1 Ebitru 1:10 - Ohwihwim Olehe

¹⁰ Moarehwĩ ba Ahogbrẽ a hom mo otum moa a klo aga nga moa a zhĩ ayakplo eshri ba oshla he lo. Moarehwĩ he lo angyiŋ, a ka nga a lu odlo eshri owlama ba Ahogbrẽ á ba a shri á da gimi.

1 Ebitru 1:10 ပူးပေါင်းရင်းမြစ်များ

Amatiyu 13:17

Agimi e ka! Moare nzenze ba Ahogbrẽ a hom mo otum, pa la moarehwĩ ba Ahogbrẽ nzenze, moa a klo o ka edgu aya-kplo bimi e la e ka, nga o gno edgu odlo bimi e la e gno, ambo moa a hwiŋ ozhẽ mbo.

Amatiyu 26:24

Anwye Arehwĩ á kpu eka ba Akpa ba Aho-gbrẽ a lu. Ambo a ba eshri are la á ba a yla Anwye Arehwĩ! O raŋ o gre e mbi moa a mbre are he lo mbo!

Oluka 10:24

Ame e lu e da gimi, moarehwi nzenze ba Ahogbrẽ a hom mo otum, pa la moareŋ, moa a klo o ka edgu ayakplo bimi e la e ka he, ambo moa a hwiŋ ozhẽ mbo. Nga moa a klo o gno edgu ayakplo bimi e la e gno, ambo moa a gno mbo.

Oluka 24:44

Ambla he nga, a nyuŋ mo a lu mi le, Ame e lu edgu ayakplo he angyiŋ e da gimi omba ba ame e yi e wo ka la gimi. Ekployaŋ a mbo ba moa a ta eshri me odaŋ ba Omusa, ta la akpekpa moarehwi ba Ahogbrẽ a hom mo otum, ta la Akpa ba Ohlueshko, o dzu omgbybi ba alo é bli.

Eyohana 5:39

Agimi e klo aga Akpa ba Ahogbrẽ okyku eshi agimi e la e ka eka bimi é ba e hwiŋ eso ba gbagbu okyku lo. Akpa ba Ahogbrẽ lo a mbo a lu odlo eshri me!

Eyohana 7:52

Moahwõ a zhĩ ŋa a lu mi le, Aŋo a mbo o wo arehwĩ ba Egalili lo angyiŋ? O klo aga Akpa ba Ahogbrẽ adzadzi, ó ka okrokyeŋ ba moa a lu ma arehwĩ ba Ahogbrẽ a hom ŋa otum á zgi Egalili mbo ku-ku.

Otum 10:43

Moarehwi ba Ahogbrẽ a hom otum vye a lu eshri baŋ a lu mi ma areyaŋ a mbo la a bmi ba adlidzi ka la ŋa, moa a kyu ŋa abgo odlobi baŋ okro ekʼpo ba eshko baŋ.

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

Otum 28:23

Moa a sla onda ta la Oblus, nga moare nzenze a ba okro Oblus onda lo. A zga endigiŋ ma-me okyukyku Oblus a la a tsa mo, nga a nyum oshpa eshri Oreŋ ba Ahogbrẽ a da mo. A zga gble okyku o da mo a yga odlo Eyesu. A fa ayakplo ba odaŋ ba Omusa, ta la ayakplo ba akpekpa moarehwi ba Ahogbrẽ a hom mo otum.

Otum 7:52

Eshki moarehwi ba Ahogbrẽ a hom mo otum, moadigimi a kpo mo mvye ewu. Moa a dzu akyeŋ a zga mbo. Moa a bga moa la a ba ogbyigbyi okyku o su eka ba Areadlidzi á ba. Nga ohuhuhi agimi e njygu ŋa nga e bga ŋa.

MoaIbrani 11:13

Moarehwĩ he lo pyeŋ a kpu la obmi ba adlidzi angyiŋ. Moa a yga ayakplo ba Ahogbrẽ a hwim a zga ma pa la mo he lo mbo. Ambo la ogyugyuŋ nga moa a ka lo nga moa a kpo ovye okyku lo. Okyku eka he moa a bmi zhezheŋ ba moa a wo moazhẽ pa la moa la a som ayi angyiŋ obiŋ hi.

MoaIbrani 11:40

okyku eshi Ahogbrẽ a hwim ekplo la e wo edzi e gre eka he angyiŋ a zga ma okyku gi. Ahogbrẽ a zga esõ ba moa á ba a bli zhezheŋ ka la gi otsotse angyiŋ.

1 Ebitru 1:11

Moa a zga ngre okyku o da mo a yi omba lo, ta la eka ba oshla lo ó ba o ba. Ogbgaodzi ba Ekristi la o wo pa la mo, alo o tsa omba he lo angyiŋ, nga alo o ka nga o lu odlo eshri ewu ba Ekristi á ba a kpo, nga baŋ á ba a ghwo esõ ta la alo. Nga alo o sa o lu odlo eshri ekekʼpo la é ba e ba ambla.

1 Ebitru 1:13

Agimi e nyuŋ eshri bimi e zga okyku o kpo otum a mo. E dzu e ka, nga e shri okayiozhẽ bimi pyeŋ e zga ibu owlama ba moa á shri á da gimi omba ba moa á tsa gimi Eyesu Ekristi.