1 Ebitru 1:7 - Ohwihwim Olehe

⁷ Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

1 Ebitru 1:7 ပူးပေါင်းရင်းမြစ်များ

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Amatiyu 25:21

Adaŋ-odne a lu mi le, Ame e vye la ŋo, aŋo o wo anwye-odne adzadzi. Aŋo o tsa me adlidzi ekplo etsitsi, okyku eka he, ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 25:23

Adaŋ-odne lo a lu mi le, Ame e vye la ŋo, o wo anwye-odne adzadzi. Aŋo o tsa me adlidzi ekplo etsitsi, okyku eka he ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Oluka 12:33

Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo.

Oluka 17:30

Ó kpo ekakahelo angyiŋ onda ba Anwye Arehwĩ á ba a gnyu á ba.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 5:44

Agimi e la e klo e hlu egimi eshko, ambo agimi e klo baŋ akyakyeŋ la a wo Ahogbrẽ angyiŋ a tsom gimi mbo. Agimi é kpo anyu é ba e bmi ba adlidzi?

Otum 8:20

Ambo Ebitru a tno ŋa ma a lu mi le, A ba eshri boŋ ta la amgbaŋ boŋ, okyku eshi aŋo o ka ma aŋo o kpo o gbu boŋ o gbmo ototno ba Ahogbrẽ la amgbaŋ!

MoaOroma 2:10

Ambo Ahogbrẽ á shri onyuonyuŋ, ta la ekʼpo, ta la opyapyaŋ ba eso á shri á da moare la a la a kpo ayakplo la a wo adzi. MoaEyahuda á hwiŋ a khwo, moa la a wo moaEyahuda mbo a mbo á hwiŋ.

MoaOroma 2:29

Ambo are ba Eyahuda ba adlidzi angyiŋ a wo are la a wo a ba Eyahuda eso. Edgu are he lo angyiŋ a wo are la a da mo a sheŋ ŋa ongyum eso. Ohe lo o wo otum ba Ogbgaodzi ba Ahogbrẽ angyiŋ, o wo otum ba odaŋ ba moa a ta akpa angyiŋ mbo. Are he lo a la a yga otsom baŋ okro ba Ahogbrẽ angyiŋ, aŋa a la a yga lo okro moarehwi angyiŋ mbo.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

MoaOroma 8:19

Ekployaŋ a mbo ba Ahogbrẽ a kpo obiŋ hi, moa a la a ka ayi ozhẽ okyku o da Ahogbrẽ a tsa moanwye la a wo a baŋ.

1 MoaOkorinti 3:13

Moa á ka edgu otum ba areyaŋ a mbo onda ba Ekristi a tsa lo. Onda mi lo angyiŋ ovo ó ba o tsa otum ba areyaŋ a mbo. Moa á dzo lo ovo, okyku o da mo a ka edgu otum mo.

1 MoaOkorinti 4:5

Arekyeŋ a sõ arekyeŋ ombgu ayga a da omba lo o kpo mbo. Ombgu ba amom-abgo, moa á sõ lo omba ba Adigi-odne á ba. Adigi-odne á se ayakplo la a ghre mgbyi-mgbyiŋ eso moarehwi á ta edzi. Omba he lo angyiŋ, are-yaŋ a mbo á ba a yga otsom ba alo o raŋ o gre baŋ a hwiŋ lo okro ba Ahogbrẽ.

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.

1 Ebitru 1:5

Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.

1 Ebitru 2:4

Agimi e ba okro ba Adigi-odne. Aŋa angyiŋ a wo ezhim la e wo esõ ma ba moarehwĩ a tla lo a ta. Ambo Ahogbrẽ a sla lo a zga ekplo ba owlama nzenze.

1 Ebitru 2:7

Ezhim he lo e wo owlama nzenze okro bimi la e bmi ba adlidzi. Ambo okro bimi la e bmi ba adlidzi mbo, moa a lu mi le, Ezhim ba moa la a mbdzi a tla lo a ta eka ba alo e wo la owlama mbo, Alo angyiŋ e zhiŋ e dzu ezhim la e wo la anyuanyuŋ e gre pyeŋ.

1 Ebitru 4:12

Agimi akyemeazba, agimi e da ewu ba agimi e la e kpo hi e dzu gimi ekplo egbregbre mbo. E ka eka ba ekplokyeŋ ehe angyiŋ e kpo ka la gimi mbo.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

2 Ebitru 1:4

Ozhẽ he lo angyiŋ, a shri ohwihwim la o wo la owlama ta la ogagre, a shri a da gi. O wo bimi e yga ekplo baŋ a hwim okyku gimi e khwo nga le, e ngʼba e sku okoklo la o wo oyla ototno obiŋ hi, nga e ba e pu ibu odzudzu ba Ahogbrẽ.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 3:18

Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.