1 Ebitru 1:12 - Ohwihwim Olehe

¹² Ahogbrẽ a tsa moarehwĩ baŋ a hom mo otum. A lu ma otum mo lo o wo okyku ohwihwiŋ ba eshri mo angyiŋ mbo. Ma alo o wo okyku gimi angyiŋ. Moa a lu eka he lo angyiŋ eshri ba adlidzi ba agimi e gno ohuhuhi. Moa la a tsa gimi adlidzi lo, moa a wo moanwyeadga ba Oshpaodzadzi, nga moa a lu odlo lo la ekʼpo ba Ogbgaodzi la o zgi Ongyeŋ angyiŋ o ba. Moanwyeadga ba Ahogbrẽ a mbo a klo o ka adlidzi he lo o bmye.

1 Ebitru 1:12 ပူးပေါင်းရင်းမြစ်များ

Amatiyu 11:25

Omba he lo nga Eyesu a lu mi le, Adugu, Adigi-odne la a ri Oreŋ Ongyeŋ ta la obiŋ hi! Ame e vye la ŋo okyku boŋ o tsa moare la a yi ekplokyeŋ mbo, eshyẽ ba odlo boŋ, nga o ra moa la a wo okaobmye la o wo ogyugyuŋ, pa la moa la a yi engla nzenze o zga.

Amatiyu 11:27

Adugu a kyu ekployaŋ a mbo abgo a shri a ghwo abgo me. Arekyeŋ a yi Anwye lo mbo ku-ku, o wo le Ada sha. Arekyeŋ nga a yi Ada lo mbo, o wo le Anwye sha, pa la moare ba Anwye lo a da mo a ka ŋa a bmye.

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amarku 16:15

Eyesu a nyuŋ mo a lu mi le, Agimi e ngla obiŋ hi, nga e nyum Oshpaodzadzi e da moarehwi obiŋ hi mvye.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Oluka 2:26

Ogbgaodzi o tsa Esimiyo o lu mi ma aŋa á kpu mbo, o wo le á ka Emisiya ba Adigi-odne a hwim ayga dne.

Oluka 9:6

Moanwyeotum a kpo nga moa a gre esku andandandim, nga moa a la a nyum Oshpaodzadzi, nga moa a shaŋ moare la a no olo okroyaŋ a mbo.

Eyohana 15:26

Are Okpoghwo á ba, aŋa angyiŋ a wo Ogbgaodzi ba adlidzi la o zgi okro Ada. Ame é da lo o zgi okro ba Ada ó ba, alo angyiŋ ó zgi egŋe me.

Otum 10:44

Omba ba Ebitru a la a lu odlo nga, Ogbgaodzi o gile eshri moa la a gno oshpa lo mvye.

Otum 16:10

Ambla ba Oblus a ka okoka he lo nga, agi e vu anzho abgo e khwo nga e gre Amasidoniya. Agi e ka tki, Ahogbrẽ a klo bi e yi e nyum Oshpaodzadzi e ygi moarehwi ba Amasidoniya.

Otum 2:33

Moa a kso ŋa a daŋ a yi a dzu obgori ba Ahogbrẽ, nga a yga Ogbgaodzi okro baŋ eka ba Adaŋ a sheŋ a hwim. Ekplo bimi e ka nga e gno ohuhuhi, Ogbgaodzi angyiŋ o shri o da gi.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.

Otum 4:8

Ebitru a bli la Ogbgaodzi, okyku eka he a tno mo ma a lu mi le, Agimi andakʼpo moare, pa la moandakʼpo obiŋ,

Otum 8:25

Ambla moa a zgi egŋe mo nga moa a nyum oshpa ba Adigi-odne a khwo, Ebitru ta la Eyohana a bla a gre Orushalima. Omba moa a yi nga, moa a nyum oshpa anwye esku andandandim ba Asamariya.

MoaOroma 1:15

Okyku eka he ame e zga eso okyku o nyum Oshpaodzadzi o ygi gimi la e wo Oroma a mbo.

MoaOroma 1:17

Oshpaodzadzi o la o tsa eka ba Ahogbrẽ a shri opyapyaŋ a shri a zga agʼbaha baŋ pa la moarehwi. Alo o wo ozhẽ obmi ba adlidzi angyiŋ, a zga esĩ ta la eygi. Akpa ba Ahogbrẽ a lu mi le, Are la ba moa a shri opyapyaŋ a shri a zga agʼbaha baŋ ta la Ahogbrẽ ozhẽ obmi ba adlidzi, á hwiŋ eso.

MoaOroma 10:15

Moa á nyum oshpa lo anyu, o wo ba moa a da moa la a nyum oshpa a gre mbo? Eka ba Odlo ba Ahogbrẽ o lu mi le, Oba-ba ba moa la a nyum oshpaodzadzi o wo ekplo ovye o gre eshri!

MoaOroma 15:19

ta la ekʼpo ba o tsa ayakplo, ta la o kpo ayakplo ba egbregbre, ta la ekʼpo ba Ogbgaodzi. Nga omba ba ame e zgi Orushalima e gre Elirikum, ame e nyum Oshpaodzadzi ba Ekristi e ygi areyaŋ a mbo.

1 MoaOkorinti 2:10

Ambo Ahogbrẽ a hwile eshyẽ baŋ a da gi angyiŋ e ka. A kpo ohe lo ozhẽ ba Ogbgaodzi baŋ. Ogbgaodzi angyiŋ o la o mbga ekployaŋ a mbo o ka. O la o mbga okoklo ba Ahogbrẽ la o wo ogyugyuŋ a mbo.

2 MoaOkorinti 1:22

A ta engla baŋ a sheŋ a sla gi eshri bi. Nga a shri Ogbgaodzi a ghwo eso bi, okyku o tsa ekployaŋ a mbo baŋ a wo la alo ma okyku gi.

2 MoaOkorinti 6:6

Ozhẽ ba okyekye bi ta la oyioyi, ta la oheheŋ, ta la okpoghwo, agi e tsa moare ba agi e wo moawaghrẽ ba Ahogbrẽ okro Ogbgaodzi, ta la oklo bi ba adlidzi,

MoaEgalasiya 1:12

Ame e yga lo okro ba arehwi angyiŋ mbo, nga arekyeŋ a nye me alo mbo. Ambo Eyesu Ekristi eshrishri eŋa angyiŋ a hwile oshpa lo zhezheŋ a tsa me.

MoaEgalasiya 1:16

Omba baŋ a zga eso nga, a ra Anwye baŋ a tspa a da me e ka okyku o da me e nyum Oshpaodzadzi baŋ e ygi moa la a wo moaEyahuda mbo, ame e gre okro ba arekyeŋ okyku ebra akplokyeŋ mbo.

MoAfisu 3:10

okyku o da moanwyeadga la a ri ekʼpo, ta la ekʼpo andandandim la e wo ahrẽ, a yi okaobmye ba Ahogbrẽ ezhẽ andandandim pyeŋ, ozhẽ ba Eklisiya ohuhuhi.

1 MoaEtasolonika 2:9

Agimi anáŋ, e tne aga adzadzi eka ba agi e kpo otum nga e kpo ewu! Agi e kpo otum okyukyku ta la olulum, okyku o da gi e shri ewu ekplokyeŋ e zga eshri bimi mbo omba ba agi e la e nyum Oshpaodzadzi la o zgi okro ba Ahogbrẽ o ba.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

MoaIbrani 11:13

Moarehwĩ he lo pyeŋ a kpu la obmi ba adlidzi angyiŋ. Moa a yga ayakplo ba Ahogbrẽ a hwim a zga ma pa la mo he lo mbo. Ambo la ogyugyuŋ nga moa a ka lo nga moa a kpo ovye okyku lo. Okyku eka he moa a bmi zhezheŋ ba moa a wo moazhẽ pa la moa la a som ayi angyiŋ obiŋ hi.

MoaIbrani 2:4

Nga Ahogbrẽ a sa a kpo ayakplo a ta egŋe mo ozhẽ ba ayakplo ba egbregbre, ta la ayakplo nzenze ba moare a ka lo a bmye mbo. Nga a shri okpogbu ba Ogbgaodzi a shri a da moare eka baŋ a klo.

MoaIbrani 4:2

Okyku eshi agi e gno Oshpaodzadzi eka ba moa a mbo a gno lo. Moa a gno oshpa he lo, ambo alo o kpo mo akplokyeŋ ba owlama mbo okyku eshi moa a yga lo la obmi ba adlidzi omba ba moa a gno lo mbo.

1 Ebitru 1:25

Ambo odlo ba Adigi-odne ó ra ó dzu ma gbagbu-amo. Oshpaodzadzi angyiŋ o shri odlo he lo o shri o kom gimi.

1 Ebitru 4:6

Okyku eka he angyiŋ, moa a nyum Oshpaodzadzi a ygi moare la a sheŋ a kpu a mbo, moare la moa a sõ mo ombgu omba ba moa a wo egʼba ma, eka ba moa a la a sõ areyaŋ a mbo ombgu. Moa a nyum oshpa a ygi egbga moarehwĩ okyku o da mo a dzu la esõ ma okyku Ahogbrẽ.

Otsotsa 5:11

Nga ame e sa e ka nga, ame e gno enzi ba moanwyeadga ba Ahogbrẽ. Moa a wo ezbi-ezbi nzenze! Moa a tspi a ta emgbakyiŋ ba oreŋ a kpaŋ. Ébyi enyi la e wo la esõ ma he lo pa la moandakʼpo moa a wo eshyeshyẽ.