رومیأن 9:22 - کتاب مقدس به زبان گیلکی - گویش شرقی

²² چی شانه گوتن اگه خُدا با ای کی خوانه خو غضبه نوشون بدئه و خوشه قوتِ بشناسؤنه، ظرفونی کی اوشون سر غضب بوده کی هلاکت ئبه حاضیرابون صبر زیاد همرا تحمل بوکونه،

Gilaki New Testament

²² اَطویی، هرچن کی خودا حق دأره خو غیظ و قودرتَ نیشأن بٚده، ولی اوشأنی‌یَ کی اونی غضبٚ جیر ایسأده و هلأکَ بوستنٚ رِه موقرٚر بوبوستده، فرأوأنٚ حوصله اَمرأ تحمول کونه.

کتاب مقدس به زبان گیلکی - گویش رشت و غرب گیلان

²² چی شه گُفتن اَگه خُدا با اَنکی خوائه خو غَضّب نیشان بدِه و خو قوتِ بشناسانه، ظرفانی کی اوشان سر غَضّب بُکوده یَ کی هلاکت ره حاضیر بُبوستید صبر زیاد اَمرا تحمل بُکونه،

رومیأن 9:22 ပူးပေါင်းရင်းမြစ်များ

رومیأن 1:18

چون خُدا غضب آسمون اجی هرجور بی خدایی سَر و آدمیئنِ ناراستی سر هنه کی خوشونِ ناراستی همرا حئیقتَ ازبین بئنن.

رومیأن 9:17

چونکی تورات مئن، خُدا فرعونَ گونه: «مو، ای هدف واسی تأ به قدرت برسونئم تا می قدرتَ تی مئن نمایون بوکونم؛ و تا می نوم، سراسر زمین مئن اعلوم ببون.»

رومیأن 9:20

ولی اَی آدم تو کیسی کی خُدا همرا یکی به دو کونی؟ «مگر چاگوده چی تینه خوشه چاگوده کسه بوگو چره مأ ایطو چاگودی؟»

رومیأن 9:21

مگه خومئر ایختیار ندانه یکته گل گوده همأ، یکته ظرف، مهمِ کارون واسی و یکته ده ظرف او کارون ئبه کی مهم نئه بسازه؟

اوّل تسالونیکیان 2:16

و نوگذأنن که أمه غیریهودئن همأ گب بزنیم تا نجات بیاجن. ایطؤری همیشک خوشؤن گونائان عیاره لبالب پورأکؤنن‌. ولی بیلأخره خدای غضب ایشؤن سر بمأ.

اوّل تسالونیکیان 5:9

چونکی خدا أمره غضب ئبه تعیین نوده، بلکی این وأسی تعیین بوده تا بواسیطهٔ أمئه خداوند عیسی مسیح نجات بیاجیم،

دوم تیموتائوس 2:20

یکته پیله خؤنه مئن، هچی طلایی و نقره‌ای ظرف ننأ، بلکی چوبی و گلی نی هننأ؛ بعضئن مهم کارؤن ئبه بکار شنن و بعضئنم دم دستی کارؤنئه.

۱پطرس 2:8

و هیطؤ نی، «او سنگ کی گرأخؤردن باعیث بنه، و او صخره کی کتن باعیث بنه.» ایشؤن زمین خؤنن چونکی خدای کلؤم أجی فرمؤن نبئنن، هوطؤ کی هی کار ئبه معین بوبؤن.

۱پطرس 3:20

چون او ارواح کی قدیم دؤرؤن نافرمؤنی بوده‌بون، او زمؤن کی خدا نوح زمت مئن کی کشتی چأگوده بؤدبو، صبر همأ رافا ایسأبو. او کشتی مئن هچی أننی کسؤن، یعنی هشت نفر ایسأبون، کی بواسیطهٔ آؤ نجات پیداگودن.

دوم پطرس 2:3

و خوشؤن طمع راه مئن، دورؤغ گبؤن همأ، شمره غارت کؤنن. ایشؤن محکومأبؤن کی قبلترؤن تعیین بوبؤ، ایشؤن رافا ایسأ و ایشؤن نابودی نخوته!

دوم پطرس 2:9

پس خداوند دؤنه کی چوطؤ صالحؤنه أزمیتؤن أجی رهاواکونه و آدمیِ کی صالح نئه، بدأره داوری روز مکافات ئبه،

دوم پطرس 3:15

و أمئه خداوند صبره نجات بودؤنین، هوجور که أمئه عزیز برأر، پولس نی مطابق او حیکمت کی اینه هدأ بوبؤ، شیمئبه بنویشته.

یهودا 1:4

چون او مردومؤن که اوشؤن محکومیت قدیم أجی تعیین بوبؤ، جیرجیرکی شیمئه مئن راه پیداگودن. ایشؤن بی دینؤنی ایسن که أمئه خدای فیضه، به عیاشی تبدیل کؤنن و عیسی مسیحه، تنها أرباب و أمئه خداونده، حشا کؤنن.