1 Ebitru 2:11 - Ohwihwim Olehe

¹¹ Agimi akyemeazba, ame e vẽ gimi, agimi la e wo moa-zhẽ pa la moarehwĩ la a som ayi okyku ewu angyiŋ obiŋ hi! Agimi e bmi ta la okoklo ba egʼba mbo. Okoklo ba egʼba o la o kyku ebzu ta la okoklo ba esõ ombamba pyeŋ.

1 Ebitru 2:11 ပူးပေါင်းရင်းမြစ်များ

Oluka 21:34

Agimi e nyuŋ eshri bimi e zga! Agimi e da oriabgo, ta la owa-ami, ta la ogroayi ba anzho ba obiŋ hi o bile gimi mbo, o mbo le onda mi lo ó ba o gnyu gimi ó gnyu.

Otum 15:20

O raŋ o gre bi e ta mo akpa e lu mi le, Agimi e taŋ ebyi ololo mbo, okyku eshi alo e wo eshre. Nga agimi e kpo ayakplo eshre mbo. Nga agimi e taŋ ebyi moa a kplu lo oto mbo, mbo. Nga agimi e wa amanzhli mbo.

Otum 15:29

Agimi e ri algo ololo mbo. Agimi e wa amanzhli mbo. Agimi e taŋ ebyi moa a kplu lo oto sha. Nga agimi e kpo ayakplo eshre mbo. O wo bimi e kpaŋ odaŋ he lo le, agimi e tspi adzadzi. Ondanda dne a mo.

MoaOroma 12:1

Agimi anáŋ, okyku okayiekŋe ba Ahogbrẽ baŋ a wo la alo ma nzenze okyku gi angyiŋ, ame e shĩ gimi, agimi e shri eshri bimi e ndba okyku otum ba Ahogbrẽ, nga e shri eso bimi e zga otum baŋ, nga e kpo otum baŋ a gno oraŋ ka la gimi. Ohe lo angyiŋ o wo otum odzadzi la o raŋ o gre bimi e kpo.

MoaOroma 7:23

Ambo ame e la e nyiŋ e kpo otum ohwõ ondundum angyiŋ. Aga he lo a la a ta eko ta la aga ba eso me e bmi ta la lo. Alo a zhiŋ me a da me e dzu awaghrẽ odaŋ ba odlobi, okyku eshi o wo aga ba odlobi la a kpo otum egʼba me.

MoaOroma 8:13

O wo bimi e bmi ta la odzudzu ba egʼba le, adlidzi angyiŋ, agimi é jygi, ambo o wo bimi e bmi ta la Ogbgaodzi nga okro ekʼpo ba Ogbgaodzi, agimi e zhiŋ okũ e blu ayakplobi bimi e la e kpo le, agimi é hwiŋ eso.

2 MoaOkorinti 5:20

Ohuhuhi agi e la e lu odlo okyku Ekristi. O wo eka ba Ahogbrẽ ababgo baŋ angyiŋ a la a vẽ gimi ozhẽ bi. Okyku Ekristi agi e vẽ gimi okyku o da Ahogbrẽ a zhiŋ gimi la e wo moafpu ŋa a da gimi e dzu moakyeŋazba!

2 MoaOkorinti 6:1

Agimi e sheŋ e hwiŋ okpoghwo ba Ahogbrẽ. Okyku eka he ibu otum bi ta la Ahogbrẽ, agi e la e vẽ gimi okyku o da gimi e da okpoghwo he lo o tpi ayi ototno mbo.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoaEgalasiya 5:24

Moare la a wo a ba Eyesu, moa a sheŋ a bga edgu odzudzu mo ba egʼba ta la ogroayi ba egʼba, ta la okoklo ba egʼba lo.

MoAfisu 2:19

Okyku eka he, agimi la e wo moaEyahuda mbo e wo moazhẽ nga mbo ku-ku. Ohuhuhi, agimi e wo moarehwĩ ba obiŋ pa la moarehwĩ ba Ahogbrẽ. Nga agimi e wo moarehwĩ ba ogu ba Ahogbrẽ angyiŋ a mo!

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

2 Etimoti 2:22

Aŋo o ngʼba o sku okoklo ba egʼba moa ola anwye, nga aŋo o la o zga gble okyku odlodzi, ta la obmi ba adlidzi, ta la oklo, ta la opyapyaŋ. Aŋo o kpo eka he lo otsotse pa la moa la a wo la esõ pse, nga ba moa a la a bzi Adigi-odne okyku o daŋ a kpo a ghwo la mo.

MoaIbrani 11:13

Moarehwĩ he lo pyeŋ a kpu la obmi ba adlidzi angyiŋ. Moa a yga ayakplo ba Ahogbrẽ a hwim a zga ma pa la mo he lo mbo. Ambo la ogyugyuŋ nga moa a ka lo nga moa a kpo ovye okyku lo. Okyku eka he moa a bmi zhezheŋ ba moa a wo moazhẽ pa la moa la a som ayi angyiŋ obiŋ hi.

MoaIbrani 6:9

Nga eka ba agi e lu ka la gimi akyegiazba ba adlidzi eka he a mbo, agi e fu esõ eha okyku gimi mbo. Agi e yi ba agimi e wo la owlama la o wo odzi o gre pyeŋ okyku oshla ba agimi e hwiŋ.

Eyakubu 4:1

Ambgu ta la okʼpioha pyeŋ eshki bimi moa a zgi ayaŋ a ba? Moa a zgi okayiogro bimi la o wo obi angyiŋ. Moa a la a kpo ambgu egʼba bimi ombamba pyeŋ.

1 Ebitru 1:1

Akpa he lo a zgi abgo ba Ebitru, are la a nyum oshpa ba Eyesu Ekristi. Akpa he lo a wo okyku moarehwĩ ba Ahogbrẽ a sla mo. Moa a som ayi okyku ewu, nga moa a gre a yi a dzu moazhẽ egʼba ebiŋ ba Obontu, ta la Egalasiya, ta la Akapadokiya, ta la Asiya, ta la Ebitaniya.

1 Ebitru 1:17

Omba ba agimi e fa olu e vẽ Ahogbrẽ la a la a sõ moare ombgu ozhẽ okyekyeŋ, eka ekployaŋ a mbo ba areyaŋ a mbo a kpo, agimi e la e bzi ŋa ma Ada. Okyku eka he, agimi e kpo otum ta la omba bimi la o ra obiŋ hi ayi okyku o hlu ŋa eshko,

1 Ebitru 4:12

Agimi akyemeazba, agimi e da ewu ba agimi e la e kpo hi e dzu gimi ekplo egbregbre mbo. E ka eka ba ekplokyeŋ ehe angyiŋ e kpo ka la gimi mbo.

1 Ebitru 4:2

Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.