1 Ebitru 2:15 - Ohwihwim Olehe

¹⁵ Okyku eshi ohe lo o wo okoklo ba Ahogbrẽ angyiŋ. A klo ba agimi e tspi la moare la a yi ekplokyeŋ mbo nga a la a lu odlo ba adro, ozhẽ ayakplo la a wo shasha ba agimi e la e kpo.

1 Ebitru 2:15 ပူးပေါင်းရင်းမြစ်များ

Amatiyu 25:2

Moanwyeshe atno eshki mo a wo la eda ma, moanwyeshe atno ahwõ a wo la eda mbo.

Amatiyu 7:26

Areyaŋ a mbo la a gno odlo me nga, a la a kpo otum ta la lo mbo le, moa á sko ŋa á zga eka ba are la a ka a bmye mbo nga a mbdzi odne baŋ endase.

MoaOroma 1:21

Moa a yi Ahogbrẽ, ambo moa a la a ka ŋa la ekekʼpo baŋ mbo. Moa a la a vye ŋa a mbo mbo. E mbi moa a vye la ŋa, ambo moa a sko aga a zga ayakplo ba ototno. Aga eso mo nga a bli la evbu sha.

MoaEgalasiya 3:1

Agimi adro ba Egalasiya! Ayi a bile gimi? Egi ayi bimi owowre ba eku ba Eyesu Ekristi egŋe aki o wo ma zheŋ!

1 MoaEtasolonika 4:3

Ahogbrẽ a klo ba agimi e dzu la esesla, nga e dzu la eshre tsitsi a mbo mbo.

1 MoaEtasolonika 5:18

E vye la Ahogbrẽ okyku ekployaŋ a mbo, okyku eshi Ahogbrẽ a klo eka he angyiŋ ka la gimi ibu odzudzu bimi okro ba Ekristi Eyesu.

1 Etimoti 1:13

Ambo ayga ame e lu odlo ba ototno eshri baŋ, nga ame e kpo ŋa ewu, nga ame e dzĩ ŋa. Ambo Ahogbrẽ a ka me ayiekŋe okyku eshi ame e bmi ba adlidzi mbo, nga ame e ka e yi ekplo ba ame e kpo mbo ku-ku.

Etitu 2:8

Aŋo o kpo otum la amgboŋ odu la o wo shasha, okyku o da moafpu ŋo a hwiŋ ekplokyeŋ ba ototno okyku olu-lu eshri bi mbo, nga o da mo a gbu anzi.

Etitu 3:3

Okyku eshi agi a mbo ayga, agi e wo la eda ma mbo. Agi e fa olbi e di mbo nga e kpo ayakplo ba ototno ayga. Agi e dzu moawaghrẽ ba ogroayi ta la oraŋ andandandim ba obiŋ hi. Ayga agi e tpi omba bi ayi nga e kpo efye nga e ta efpu. Moare a la a tla gi, agi a mbo e tla mo.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Ebitru 3:16

Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.

1 Ebitru 3:17

Okyku eshi o raŋ o gre ba are a kpo ewu okyku otum la o wo shasha, o wo ba Ahogbrẽ a hwim a zga eka he angyiŋ le. O raŋ o gre eka he lo o sku ba are a kpo ewu okyku ekplo la e wo ebi.

1 Ebitru 4:2

Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

2 Ebitru 2:12

Ambo moare he lo moa a la a kpo ayakplo okoklo ba egʼba sha angyiŋ eka ba ébyi ba akla, ba moa a mbre mo okyku o da mo a vu mo nga a bga. Moa a la a dzĩ ayakplo ba moa a ka lo a bmye mbo. Moa á bga mo eka ba ébyi ba akla ototno.

Eyahuda 1:10

Ambo moarehwĩ he, moa a dzĩ ayakplo ba moa a ka lo a bmye mbo. Nga ayakplo ba moa a yi la esõ ba okoklo ba egʼba, a da mo a dzu eka ba ébyi akla, ayakplo he lo angyiŋ a jygi mo.