1 Ebitru 2:6 - Ohwihwim Olehe

⁶ Odlo Ahogbrẽ o lu mi le, Ame e sla ezhim ba owlama. Alo angyiŋ ame e shri lo e ghwo emvygi ba Ezayoŋ. Nga areyaŋ a mbo la a bmi ba adlidzi ka la ŋa aŋa á gbu anzi mbo.

1 Ebitru 2:6 ပူးပေါင်းရင်းမြစ်များ

Amatiyu 12:18

Anwye-odne me angyiŋ a wo ahi, aŋa ame e sla ŋa. Aŋa angyiŋ ame e la e klo ŋa, Nga ame e gno oraŋ ka la ŋa e gre eshri. Ame é bli ŋa la Ogbgaodzi me. Aŋa nga á su odlo me, á ygi moare pyeŋ.

Amarku 12:10

Eyesu a zhĩ moare la a wo ka la ŋa a lu mi le, Agimi e tsi Akpa ba Ahogbrẽ e ka mbo? Ezhim moa la a mbdzi aku a tla lo a ta eka ba alo e wo la ekplokyeŋ mbo, E zhiŋ e dzu ezhim la e wo la owlama e gre pyeŋ.

Oluka 20:17

Eyesu a ka mo nga a lu mi le, Eshyẽ ba odlo hi e wo eshi? Akpa ba Ahogbrẽ a lu mi le, Ezhim ba moa la a mbdzi a tla lo a ta eka ba alo e wo la ekplokyeŋ mbo, E zhiŋ e dzu ezhim la e wo la owlama e gre pyeŋ.

Oluka 23:35

Moare a la a tspi ahe lo a la a ka Eyesu. Omba he lo nga moandakʼpo moaEyahuda a lu ega a ygi ŋa. Moa a lu mi le, A shla moahwõ, aŋa a mbo a shla eŋa a da gi e ka, o wo baŋ angyiŋ a wo Emisiya ba Ahogbrẽ a sla!

Eyohana 7:38

Eka ba Odlo Ahogbrẽ o lu mi le, Areyaŋ a mbo I a bmi ba adlidzi pa la me, ehwlo ami ba eso é zgi eso baŋ.

Otum 1:16

Agimi anáŋ o dzu omgbybi ba odlo ba Ogbgaodzi o da Adawuda a lu eshri Eyahuda, o bli. Eyahuda he lo angyiŋ a klo a da mo a vu Eyesu.

MoaOroma 10:11

Odlo Ahogbrẽ o lu mi le, Areyaŋ a mbo la a bmi ba adlidzi ka la ŋa, á ba a gbu anzi mbo ku-ku.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 2:20

Agimi a mbo, moa a mbdzi gimi okũ ba moare la a nyum oshpa, pa la moarehwĩ ba Ahogbrẽ a hom mo otum, a mbdzi. Eyesu eshrishri eŋa angyiŋ a wo ezhim ba emvygi lo.

2 Etimoti 3:16

Okyku eshi Ahogbrẽ angyiŋ a da mo a ta ekployaŋ a mbo la e wo Akpa baŋ ba esesla. Akpa lo a wo adzi okyku o nye adlidzi, okyku oshrom, ta la o tsa are akpu baŋ, nga o nye are ozhẽ odlodzi.

1 Ebitru 2:4

Agimi e ba okro ba Adigi-odne. Aŋa angyiŋ a wo ezhim la e wo esõ ma ba moarehwĩ a tla lo a ta. Ambo Ahogbrẽ a sla lo a zga ekplo ba owlama nzenze.

1 Ebitru 2:8

Odlo ba Ahogbrẽ o sa o lu mi le, Ezhim he lo angyiŋ é ba e da moarehwĩ a sheŋ evgo. Alo angyiŋ é ba e dzu onmwre la ó ba o da moare a tsu a gbu. Moa a sheŋ evgo okyku ba moa a bmi ba adlidzi ta la odlo lo mbo angyiŋ. Ohe lo angyiŋ o wo okoklo ba Ahogbrẽ okyku mo.

2 Ebitru 1:20

Ambo ekayaŋ a mbo, agimi e la e tne aga ekplo he lo, okyku eshi arekyeŋ ababgo baŋ a kpo a gbu baŋ a wre ekplo ba moa a ka a lu Akpa ba Ahogbrẽ mbo.

2 Ebitru 3:16

A kpo eka he lo angyiŋ akpekpa pyeŋ baŋ a ta odlo he lo ma. Ayakplo abze a wo ewu akpekpa baŋ lo, nga moare la a wo la evbueshri, pa la moare la a wo kyekye mbo, moa a la a zhiŋ lo la egegŋe ototno, eka ba moa a la a kpo ta la oshpayakplo nzenze Akpa ba Ahogbrẽ, nga moa a tpi emo ayi.