1 Ebitru 2:5 - Ohwihwim Olehe

⁵ Agimi e ba eka ba ezhim la e wo la esõ ma, nga agimi e bmi okyku o da mo a mbdzi akulu ba Ogbgaodzi ka la gimi. Ahe lo nga agimi é kpo otum ma eka moandakʼpo olu ba Ahogbrẽ la a wo la esesla ma. Okyku o shri oshriondba ba esõ la o wo shasha e shri e ndba okro ba Ahogbrẽ ibu ba Eyesu Ekristi.

1 Ebitru 2:5 ပူးပေါင်းရင်းမြစ်များ

MoaOroma 12:1

Agimi anáŋ, okyku okayiekŋe ba Ahogbrẽ baŋ a wo la alo ma nzenze okyku gi angyiŋ, ame e shĩ gimi, agimi e shri eshri bimi e ndba okyku otum ba Ahogbrẽ, nga e shri eso bimi e zga otum baŋ, nga e kpo otum baŋ a gno oraŋ ka la gimi. Ohe lo angyiŋ o wo otum odzadzi la o raŋ o gre bimi e kpo.

MoaOroma 15:16

nga a da me e dzu awaghrẽ ba Ekristi Eyesu, okyku o da me e nyum oshpa e ygi moa la a wo moaEyahuda mbo. Ame e kpo eka ba andakʼpo olu ba Ahogbrẽ, omba ba ame e la e nyum Oshpaodzadzi la o zgi okro ba Ahogbrẽ o ba, okyku o zhiŋ moa la a wo moaEyahuda mbo, o da mo a dzu oshriondba ba Ahogbrẽ a gno oraŋ ta la lo, nga ba Ogbgaodzi o gʼba lo o zga okyku Ahogbrẽ.

1 MoaOkorinti 3:16

Agimi e yi bimi e wo akulu ba Ahogbrẽ angyiŋ, nga ba Ogbgaodzi ba Ahogbrẽ o la o dzu eshyẽ bimi mbo?

1 MoaOkorinti 3:9

Agi nga e wo okyekyeŋ okro otum ba agi e kpo okyku Ahogbrẽ. Agimi nga e dzu agbi ba Ahogbrẽ. Nga agimi e sa e wo anzoŋ ba Ahogbrẽ angyiŋ.

1 MoaOkorinti 6:19

Agimi e yi ba egʼba bimi e wo okro ba Ogbgaodzi ba Ahogbrẽ a shri a da gimi o la o dzu ma eshyẽ mbo? Agimi e wo okyku egigimi angyiŋ mbo, ambo okyku Ahogbrẽ.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

MoaEgalasiya 6:10

Okyku eka he, ombayaŋ a mbo ba agi e wo la anvaŋ ma le, e kpo e ghwo la areyaŋ a mbo, ambo, o raŋ o gre ba agi e kpo e ghwo la moa la a wo moanigi ozhẽ obmi ba adlidzi e gre.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

MoaEfilibi 2:17

O dzu mbo amanzhli ba esõ me moa á zhiŋ lo á ygi eka oshriondba ba obmi ba adlidzi bimi e shri e da Ahogbrẽ. O wo ba alo o wo eka he lo angyiŋ le, ame e wo la ovye ma nga ame e pu ovye he lo ka la gimi pyeŋ.

MoaEfilibi 4:18

Nga ohuhuhi, agimi e yga egŋe la e tsa ekployaŋ a mbo ba ame e hwiŋ okro bimi. Alo o gre eshri! Ame e wo la ekployaŋ a mbo ba ame e klo, okyku ba Ebafroditu a shri okpoghwo bimi pyeŋ a shri a ba ohuhuhi. Alo o wo eka efpi edzi ba ema ba moa a shri a ndba Ahogbrẽ angyiŋ, oshriondba baŋ a yga lo nga a gno oraŋ ta la lo.

MoaOkolosi 3:17

Okro ekployaŋ a mbo ba agimi e la e kpo nga e la e lu, e kpo lo eshko ba Adigi-odne Eyesu, eka ba agimi e la e vye la Ahogbrẽ Adigi okro baŋ.

1 Etimoti 3:15

Ambo o wo ba ame e ta abyi le, akpa he lo dne á ba a tsa gimi eka ekplo la e raŋ e gre bi e kpo odzudzu bi odne ba Ahogbrẽ. Odne he lo angyiŋ o wo Eklisiya ba Ahogbrẽ la a wo la esõ ma. Eklisiya he lo angyiŋ e wo anzoŋ la a kom adlidzi abgo.

MoaIbrani 3:6

Ambo okyku ba Ekristi a wo Anwye adlidzi, ba odne Ahogbrẽ o wo abgo baŋ. Agi e dzu eka ba odne baŋ o wo ba agi e kom oghwo-esõ ma-me la osheshye le, la esõ ekyekyeŋ okyku ekplo ba agi e ka ayi ozhẽ okyku lo.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

1 Ebitru 4:17

Omba o kpo okyku o da mo a zga esĩ ba o sõ ombgu, nga moa á zga esĩ á sõ moarehwĩ ba Ahogbrẽ angyiŋ ombgu ori. O wo ba moa a zga esĩ ka la gi le, moa á sõ moa la a bmi ba adlidzi ta la Oshpaodzadzi ba Ahogbrẽ mbo omgbu á ygi ekayaŋ?

Otsotsa 20:6

Moa la a hwiŋ ozhẽ a kso eku omba ba oksoeku ba ori he lo moa á wo la oraŋ ma, nga moa á hwiŋ owlama nzenze. Eku ba oha é wo la ekʼpo eshri mo mbo ku-ku. Moa á dzu moandakʼpo olu ba Ahogbrẽ, ta la Ekristi, nga moa á ri ekʼpo ka la ŋa okyku eyi ezbi.

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Otsotsa 5:10

Aŋo o shri oreŋ ba moandakʼpo olu ba Ahogbrẽ o shri o da mo, okyku o da mo a hlu Ahogbrẽ bi eshko. Nga moa angyiŋ á ba a ri ekʼpo obiŋ hi.