1 Ebitru 1:8 - Ohwihwim Olehe

⁸ Agimi e ka ŋa e ka mbo, ambo ekakahelo agimi e la e klo ŋa. Agimi e ka ŋa ohuhuhi mbo, ambo ekakahelo agimi e la e bmi ba adlidzi ka la ŋa. Okyku eka he agimi e la e kpo ovye la edgu ovye la o wo nzenze. Edgu ovye he lo, anyu a kpo a gbu ba alo a lu eka ba ovye lo o wo mbo,

1 Ebitru 1:8 ပူးပေါင်းရင်းမြစ်များ

Amatiyu 10:37

Areyaŋ a mbo la a klo adaŋ, ta la anaŋ a gre me le, aŋa a wo ekplokyeŋ angyiŋ egi ayi me mbo, nga are-yaŋ a mbo la a klo moanwye baŋ a gre me le, aŋa a wo ekplo-kyeŋ angyiŋ egi ayi me mbo.

Eyohana 14:15

Eyesu a lu mi le, O wo bimi e klo me le, agimi é kpaŋ odaŋ me.

Eyohana 14:21

Areyaŋ a mbo la a yga odaŋ me nga a la a kpaŋ lo le, are he lo a wo la a klo me. Adugu á klo are la a la a klo me. Ame a mbo é klo ŋa nga é hwile eshyẽ me é daŋ a ka.

Eyohana 14:24

Areyaŋ a mbo la a klo me mbo, a la a kpaŋ odlo me mbo. Oshpa bimi e gno hi, o wo oshpa ba anyu me angyiŋ mbo, ambo o zgi okro Ada la a hom me otum angyiŋ o ba.

Eyohana 16:22

O wo eka he angyiŋ ka la gimi. Ohuhuhi agimi e gno oraŋ mbo, ambo ame é ka gimi nganga, omba he lo ovye ó bli eso bimi. Edgu ovye he lo, arekyeŋ a kpo a gbu baŋ a ngʼba lo a sku gimi a gbu mbo.

Eyohana 20:29

Eyesu a sa a zhĩ ŋa a lu mi le, Aŋo o bmi ba adlidzi okyku boŋ o ka me angyiŋ? Moa la a bmi ba adlidzi pa la me, ambo ba moa a ka me ondakyeŋ mbo, moa a wo la ovye ma nzenze!

Eyohana 8:42

Eyesu a nyuŋ mo a lu mi le, Ahogbrẽ angyiŋ a wo adigimi adlidzi e mbi, agimi e yga me okyku eshi ame e zgi okro ba Ahogbrẽ e ba. Ame e ba la eshrishri eme angyiŋ mbo, ambo aŋa a da me e ba.

Otum 16:34

A da Oblus ta la Esila a gre odne baŋ nga, a shri algori a da mo. Aŋa pa la moa-odne baŋ moa a wo la ovye ma nzenze, okyku eshi moa a bmi ba adlidzi ta la Ahogbrẽ.

MoaOroma 14:17

Okyku eshi Oreŋ ba Ahogbrẽ o wo okyku oruri ta la owowa angyiŋ mbo. Ambo alo o wo odlodzi ta la opyapyaŋ ta la ovye, ayakplo hi lo, Ogbgaodzi angyiŋ o shri lo o di.

MoaOroma 15:13

Ahogbrẽ la a wo esĩ ba okayiozhẽ, a bli gimi la ovyeyaŋ a mbo, ta la opyapyaŋ okyku obmi ba adlidzi bimi ka la ŋa, okyku o da Ogbgaodzi o ta adlidzi bimi ma-ma la ekʼpo baŋ.

1 MoaOkorinti 16:22

Areyaŋ a mbo la a klo Adigi-odne mbo le, a ba eshri baŋ! Amaranata, o dzu, Adigi-odne o ba!

2 MoaOkorinti 1:22

A ta engla baŋ a sheŋ a sla gi eshri bi. Nga a shri Ogbgaodzi a ghwo eso bi, okyku o tsa ekployaŋ a mbo baŋ a wo la alo ma okyku gi.

2 MoaOkorinti 12:4

Okro he lo aŋa a gno odlo ba moa a lu la amgboŋ odlo a gbu mbo.

2 MoaOkorinti 4:18

Agi e la e shri aga bi e zga anzho ba agi e ka mbo, ambo agi e shri aga bi e zga anzho ba efĩ. Ayakplo ba moa a ka lo a wo okyku omba ple sha, ambo ayakplo ba moa a ka lo mbo moa á dzu ma gbagbu-amo.

2 MoaOkorinti 5:7

Agi e dzu ma ozhẽ ba obmi ba adlidzi angyiŋ, ambo ozhẽ ba oka-ka angyiŋ mbo.

2 MoaOkorinti 9:15

Agimi e da gi e vye la Ahogbrẽ okyku okpoghwo baŋ la o gre eshri!

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoAfisu 3:19

E, o kpo o gbu ba agimi e yi oklo baŋ, ambo alo o gre eshri ba agimi e yi lo e fu ma, o mbo le e ka lo e bmye. Amom-abgo ekpyemgbyeŋ nga moa a bli gimi mvye la obiobli ba Ahogbrẽ la o bli.

MoAfisu 6:24

Okpoghwo ba Ahogbrẽ o dzu pa la moare pyeŋ la a klo Adigi-odne Eyesu Ekristi la oklo la o khwo nga mbo.

MoaEfilibi 1:25

Ame e yi ohe lo zhe-zheŋ, okyku eka he ame e yi ba ame é ba e dzu ka la gimi. Ame é dzu ka la gimi pyeŋ okyku o kpo otum okyku o da gimi e vre e yi e ta ma-ma, nga okyku o da ovye bimi o ta ma-ma, obmi ba adlidzi lo.

MoaEfilibi 3:3

Agi angyiŋ e wo moarehwĩ ba moa a sheŋ ongyum ba adlidzi, moa angyiŋ mbo, okyku eshi agi e la e hlu Ahogbrẽ eshko ozhẽ ba Ogbgaodzi angyiŋ, nga agi e la e kpo ovye ibu odzudzu bi okro ba Ekristi Eyesu. Agi e sko okpo-kpo ba egʼba e zga akplokyeŋ mbo.

MoaEfilibi 4:4

Ahogbrẽ nga a shri ovye a shri a da gimi ombamba pyeŋ. Ame é bla alo é shĩ, e kpo ovye!

MoaIbrani 11:1

Obmi ba adlidzi o wo ozgaesõ zhezheŋ ta la ayakplo ba agi e la e ka ayi ozhẽ okyku lo. Alo o wo obmi zhezheŋ pa la ayakplo ba agi e ka lo e ka mbo.

MoaIbrani 11:27

Obmi ba adlidzi angyiŋ o da Omusa a sko olom ba anyuŋ-areŋ lo a da lo o dzu ŋa akplokyeŋ mbo, nga a kso a sku obiŋ ba Amasla lo. Aŋa á bla á yi lo nga mbo, alo o wo eka baŋ a ka Ahogbrẽ ba moa a la a ka ŋa mbo.

1 Ebitru 1:6

Okyku eka he, agimi e da esõ e gbu gimi obiŋ angyiŋ. Ambo, o dzu mbo, alo o dzu omgbybi angyiŋ ba alo ó kpo gimi ewu esõ ohuhuhi okyku omba ple sha, okyku edgu ewu nzenze la e la e hwiŋ gimi.

1 Ebitru 2:7

Ezhim he lo e wo owlama nzenze okro bimi la e bmi ba adlidzi. Ambo okro bimi la e bmi ba adlidzi mbo, moa a lu mi le, Ezhim ba moa la a mbdzi a tla lo a ta eka ba alo e wo la owlama mbo, Alo angyiŋ e zhiŋ e dzu ezhim la e wo la anyuanyuŋ e gre pyeŋ.

1 Ebitru 5:4

Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.