1 Ebitru 1:2 - Ohwihwim Olehe

² Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Ebitru 1:2 ပူးပေါင်းရင်းမြစ်များ

Amatiyu 24:22

Ahogbrẽ a sheŋ a fa omba he lo a ra angyiŋ mbo e mbi, arekyeŋ á gro mbo. Ambo okyku moarehwĩ baŋ a sla, Ahogbrẽ á fa omba lo a ra.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Amarku 13:20

Ambo Ahogbrẽ a fa omba a ra, o wo baŋ a kpo eka he mbo e mbi arekyeŋ á gro mbo. Ambo okyku moarehwi ba Ahogbrẽ a sla a fa omba a ra.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Amarku 13:27

Á hom moanwyeadga otum á yi emvygi enyi ba obiŋ hi lo mvye, nga moa a pla moarehwi ba Ahogbrẽ a sla pyeŋ.

Oluka 18:7

Eyesu a zhĩ mo a lu mi le, Ahogbrẽ a la a kpo a ghwo la moarehwi baŋ la a wu okũ egi ayi baŋ okyukyku ta la olulum mbo? Á ngli ayga á ba a kpo á ghwo la mo?

Otum 15:18

Ahogbrẽ a su ohe lo ogbyigbyi a mo.

Otum 2:23

Ahogbrẽ a yi, ambo a sheŋ a hwim eso baŋ, baŋ á shri Eyesu á da gimi, ambo agimi e shri ŋa e da moarehwi ba odlobi a gŋe ŋa egŋe aki.

Otum 20:32

Ambo ohuhuhi ame e shri gimi e ghwo abgo Ahogbrẽ, ta la oshpa ba okpoghwo baŋ. Aŋa a kpo a gbu baŋ a da gimi e tspi osheshye, nga a shri owlama baŋ a shri a zga ma okyku moare baŋ, a shri a da gimi.

MoaOroma 1:5

Okro baŋ Ahogbrẽ a hwile me ozhẽ okyku o da me e dzu are la a nyum oshpa okyku Ekristi, okyku o tsa moarehwi ba obiŋ hi mvye okyku o da mo a bmi ba adlidzi nga a yga lo.

MoaOroma 1:7

Okyku eka he ame e ta akpa e kom gimi arehwĩ ba Oroma, ba Ahogbrẽ a klo. Aŋa a bzi gimi okyku o da gimi e dzu moarehwi baŋ. Ahogbrẽ la a wo Adigi, ta la Adigi-odne Eyesu Ekristi a kpo a ghwo la gimi nga a shri opyapyaŋ a da gimi.

MoaOroma 11:2

Ahogbrẽ a tla moarehwi baŋ tsitsi a mbo mbo. Moahi lo angyiŋ aŋa a sla mo oriori. Agimi e yi ekplo Akpa ba Ahogbrẽ a lu omba ba Eliya a wu okũ eshri ba moaEsrayila a lu mi le,

MoaOroma 11:28

Okyku moaEyahuda a tla Oshpaodzadzi, moaEyahuda a zhiŋ a dzu moafpu ba Ahogbrẽ okyku gimi la e wo moaEyahuda mbo. Ambo okyku ososla ba Ahogbrẽ a sla okyku moadimo, moa a zhiŋ a dzu moakyeŋazba.

MoaOroma 15:16

nga a da me e dzu awaghrẽ ba Ekristi Eyesu, okyku o da me e nyum oshpa e ygi moa la a wo moaEyahuda mbo. Ame e kpo eka ba andakʼpo olu ba Ahogbrẽ, omba ba ame e la e nyum Oshpaodzadzi la o zgi okro ba Ahogbrẽ o ba, okyku o zhiŋ moa la a wo moaEyahuda mbo, o da mo a dzu oshriondba ba Ahogbrẽ a gno oraŋ ta la lo, nga ba Ogbgaodzi o gʼba lo o zga okyku Ahogbrẽ.

MoaOroma 16:19

Areyaŋ a mbo a sheŋ a gno eka bimi e tspi osheshye ta la obmi ba adlidzi ta la Oshpaodzadzi lo. Okyku eka he, ame e la e gno oraŋ ka la gimi e gre eshri. Ame e klo bimi e tne aga ogyugyuŋ eshri ayakplo la a wo adzi, nga e tla ayakplo la a wo abi.

MoaOroma 16:26

Ambo ohuhuhi moarehwi ba Ahogbrẽ a hom mo otum, moa a ta odlo he lo akpekpa, okyku o da areyaŋ a mbo a yi adlidzi lo. Nga okyku odaŋ ba Ahogbrẽ ba gbagbu-amo a jygu gi, moa a shri odlo ba adlidzi he lo a kom moarehwi ba obiŋ hi pyeŋ, okyku o da mo a bmi ba adlidzi ta la lo nga a kpaŋ lo.

MoaOroma 8:13

O wo bimi e bmi ta la odzudzu ba egʼba le, adlidzi angyiŋ, agimi é jygi, ambo o wo bimi e bmi ta la Ogbgaodzi nga okro ekʼpo ba Ogbgaodzi, agimi e zhiŋ okũ e blu ayakplobi bimi e la e kpo le, agimi é hwiŋ eso.

MoaOroma 8:33

O ba alo o wo eka he, ayi angyiŋ a kpo a gbu baŋ a klo odlo pa la moarehwi ba Ahogbrẽ a sheŋ a sla? E ka, Ahogbrẽ a mbo a sheŋ a kyu mo abgo!

1 MoaOkorinti 1:30

Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.

1 MoaOkorinti 6:11

Moakyeŋ eshki bimi, moa a wo eka he lo ayga. Ambo moa a sheŋ a ndza odlobi bimi bgu. Moa a sheŋ a shri gimi a da Ahogbrẽ. Opyapyaŋ o gre o ba agʼbaha bimi okro ba eshko ba Adigi-odne Eyesu Ekristi, ta la Ogbgaodzi ba Ahogbrẽ bi.

2 MoaOkorinti 10:5

nga é gʼbu ekployaŋ a mbo ba onyomegʼba la e shki ozhẽ okyku o nyom oyioyi ba Ahogbrẽ. Agi e la e sko agayaŋ a mbo e zga okyku o da lo a kpaŋ odlo ba Ekristi.

2 MoaOkorinti 13:14

Okpoghwo ba Adigi-odne Eyesu Ekristi ta la oklo ba Ahogbrẽ, ta la ekpom ba Ogbgaodzi o dzu ka la gimi pyeŋ.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

2 Etimoti 2:10

Okyku moarehwĩ ba Ahogbrẽ a sla angyiŋ, ame e bmi nga e ghwo esõ gble, okyku o da mo a mbo a hwiŋ oshla ta la ekʼpo ba gbagbu-amo okro ba Ekristi Eyesu.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

MoaIbrani 11:28

Obmi ba adlidzi angyiŋ o daŋ a zga okũ ba Apaska, nga a da mo a shri amanzhli a shri a hre ayizhẽ, okyku o da Anwyeadga ba Eku lo a bga moanwye ba ori ba moaEsrayila mbo.

MoaIbrani 12:24

Agimi e sheŋ e ba okro ba Eyesu. Aŋa angyiŋ a kpo ohwihwim olehe he lo. Nga agimi e ba okro ba moa a shri amanzhli a shri a hre ma. Alo a tsa gi ayakplo la a wo adzadzi a gre ayakplo ba amanzhli ba Ahabila a tsa.

MoaIbrani 5:9

Omba ba moa a bli ŋa a khwo, a dzu esĩ ba oshla ba gbagbu-amo, okyku moare pyeŋ la a la a kpaŋ odlo baŋ.

1 Ebitru 1:14

E kpaŋ odlo ba Ahogbrẽ nga e da edgu okoklo ba ayakplo ba agimi e wo la alo ma omba bimi e wo efĩ o ri ekʼpo eshri bimi mbo.

1 Ebitru 1:19

Oshriondba ba Ekristi la o wo egbmo o gre eshri angyiŋ o shri odzudum lo o da gimi. Ekristi he lo a wo eka anwye ekylu la a wo sese nga a wo la engla egʼba mbo.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

2 Ebitru 1:2

Nga okpoghwo ta la opyapyaŋ, moa a dzu ka la gimi nzenze ozhẽ ba agimi e yi Ahogbrẽ ta la Eyesu Adigi-odne.

2 Eyohana 1:1

Akpa he lo a zgi abgo ba Andakʼpo, A yi okro Ashe moa a sla ŋa pa la moanwye baŋ, ba ame e klo mo la adlidzi. Ame sha angyiŋ mbo, ambo moare pyeŋ la a yi adlidzi moa a klo gimi,

2 Eyohana 1:13

Moanwye ba Anigimi-alashle moa a la a shko gimi.

Eyahuda 1:2

Nga okayiekŋe ta la opyapyaŋ, ta la oklo, ahi lo pyeŋ, moa a dzu ka la gimi fkatka.