1 Ebitru 1:17 - Ohwihwim Olehe

¹⁷ Omba ba agimi e fa olu e vẽ Ahogbrẽ la a la a sõ moare ombgu ozhẽ okyekyeŋ, eka ekployaŋ a mbo ba areyaŋ a mbo a kpo, agimi e la e bzi ŋa ma Ada. Okyku eka he, agimi e kpo otum ta la omba bimi la o ra obiŋ hi ayi okyku o hlu ŋa eshko,

1 Ebitru 1:17 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 22:16

Ambla he nga, moa a da moanwyeotum mo, pa la moa la a lu Ehirudu ma a gre okro Eyesu. Moa a zhĩ ŋa a lu mi le, Andakʼpo, agi e yi boŋ o wo are ba adlidzi angyiŋ, o la o nye moare adlidzi eshri odlo ba Ahogbrẽ. Nga aŋo o la o kpo eyli ayakplo ba moare a tne eshri lo mbo.

Amatiyu 6:9

Agimi e fa olu eka he, Adigi la a wo Ongyeŋ, O da gi e hlu eshko boŋ.

MoaOroma 11:20

O wo adlidzi. Moa a ngʼba mo a ygi a bi, okyku moa a bmi ba adlidzi mbo. Ambo moa a ra gimi a zga ma okyku bimi e bmi ba adlidzi. Ambo agimi e ygi egʼba okyku ekplo la e kpo mbo, ambo agimi e dzu la eyli.

2 MoaOkorinti 1:2

Ahogbrẽ Adigi ta la Adigi-odne Eyesu Ekristi a shri okpoghwo ta la opyapyaŋ ba eso a shri a da gimi.

2 MoaOkorinti 5:6

Okyku eka he, agi e wo oghwo-esõ ombamba pyeŋ. Agi e yi o wo ba agi e dzu odne ba egʼba he le, agi e wo ogyugyuŋ ta la odne ba Adigi-odne.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

2 MoaOkorinti 7:11

Agimi e ka eka ba Ahogbrẽ a kpo otum ta la esõ-etpiayi bimi he lo. O shri ozgagble angyiŋ o shri o da gimi nzenze, nga alo o shri ekhwo o da gimi nzenze, okyku o tsa ba agimi e wo la ombgu eshri bimi mbo! Nga eso e vre gimi nga agimi e wo la eyli, ta la okayiozhẽ, ta la ozgayi, ta la okoklo ba eso ekyekyeŋ okyku o nye areyaŋ a mbo la a ta akpu eda! Agimi e tsa eshri bimi zhezheŋ ba agimi e wo la akpu odlo he lo ku-ku mbo.

MoaEgalasiya 2:6

Ambo moabze la a sko emo a zga eka moandakʼpo, ame e lu ohi okyku eshi alo o dzu akplokyeŋ angyiŋ pa la me mbo, o wo ba moa a wo eshi a mbo. Okyku eshi Ahogbrẽ a la a sõ moare ombgu la okoka ba edzi angyiŋ mbo. Moandakʼpo he lo moa a ka a shri ebra ehekyeŋ a shri a da me mbo.

MoAfisu 1:17

Nga ame e vẽ Ahogbrẽ ba Adigi-odne Eyesu Ekristi, Adigi ba esesla, okyku o daŋ a shri Ogbgaodzi la o ba o shri okaobmye ó shri ó da gimi, nga ó tsa gimi Ahogbrẽ ó da gimi e ka, okyku o da gimi e yi ŋa.

MoAfisu 3:14

Okyku okũ he lo angyiŋ ame e kʼpu obiŋ egi ayi ba Ada.

MoAfisu 6:9

Agimi adimo-odne, agimi a mbo e kpo ekakahelo angyiŋ pa la moawaghrẽ bimi nga e suŋ mo egʼba mbo. Agimi nga e ka e bmye ba agimi ta la moawaghrẽ he lo, ba Adigimi a wo akyakyeŋ angyiŋ Ongyeŋ. Aŋa a la a sko moare a zga okyekyeŋ angyiŋ.

MoaEfilibi 2:12

Okyku eka he agimi akyemeazba, eka ba agimi e la e fa olbi e da me a zga omba ba ame e yi e wo ka la gimi, o raŋ o gre ba agimi e fa olbi e da me ohuhuhi angyiŋ okyku ba ame e ngʼba e sku gimi. Agimi e la e kpo otum e ta ma-ma, la eyli ta la egʼba la e zhga ara okyku o bli otum ba oshla bimi.

MoaOkolosi 3:25

Nga are la a ta akpu, o wo baŋ a wo ayi a mbo, aŋa á hwiŋ egbre baŋ okyku ayakplobi baŋ a la a kpo, okyku eshi Ahogbrẽ a la a kpo pa la moare pyeŋ ozhẽ okyekyeŋ angyiŋ.

MoaIbrani 12:28

Agimi e da gi e kpo ovye okyku eshi agi e hwiŋ oreŋ ba moa a suŋ lo a gbu mbo ku-ku. Agimi e da gi e vye nga e hlu Ahogbrẽ eshko ozhẽ baŋ á ba a gno oraŋ, la olbi ta la eyli,

MoaIbrani 4:1

Ohuhuhi nga, Ahogbrẽ a dzu ohwihwim lo a zga ka la gi. Ibu ohwihwim he lo Ahogbrẽ a hwile gi ozhẽ ba agi e gre e ba okro baŋ nga e dzu e dum ka la ŋa. Okyku eka he agi e dzu la eyli okyku o da arekyeŋ eshki bimi a sheŋ anye ba o yi okro ba odzudum he lo mbo.

1 Ebitru 2:11

Agimi akyemeazba, ame e vẽ gimi, agimi la e wo moa-zhẽ pa la moarehwĩ la a som ayi okyku ewu angyiŋ obiŋ hi! Agimi e bmi ta la okoklo ba egʼba mbo. Okoklo ba egʼba o la o kyku ebzu ta la okoklo ba esõ ombamba pyeŋ.

1 Ebitru 3:15

Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.