agimi ashe, e fa olbi e da moarealom bimi, okyku eshi agimi e wo moarehwĩ ba Ekristi, nga o raŋ o gre ba agimi e kpo eka he lo.

MoaOkolosi 4:5

E nyuŋ e kpo-kpo pa la moare la a bmi ba adlidzi mbo. Agimi e kpo otum adzadzi ta la anvaŋyaŋ a mbo ba agimi e hwiŋ,

2 MoaEtasolonika 1:8

ta la ovo la o vu nzenze, okyku o kpo moare la a yi Ahogbrẽ mbo ewu la alo, nga okyku o kpo moare la a kpaŋ Oshpaodzadzi ba Adigi-odne Eyesu mbo.

MoaIbrani 11:8

Obmi ba adlidzi angyiŋ o da Ebrahim a bmi ta la obzi ba Ahogbrẽ a bzi ŋa omba ba Ahogbrẽ a bzi ŋa okyku o daŋ a yi obiŋ ba Ahogbrẽ a hwim baŋ á shri á daŋ. A kso a sku obiŋ baŋ ambo a ka a yi okro baŋ á ba a yi mbo ku-ku.

MoaIbrani 5:9

Omba ba moa a bli ŋa a khwo, a dzu esĩ ba oshla ba gbagbu-amo, okyku moare pyeŋ la a la a kpaŋ odlo baŋ.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 3:2

okyku eshi moa á kpo á gbu ba moa á ka okyekye bimi ta la odzudzu bimi la o wo zhezheŋ.

1 Ebitru 3:7

Agimi arealom nga, eshri odzudzu bimi pa la moashe bimi, o raŋ o gre ba agimi e ka e bmye ba moa a wo oshye eka bimi mbo. Okyku okũ he lo, o raŋ o gre ba agimi e kom mo la olbi. Okyku eshi agimi pa la mo, agimi é hwiŋ esõ ba Ahogbrẽ á shri á di ototno otsotse angyiŋ. E kpo eka he lo okyku o da ekplokyeŋ é ba e bme egŋe ta la olu bimi mbo.

1 Ebitru 4:17

Omba o kpo okyku o da mo a zga esĩ ba o sõ ombgu, nga moa á zga esĩ á sõ moarehwĩ ba Ahogbrẽ angyiŋ ombgu ori. O wo ba moa a zga esĩ ka la gi le, moa á sõ moa la a bmi ba adlidzi ta la Oshpaodzadzi ba Ahogbrẽ mbo omgbu á ygi ekayaŋ?