1 Ebitru 1:19 - Ohwihwim Olehe

¹⁹ Oshriondba ba Ekristi la o wo egbmo o gre eshri angyiŋ o shri odzudum lo o da gimi. Ekristi he lo a wo eka anwye ekylu la a wo sese nga a wo la engla egʼba mbo.

1 Ebitru 1:19 ပူးပေါင်းရင်းမြစ်များ

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 26:28

Alo a dzu amanzhli me angyiŋ, alo angyiŋ á bli ohwihwim ba Ahogbrẽ. Moa á zhiŋ amanzhli me á ygi a bi okyku o da Ahogbrẽ a kyu moare nzenze abgo odlobi mo.

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

Eyohana 1:36

Omba ba Eyohana a ka Eyesu a ba nga, a lu mi le, E ka Anwye Ekylu ba Ahogbrẽ!

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

MoaOroma 3:25

Ahogbrẽ a shri ŋa a shri a di okyku gi ozhẽ eku baŋ, okyku o da moare a hwiŋ okyuabgo odlobi o wo ba moa a bmi ba adlidzi ka la ŋa. Ahogbrẽ a shri Ekristi a di okyku o tsa eka baŋ a la a shri opyapyaŋ a shri a zga agʼbaha baŋ pa la moarehwi. Ayga Ahogbrẽ a ta eso ble-ble nga a sko odlobi moarehwi a zga akplokyeŋ mbo.

MoAfisu 1:7

Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoaOkolosi 1:14

Okro Anwye baŋ lo angyiŋ moa a shri odzudum a shri a da gi, nga moa a kyu gi abgo odlobi bi.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Ebitru 3:18

Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

1 Eyohana 2:2

Okyku eshi Ekristi ababgo baŋ a wo ozhẽ la o da mo a kyu gi abgo odlobi bi. Ambo odlobi bimi sha angyiŋ mbo, ambo odlobi ba moarehwĩ obiŋ hi pyeŋ.

Otsotsa 1:5

ta la okro ba Eyesu Ekristi la a wo egŋe ba adlidzi. Aŋa angyiŋ a wo Anwye ba moa a mbre ŋa ori, nga ba moa a kso ŋa eku. Aŋa angyiŋ a wo are la a ri ekʼpo eshri moareŋ ba obiŋ hi pyeŋ. Aŋa a la a klo gi. Nga ibu ba eku baŋ angyiŋ a shla gi abgo ba odlobi bi, nga a da gi e dzu oreŋ ba moandakʼpo olu ba Ahogbrẽ okyku o da gi e kpo Ahogbrẽ baŋ la a wo Adaŋ, otum. Esesla ta la ekʼpo, e dzu e ba Eyesu Ekristi gbagbu gbagbu-amo! Amin.

Otsotsa 14:1

Ambla he nga ame e zhiŋ e ka nga, ame e ka Anwye Ekylu a tspi Aku ba Ezayoŋ. Moarehwĩ ezbi endga la ekʼpoenyi la anyi a tspi ka la ŋa ma. Moa a ta eshko baŋ ta la eshko ba Adaŋ ondaŋ mo.

Otsotsa 14:5

Moa a hwiŋ mo la akpro ondakyeŋ mbo ku-ku. Moa a wo la akpu ma mbo.

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

Otsotsa 7:14

Ame e tno ŋa ma e lu mi le, Ame e yi mbo, ambo aŋo andakʼpo o yi. Ambla he nga a tno me ma a lu mi le, Moare he lo angyiŋ a wo moare la a sheŋ a gro abgo anyuŋ ewu. Anzho mo a wo akyle okyku ba moa a ndza lo amanzhli ba Anwye Ekylu.