1 Ebitru 2:17 - Ohwihwim Olehe

¹⁷ Agimi e fa olbi e da moarehwĩ pyeŋ. Agimi e klo moa la a bmi ba adlidzi otsotse ka la gimi. Nga agimi e la e kpo eyli ba Ahogbrẽ, nga e fa olbi e da Ekeza.

1 Ebitru 2:17 ပူးပေါင်းရင်းမြစ်များ

Amatiyu 22:21

Okyku eka he nga, Eyesu a tno mo ma a lu mi le, Agimi e shri ekplo la e wo ba Ekeza e shri e daŋ, nga ekplo la e wo ba Ahogbrẽ, e shri e da Ahogbrẽ.

Eyohana 13:35

O wo ba agimi e wo la oklo ma okyku egimi le, moare mvye moa á yi ba agimi e wo moanwyeotum me.

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

MoaOroma 13:7

Agimi e hre ekployaŋ a mbo la e raŋ e gre e da mo. Agimi e hre ewaŋ ba otum ba agimi e la e kpo, ta la ewaŋ ba angyiŋ ba gimi e wo la alo ma. Nga agimi e fa olbi e da mo, nga e ka mo la ekekʼpo.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoAfisu 5:21

Agimi e fa olbi e da egimi, okyku oklo ba agimi e wo la alo ma okyku Ekristi.

MoaEfilibi 2:3

O raŋ o gre ba agimi e kpo ekplokyeŋ la e shri ogogʼba e ba angyiŋ mbo, o mbo le la oklo ekʼpoeshri mbo. Ambo e pre esõ obiŋ ta la egimi. Arekyeŋ a la a sko eshri baŋ a zga eka baŋ a yi a kpo a gre moahwõ mbo.

1 Etimoti 6:1

Moare la a wo moawaghrẽ pyeŋ, o raŋ o gre moa a ka moadimo-odne la olbi, okyku o da arekyeŋ a dzĩ eshko ba Ahogbrẽ ta la onyenye bi e la e nye mbo.

MoaIbrani 13:1

O raŋ o gre ba agimi e klo egimi eka moanáŋ eshko ba Ekristi.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:13

Agimi e fa olbi e da moarehwĩ la a ri ekʼpo okyku Adigi-odne. E fa olbi e da Ekeza la a wo andakʼpo ekpyemgbyeŋ,

1 Ebitru 5:5

Nga ozhẽ he lo, agimi ola anwye, o raŋ o gre ba agimi e fa olbi e da moare la a kʼpo gimi. Nga o raŋ o gre ba agimi pyeŋ e kpo ble-ble, nga agimi e kpo e ghwo la egimi. Odlo ba Ahogbrẽ o lu mi le, Ahogbrẽ a tla moare la a nyom egʼba, ambo aŋa a la a kpo a ghwo la moarehwĩ la a wo ble-ble.