1 Ebitru 1:22 - Ohwihwim Olehe

²² Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 1:22 ပူးပေါင်းရင်းမြစ်များ

Eyohana 15:17

Ame e shĩ gimi, agimi e klo egimi.

Eyohana 15:3

Agimi e sheŋ e wo shasha bgu okyku odlo ba ame e sheŋ e lu lo e da gimi.

Eyohana 17:17

Aŋo o zhiŋ mo o da mo a dzu moarehwi boŋ ozhẽ ba adlidzi, okyku eshi odlo boŋ o wo adlidzi angyiŋ.

Eyohana 17:19

Okyku mo angyiŋ ame e shri eshri me e doŋ, okyku o da mo a mbo a zhiŋ a dzu moarehwi boŋ.

Otum 15:9

Aŋa a sko mo ka la gi a zga okyekyeŋ. A kyu mo abgo odlobi mo okyku moa a bmi ba adlidzi.

Otum 6:7

Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

MoaOroma 1:5

Okro baŋ Ahogbrẽ a hwile me ozhẽ okyku o da me e dzu are la a nyum oshpa okyku Ekristi, okyku o tsa moarehwi ba obiŋ hi mvye okyku o da mo a bmi ba adlidzi nga a yga lo.

MoaOroma 2:8

Moabze a la a klo eshri emo sha, nga moa a la a tla adlidzi, nga moa a kpo otum obi. Ahogbrẽ nga á sõ mo ombgu la o vu olo.

MoaOroma 8:13

O wo bimi e bmi ta la odzudzu ba egʼba le, adlidzi angyiŋ, agimi é jygi, ambo o wo bimi e bmi ta la Ogbgaodzi nga okro ekʼpo ba Ogbgaodzi, agimi e zhiŋ okũ e blu ayakplobi bimi e la e kpo le, agimi é hwiŋ eso.

2 MoaOkorinti 6:6

Ozhẽ ba okyekye bi ta la oyioyi, ta la oheheŋ, ta la okpoghwo, agi e tsa moare ba agi e wo moawaghrẽ ba Ahogbrẽ okro Ogbgaodzi, ta la oklo bi ba adlidzi,

MoaEgalasiya 3:1

Agimi adro ba Egalasiya! Ayi a bile gimi? Egi ayi bimi owowre ba eku ba Eyesu Ekristi egŋe aki o wo ma zheŋ!

MoaEgalasiya 5:5

Okayiozhẽ bi o wo ba Ahogbrẽ á ba a shri opyapyaŋ á shri á zga agʼbaha baŋ ka la gi. Agi nga e la e dzu e bli ohe lo angyiŋ, la ekʼpo ba Ogbgaodzi ba Ahogbrẽ, alo e kpo otum ozhẽ obmi ba adlidzi bi.

MoaEgalasiya 5:7

Agi e mbi e la e zga ayi adzadzi, ayi a sa a da gimi e tspi ta la okpo otum ta la adlidzi lo? Aŋa a kpo anyu a rba gimi a gbu?

MoAfisu 4:3

Agimi e zga ayi ngre okyku o kpaŋ okŋeobga ba Ogbgaodzi o shri o ba, ozhẽ ba opyapyaŋ la o kŋe gimi o bga.

MoaEfilibi 1:9

Olu me okyku gimi angyiŋ o wo ohe lo. Ame e la e fa olu okyku o da oklo bimi o ta ma-ma ombayaŋ a mbo, ta la oyioyi ba adlidzi ta la okaobmye zhezheŋ,

1 MoaEtasolonika 3:12

Adigi-odne a bmi le, a da gimi e klo egimi nga e klo moahwõ pyeŋ. Nga a da oklo o hlu o ta ma o ta-ta eka ba agi e la e klo gimi.

2 MoaEtasolonika 1:3

O raŋ o gre ba agi e vye la Ahogbrẽ okyku gimi anáŋ ombamba pyeŋ! O raŋ o gre ba agi e kpo eka he lo, okyku eshi obmi ba adlidzi bimi o la o ta ma o ta-ta, nga oklo ba agimi e wo la alo ma okyku moahwõ a mbo o la o ta ma-ma.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

1 Etimoti 1:3

Ame e klo boŋ o dzu Afisu eka ba ame e lu e doŋ, omba ba ame e wo ozhẽ ba o yi Amasidoniya. Moarekyeŋ Afisu a la a nye onyenye ba akpro. O raŋ o gre boŋ o tspi la mo.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

1 Etimoti 4:12

O da arekyeŋ a dzĩ ŋo okyku boŋ o yi o wo ola anwye mbo. Ambo o dzu eka egŋe angyiŋ okyku moa la a bmi ba adlidzi. Aŋo o tsa mo ekployaŋ a mbo ibu odlo boŋ o lu ta la okyekye boŋ, ta la oklo boŋ, ta la obmi ba adlidzi boŋ, ta la adlidzi boŋ.

1 Etimoti 5:2

Nga o kpo pa la moashe la a tsoŋ eka ba moa a wo moanoŋ, nga o kpo pa la moashe la a ra ola eka moa a wo moanóŋ-alashle, o kpo mo ekployaŋ a mbo la e wo okyekye.

2 Etimoti 1:14

Ayakplo adzadzi ba moa a nye ŋo alo pyeŋ, o kpaŋ lo okro ekʼpo ba Ogbgaodzi la o dzu esõ bi.

MoaIbrani 11:8

Obmi ba adlidzi angyiŋ o da Ebrahim a bmi ta la obzi ba Ahogbrẽ a bzi ŋa omba ba Ahogbrẽ a bzi ŋa okyku o daŋ a yi obiŋ ba Ahogbrẽ a hwim baŋ á shri á daŋ. A kso a sku obiŋ baŋ ambo a ka a yi okro baŋ á ba a yi mbo ku-ku.

MoaIbrani 13:1

O raŋ o gre ba agimi e klo egimi eka moanáŋ eshko ba Ekristi.

MoaIbrani 5:9

Omba ba moa a bli ŋa a khwo, a dzu esĩ ba oshla ba gbagbu-amo, okyku moare pyeŋ la a la a kpaŋ odlo baŋ.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 4:8

Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Ebitru 2:17

Agimi e fa olbi e da moarehwĩ pyeŋ. Agimi e klo moa la a bmi ba adlidzi otsotse ka la gimi. Nga agimi e la e kpo eyli ba Ahogbrẽ, nga e fa olbi e da Ekeza.

1 Ebitru 3:1

Nga ekakahelo o raŋ o gre ba agimi ashe e fa olbi e da moarealom bimi, okyku o wo ba moakyeŋ eshki mo a bmi ba adlidzi ta la odlo ba Ahogbrẽ mbo le, okyku o da edgu odzudzu bimi e zhiŋ mo. Ambo ó dzu gimi omgbybi ba agimi e lu akplokyeŋ nga mbo,

1 Ebitru 3:20

Egbga he lo e wo egbga ba moarehwĩ la a sheŋ a shye eshri ta la Ahogbrẽ omba baŋ a la a dzu a bli, omba ba Onuhu a la a mbdzi amgblami. Moare ple sha a gre amgblami he lo. Moarehwĩ afote angyiŋ moa a gro okyku ami.

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

1 Ebitru 4:17

Omba o kpo okyku o da mo a zga esĩ ba o sõ ombgu, nga moa á zga esĩ á sõ moarehwĩ ba Ahogbrẽ angyiŋ ombgu ori. O wo ba moa a zga esĩ ka la gi le, moa á sõ moa la a bmi ba adlidzi ta la Oshpaodzadzi ba Ahogbrẽ mbo omgbu á ygi ekayaŋ?

1 Ebitru 4:8

Akplo la a gre pyeŋ, agimi e klo egimi la esõ pyeŋ, okyku eshi oklo o la o shki odlobi nzenze.

2 Ebitru 1:7

Nga okyku o da oklo moanáŋ o sa o ta ma la odzudzu la o raŋ Ahogbrẽ esõ. Nga okyku o da oklo o sa o ta ma la oklo moanáŋ.

1 Eyohana 3:11

O raŋ o gre ba agi e klo egi. Alo angyiŋ a wo oshpa ba agimi e gno okũ oriori.

1 Eyohana 3:23

A jygu gi odaŋ a lu ma agi e bmi ba adlidzi ta la eshko ba Anwye baŋ Eyesu Ekristi, nga e la e klo egi eka ba Ekristi a jygu gi odaŋ.

1 Eyohana 4:12

Arekyeŋ a ka Ahogbrẽ a ka mbo ku-ku. O wo ba agi e klo egi le, Ahogbrẽ á dzu esõ bi, nga oklo baŋ ó bli ka la gi.

1 Eyohana 4:20

O wo ba arekyeŋ a lu mi ma aŋa a klo Ahogbrẽ, ambo o wo baŋ a la a tla anáŋ le, aŋa a wo arehwĩ la a sheŋ akpro angyiŋ. Okyku eshi o wo ba are a klo anáŋ baŋ a ka ŋa mbo le, aŋa á kpo á gbu baŋ á klo Ahogbrẽ baŋ a ka ŋa a ka mbo mbo,

1 Eyohana 4:7

Agimi akyemeazba! Agimi e da gi e klo egi. Okyku eshi oklo o zgi okro ba Ahogbrẽ angyiŋ o ba. Areyaŋ a mbo la a wo la oklo ma le, aŋa a wo anwye ba Ahogbrẽ angyiŋ, nga a yi Ahogbrẽ.

Otsotsa 2:4

Ambo aŋo o klo me ohuhuhi eka boŋ o klo me oriori mbo. Okyku eka he nga, ame e gno oraŋ ka la ŋo mbo.