1 Ebitru 2:12 - Ohwihwim Olehe

¹² O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Ebitru 2:12 ပူးပေါင်းရင်းမြစ်များ

Amatiyu 10:25

Okyku eka he, o raŋ o gre ba anwye-engla a sko edgu odzudzu ba are la a nye ŋa. Awaghrẽ nga, o raŋ o gre baŋ a sko edgu odzudzu ba adaŋ-odne. O wo ba moa a bzi andakʼpo ba ogukyeŋ ma Ebilazabuba le, moarehwĩ ba ogu lo, moa á ri ashko la a wo abi a gre ahi lo a mbo!

Amatiyu 5:11

Agimi e gno oraŋ angyiŋ omba ba moare a la a dzĩ gimi, nga a la a kpo gimi efye, nga a la a sheŋ akpro a ghwo gimi okyku bimi e lu me ma.

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

Amatiyu 9:8

Omba ba moare a ka eka he nga, moa a kpo eyli, nga moa a hlu Ahogbrẽ eshko okyku baŋ a shri ekʼpo edgu hi a shri a da moarehwĩ.

Oluka 1:68

Agimi e da gi e hlu Adigi-odne eshko. Aŋa a wo Ahogbrẽ ba Esrayila! A ba okyku o kpo o ghwo a moarehwi baŋ, nga o shla mo.

Oluka 19:44

Nga moa á kypi ŋo á ygi obiŋ, nga moa á bga moarehwi boŋ, moa á dzu emakyeŋ á zga ku-ku mbo. Ohe lo o kpo okyku boŋ o ka o bmye omba ba Ahogbrẽ a ba okyku o shla ŋo mbo!

Oluka 6:22

Oraŋ o wo ma okyku gimi ba moare a tla gimi, nga a la a tsa gimi atsa, nga a sko gimi a zga abi okyku eshko Anwye Arehwĩ!

Eyohana 13:31

Ambla ba Eyahuda a sheŋ a gre nga, Eyesu a lu mi le, ohuhuhi moa á ka ayimom esesla ba Anwye Arehwi. Moa a ka ayimom esesla ba Ahogbrẽ okyku ŋa angyiŋ.

Otum 15:14

Esima a sheŋ a sla a da gimi e ka, eka ba Ahogbrẽ a klo moa la a wo moaEyahuda mbo nga baŋ a da moakyeŋ eshki mo a dzu moarehwi baŋ.

Otum 24:13

Nga moa a kpo a gbu moa a shri otsotsakyeŋ a ba okyku ombgu moa a kpo pa la me he mbo.

Otum 25:7

Omba ba Oblus a ba nga moaEyahuda la a zgi Orushalima a ba, a tspi a ta ŋa a kpaŋ, nga moa a zga esi a shri odlo andandandim a shri a ba eshri Oblus. Akplo moa a shri a ba a wo la a vu olo. MoaEyahuda a kpo a gbu moa a tsa ozhẽ ekplokyeŋ mbo.

Otum 28:22

Agi e klo e gno ekplo boŋ o ka, okyku eshi agi e yi zhezheŋ okroyaŋ a mbo moare a la a lu odlo ototno eshri ozhẽ he lo.

MoaOroma 12:17

O wo ba arekyeŋ a kpo gimi ekplokyeŋ la e wo ebi le, agimi e bla lo e kpo ŋa ma mbo. E zga gble nga e kpo ekplo ba areyaŋ a mbo a gno oraŋ ta la alo.

MoaOroma 13:13

O raŋ o gre bi e nyuŋ e dzu adzadzi, eka ba moarehwi la a yi ekplo moa a kpo. Agi e dzu eka moa la a wa ajige nga a kpo ayi mbo. Agi e dzu eka moa la a kpo eshre mbo. Agi e dzu eka moa la a kpo ayakplobi mbo. Agi e dzu eka moa la a klo ambgu nga a la a ta efpu ta la emo mbo.

MoaOroma 14:18

Areyaŋ a mbo la a kpo otum ba Ekristi eka he angyiŋ le, Ahogbrẽ pa la moarehwi a mbo, moa á gno oraŋ ka la ŋa.

MoaOroma 15:9

okyku o da moa la a wo moaEyahuda mbo a ka a bmye nga a hlu Ahogbrẽ eshko okyku okayiekŋe baŋ a ka gi. Akpa Ahogbrẽ a lu mi le, Okyku eka he ame é vye la gimi agʼbaha moa la a wo moaEyahuda mbo. Ame é hlu ŋo eshko la abmo.

1 MoaOkorinti 14:25

Aga baŋ la a dga eshyẽ, oshpa lo ó ta lo edzi, nga á kʼpu obiŋ nga á hlu Ahogbrẽ eshko, á ghwo obiŋ okro baŋ nga á lu mi le, Adlidzi angyiŋ Aho-gbrẽ a wo ahe ka la gimi.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

2 MoaOkorinti 13:7

Agi e vẽ Ahogbrẽ okyku o da gimi e ta akpukyeŋ mbo, ambo alo o wo okyku o tsa ba agi e gre gimi angyiŋ mbo, ambo okyku o da gimi e kpo ekplo la e raŋ e gre. Ambo o dzu mbo agimi e sko gi e zga eka ba moa la a sheŋ a nye angyiŋ.

2 MoaOkorinti 8:21

Okũ ekployaŋ a mbo bi e kpo e wo okyku o da gi e kpo ekplo la e raŋ e gre egi ayi ba Adigi-odne sha mbo, ambo egi ayi ba moarehwi a mbo.

MoAfisu 2:3

Ambo ayga, agi pyeŋ e wo eka mo angyiŋ, nga agi e dzu la okoklo bi ba egʼba. Nga agi e kpo ekployaŋ a mbo ba egʼba ta la aga bi e klo. Nga alo o dzu ba Ahogbrẽ á kpo gi pyeŋ ewu eka baŋ a kpo areyaŋ a mbo ewu.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaEfilibi 4:8

Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

1 MoaEtasolonika 4:12

Ozhẽ he angyiŋ moare la a bmi ba adlidzi mbo á ba a ka gimi la olbi. Nga agimi é ka ayi abgo ba arekyeŋ okyku ekplokyeŋ ba agimi e klo mbo.

1 Etimoti 2:2

nga okyku moareŋ, pa la moandakʼpo pyeŋ la a la a ri ekʼpo, okyku o da gi e dzi e hwile egʼba nga e dzu opya-pyaŋ, nga e fa olbi e da Ahogbrẽ la odzudzu la o wo shasha.

1 Etimoti 4:12

O da arekyeŋ a dzĩ ŋo okyku boŋ o yi o wo ola anwye mbo. Ambo o dzu eka egŋe angyiŋ okyku moa la a bmi ba adlidzi. Aŋo o tsa mo ekployaŋ a mbo ibu odlo boŋ o lu ta la okyekye boŋ, ta la oklo boŋ, ta la obmi ba adlidzi boŋ, ta la adlidzi boŋ.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

MoaIbrani 13:5

Agimi e da oklo ba amgbaŋ o kpo ekʼpo ka la gimi mbo. Ambo agimi e la e kpo oheheŋ ta la ekplo ba agimi e wo la alo ma. Okyku eshi Ahogbrẽ a lu mi le, Ame é dzu gimi é zga ku-ku mbo nga ame é ndba gimi é ta ku-ku mbo.

Eyakubu 3:13

Arekyeŋ la a wo la okaobmye nga baŋ a yi ayakplo a wo eshki bimi? O raŋ o gre baŋ a tsa oyioyi baŋ ozhẽ ba odzudzu baŋ la o wo odzadzi, ta la otum odzadzi baŋ a la a kpo la opresõ-obiŋ ta la okaobmye.

1 Ebitru 2:15

Okyku eshi ohe lo o wo okoklo ba Ahogbrẽ angyiŋ. A klo ba agimi e tspi la moare la a yi ekplokyeŋ mbo nga a la a lu odlo ba adro, ozhẽ ayakplo la a wo shasha ba agimi e la e kpo.

1 Ebitru 3:16

Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

2 Ebitru 3:11

Eka ba moa á ba a jygi ekployaŋ a mbo ozhẽ he lo, o raŋ o gre ba agi e dzu moarehwĩ ba edguyaŋ angyiŋ? O raŋ ba agimi e shri eshri bimi e da Ahogbrẽ ogbukyekyeŋ,