1 Ebitru 1:25 - Ohwihwim Olehe

²⁵ Ambo odlo ba Adigi-odne ó ra ó dzu ma gbagbu-amo. Oshpaodzadzi angyiŋ o shri odlo he lo o shri o kom gimi.

1 Ebitru 1:25 ပူးပေါင်းရင်းမြစ်များ

Amatiyu 5:18

Agimi e tne aga e ka! Odzudzu ba Ongyeŋ, ta la obiŋ hi pyeŋ, moa á nyiŋ ekplokyeŋ ku-ku eshri ba Odaŋ he lo mbo. Amom-abgo ba ayakplo pyeŋ a mbo, moa á nyiŋ mbo.

Oluka 16:17

Ambo o wo ohli ba ongyeŋ ta la obiŋ hi ó ba o bre ó yi, o gre ba ekplokyeŋ etsitsi sha a mbo odaŋ lo é ba e bre é yi.

Eyohana 1:1

Okũ oriori omba ba Ahogbrẽ a kpo obiŋ hi a wo mbo, Odlo o sheŋ o wo ma. Okro ba Ahogbrẽ a wo ma he lo, Odlo o wo ma ka la ŋa otsotse. Odlo nga o wo Ahogbrẽ angyiŋ.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

1 MoaOkorinti 2:2

Ame e sko e zga eso me, ba ame é ba e nyum oshpa ba Eyesu Ekristi sha é da gimi omba ba ame e wo ka la gimi. Ame é shĩ odlo eshri eku baŋ a kpu egŋe aki angyiŋ nzenze.

MoAfisu 2:17

Okyku eka he nga, Ekristi, a ba a nyum Oshpaodzadzi ba opyapyaŋ he lo a ygi moarehwĩ pyeŋ. A nyum lo a ygi gimi a ba Eyahuda mbo la e wo ogyugyuŋ ta la Ahogbrẽ, pa la moaEyahuda la a wo osusku ka la ŋa.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

Etitu 1:3

Nga, omba la o wo shasha lo angyiŋ a tsa areyaŋ a mbo alo ibu oshpa baŋ lo. Moa a shri oshpa he lo a da me, nga odaŋ ba Ahogbrẽ Areoshla bi angyiŋ o la o da me e su lo.

MoaIbrani 6:5

Moa a nye nga a yi zhezheŋ ba odlo ba Ahogbrẽ o wo odzi, nga ba ekʼpo ba omba la ó ba o ba lo e kpo otum pa la mo.

1 Ebitru 1:12

Ahogbrẽ a tsa moarehwĩ baŋ a hom mo otum. A lu ma otum mo lo o wo okyku ohwihwiŋ ba eshri mo angyiŋ mbo. Ma alo o wo okyku gimi angyiŋ. Moa a lu eka he lo angyiŋ eshri ba adlidzi ba agimi e gno ohuhuhi. Moa la a tsa gimi adlidzi lo, moa a wo moanwyeadga ba Oshpaodzadzi, nga moa a lu odlo lo la ekʼpo ba Ogbgaodzi la o zgi Ongyeŋ angyiŋ o ba. Moanwyeadga ba Ahogbrẽ a mbo a klo o ka adlidzi he lo o bmye.

1 Ebitru 1:23

Okyku eshi okro ba odlo ba Ahogbrẽ la o wo la esõ ma nga ba alo ó dzu ma gbagbu-amo, moa a sa a bla gimi a mbre eka moanwye ba ada la á kpu ku-ku nga mbo.

1 Ebitru 2:2

Agimi e dzu eka moanwye able ba moa a mbre mo ehehe. Omba-mba pyeŋ agimi e la e kpo ekhwo okyku orga abme ba esõ la a wo tsetsetseŋ, okyku o da gimi e wa nga e hlu nga e hwiŋ oshla,

2 Ebitru 1:19

Okyku eka he agi e bmi ta la odlo ba moarehwĩ ba Ahogbrẽ a hom mo otum, a lu a ta ma-ma o ta angyiŋ. Alo o wo odzi ba agimi a mbo e ngli atuŋ e gno lo, okyku eshi odlo he lo o wo eka ba emgbuovo la e shka ayi evbu, ma-me o tsa Onda ba ayi a kre, nga ba ambzi ba endigiŋ a ba a shka ayi esõ bimi.

1 Eyohana 1:1

Agi e ta akpa eshri ba odlo ba esõ angyiŋ e shri e kom gimi. Odlo he lo o wo ma, a zga omba ba moa a zga esĩ a kpo obiŋ hi. Agi e gno odlo lo, nga agi e ka lo la ayi bi. Alo o wo eka he lo, agi e ka lo, nga agi e sa e tka lo.

1 Eyohana 1:3

Ayakplo ba agi e ka nga e sa e gno, agi e la e lu lo e da gimi, okyku o da gimi e ba e pu ibu ekpom ba agi e la e kpo ta la Ada ta la Anwye baŋ Eyesu Ekristi.

Otsotsa 14:6

Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.