1 Ebitru 1:20 - Ohwihwim Olehe

²⁰ Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

1 Ebitru 1:20 ပူးပေါင်းရင်းမြစ်များ

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Otum 2:23

Ahogbrẽ a yi, ambo a sheŋ a hwim eso baŋ, baŋ á shri Eyesu á da gimi, ambo agimi e shri ŋa e da moarehwi ba odlobi a gŋe ŋa egŋe aki.

MoaOroma 3:25

Ahogbrẽ a shri ŋa a shri a di okyku gi ozhẽ eku baŋ, okyku o da moare a hwiŋ okyuabgo odlobi o wo ba moa a bmi ba adlidzi ka la ŋa. Ahogbrẽ a shri Ekristi a di okyku o tsa eka baŋ a la a shri opyapyaŋ a shri a zga agʼbaha baŋ pa la moarehwi. Ayga Ahogbrẽ a ta eso ble-ble nga a sko odlobi moarehwi a zga akplokyeŋ mbo.

MoaOroma 8:29

Okyku eshi moare ba Ahogbrẽ a sheŋ mo a sla, a sla mo a zga agba nga a da mo a sko emle ba Anwye baŋ, okyku o da Anwye baŋ a dzu a ba oriori eshki moanáŋ mvye.

MoaEgalasiya 4:4

Ambo ambla ba omba lo o ba, Ahogbrẽ a da Anwye baŋ a ba. A ba eka ba anwye ba ashe ba obiŋ hi. A la a kpo otum ta la odaŋ moaEyahuda,

MoAfisu 1:10

Ohwihwim he lo, Ahogbrẽ a bli lo omba ba omba lo ó kpo. O wo okyku o daŋ a kŋe ayakplo pyeŋ a bga. Ayakplo baŋ a kpo la a wo Ongyeŋ ta la obiŋ hi mvye, nga okyku o da Ekristi angyiŋ a dzu eshri.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 3:11

Ahogbrẽ a kpo ohe lo ozhẽ ba gbagbu-amo baŋ a shri a zga esõ baŋ, aŋa a da lo o kpo adlidzi ozhẽ ba Ekristi Eyesu Adigi-odne.

MoAfisu 3:9

Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,

MoaOkolosi 1:26

Alo angyiŋ o wo ayakplo baŋ a ghre moarehwĩ pyeŋ alo ba ogbyigbyi. Ambo a hwile lo okyku moarehwĩ baŋ ohuhuhi.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

MoaIbrani 1:2

Ambo omba ba amom-abgo ekpyemgbyeŋ he, a lu odlo ka la gi ozhẽ ba Anwye baŋ. Ahogbrẽ a daŋ a dzu are la a wo la ekployaŋ a mbo ma. Nga okro ba Anwye baŋ he lo angyiŋ aŋa a kpo obiŋ hi pyeŋ.

MoaIbrani 2:14

Eka ba alo o wo moarehwĩ baŋ a bzi mo ma moanwye baŋ, moa a wo moarehwĩ ba ebyi ta la amanzhli angyiŋ. Eyesu a mbo a zhiŋ a dzu eka mo, nga a pu pa la mo edgu odzudzu ba arehwĩ. A kpo eka he lo okyku o daŋ a bga Eshitaŋ okro ba eku baŋ a kpu. Eshitaŋ he lo e wo ekʼpo ba eku ma.

MoaIbrani 9:26

Okyku eshi o wo ba alo o wo eka he angyiŋ le, ó dzu ŋa omgbybi baŋ a kpo ewu engyi oshushku, a zga ekplu ba moa a kpo obiŋ hi. Ambo a ba odgo okyeŋ nga o khwo, alo ó dzu eka he ma-me o tsa onda ba amom-abgo omba baŋ a ba okyku o daŋ a se odlobi a sku moare ozhẽ baŋ a shri eshri baŋ a ndba.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Eyohana 1:2

Omba ba esõ he lo e tsa eŋa zhezheŋ, agi e ka lo. Okyku okũ he lo angyiŋ agi e la e lu odlo eshri lo, nga e lu odlo eshri ba esõ ba gbagbu-amo e da gimi. Esõ ba gbagbu-amo e wo okro ba Ada nga a da gi e ka lo e bmye.

1 Eyohana 3:5

Agimi e yi ba Ekristi a ba okyku o daŋ a sko odlobi ba moarehwĩ a sku mo. Nga odlobi o ka o wo ka la ŋa mbo ku-ku.

1 Eyohana 3:8

Areyaŋ a mbo la a shri eshri baŋ a zga okyku o kpo odlobi le, a wo arehwĩ ba Eshitaŋ angyiŋ. Okyku eshi a zga okũ oriori, odlobi o dzu atsoŋ eda la e gbyi angyiŋ ta la Eshitaŋ. Anwye Ahogbrẽ a ba okyku o jygi etum ba Eshitaŋ angyiŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.