رومیأن 12:3 - کتاب مقدس به زبان گیلکی - گویش شرقی

³ چون بواسطه فیضی کی ما هدا بوبو، هرته از شمره گونم کی خودتونِ اون اجی کی ایسین، ویشتر نودونین، بلکی هرته هو ایمونِ اندی کی خُدا شمره ببخشئه، دُرست قضاوت بوکونین.

Gilaki New Testament

³ شومأن کی خودا روسولیدی، شٚمٚره جٚه اونی ور نصیحت کونم کی پیله‌تر جٚه اونی کی ایسید شٚمٚره بٚحیسأب نأوٚرید، بلکی دروأره‌یٚ شومأن دوروست قیضأوت بوکونید و شٚمٚره هوندٚر ایمأنٚ اَمرأ کی خودا شٚمٚره فأدأ عیأر بٚزنید.

کتاب مقدس به زبان گیلکی - گویش رشت و غرب گیلان

³ چون بواسطه فیضی کی مَره فدَه بُبوسته، هرتا جه شمره گَم کی خودتانَ بیشتر جه اونکی ایسید، ندانید، بلکی هرتا هو ایمانِ اَندر کی خُدا شمرأ ببخشه، دُرُست قضاوت بُکونید.

رومیأن 12:3 ပူးပေါင်းရင်းမြစ်များ

لوقا 18:11

فَریسی بیسه و خوشِ امره ایطوری دوعا بُوده: ”خُدایا، تَه شکر کوئنَم که مَردمون دیگر مورسؤن دزد و ظالیم و زنا کار نیَم، و حتی ایی خراجگیر مورسؤنم نیّم.

یوحنا 3:34

چون اونی که خدا اونه سرا دا، خدا کلامِ گونه، هینه واسه که خدا، خوشِ روحِ بی حد و اندازه اونه هدِئنه.

رومیأن 1:5

خدا بواسطه ی مسیح امره فیض هدا تا اون رسولون ببیم و تموم ملتونه راهنمایی بکونیم کی مسیح نومه ایمون بارن و اون اجی ایطاعت بکونن.

رومیأن 11:20

راسسه گونی. ولی اوشون، ایمون نداشتنِ واسی ببئه بوبون و تو فقط تی ايمونِ خاطیری ایسای. پس غرور ندار بلکی بترس.

رومیأن 11:25

ای برارون، نخوانم کی ای راز اجی غافیل ببین - نبون کی خودتونَ دونا بودونین - کی سخت دیلی یک قسمت از اسراییل مردوم سر حکمفرما بوبو، تا اوشون تعداد کی قرار ایسه غیر یهودیئنِ مئن مسیحه ایمؤن بأرن، کامیل ببون.

رومیأن 12:16

همديگر همرا مدارا بوکونین! مغرور نبین، بلکی اوشون همرا کی ساده و ضعیف ایسن، شؤن امان بدارین. هرگی شمره دؤنا نینین.

اوّل قرنتیان 15:10

اونی که الون اینین ایسم خدا فیضِ واسیه، و اونه فیض مئبه بی فایده نبو. برعکس، مو همته اوشونای سختتر کار بودَم، ولی نه خودم، بلکه خدا فیض واسه که می أمره ایسّه.

اوّل قرنتیان 3:10

او فیض هما که خدا مه هدا، اوسسه معمار مورسؤن پی بکندم و یک نفر دیگه او پی سر عمارت چاکونه. هرکس باید مواظب ببی که چوطؤ چاکونه.

اوّل قرنتیان 7:17

فقط هرکس هوطو زندگی بکونی که خداوند اون ئبه معین بوده و اوجور که خدا اونه دخونده. ایی حکمی ایسه که مو همه کلیساهان میئن گونم .

دوم قرنتیان 10:13

ولی امه بیش از حد ایفتخار نوکونیم، بلکی فقط هو قدر ایفتخار کونیم کی خدا امئبه معین بوده، او حد که حتی شمرام در بر گینه.

دوم قرنتیان 12:13

چونکی چی مئن الباقی کلیسائان اجی کمتر شمره لطف بوبو جوز ای کی مو خودم یکته بار شیمئه کول سر نبوم؟ می ای خطا ببخشین!

دوم قرنتیان 12:7

پس این واسئه ای پیله مکاشفات کی بی حد و اندازه نی ایسه، مأ مغرورانوکونه، یکته تموش می جسم مئن مأ هدا بوبو، یعنی شیطون سرادا، تا مأ عذاب بدئه و نوگذاره کی مو مغرور ببوم.

غلاطیأن 6:3

چون أگر یگ نفر خوشه کسی حیساب بأره کی نئه، خوشه گول زئدره.

افسسیان 3:2

بی گمون شمه ای جریون باره بشتؤسین کی خدا فیض نظارت شیمئه خدمت واسی مأ هدأ بوبو.

افسسیان 3:4

و اون خوندن اجی تینین فهمسن کی مو چوطو مسیح رازه بفهمسم،

افسسیان 4:16

اون مئنه کی تموم تن، هرته مفصل همأ که اونه ربط دأنه، کس کسه تنأشنه و ورأگینه، تا هر عضوی درست کار بوکونه تا تن رشد بوکونه و خوشه محبت مئن بناکونه.

فیلیپیان 2:13

چونکی خدا ایسه کی شیمئه مئن خوشه خشنودی به کار کأدره، هم ایراده مئن و هم عمل مئن.

کولسیان 1:29

هین وأسئه کی مو زحمت کشنم و تمؤم می قوت همرأ بواسیطه او کی می مئن قوت همرأ کار کؤنه، تقلا کؤنم.

کولسیان 2:13

و خدا شمره کی شیمئه گونائان و شیمئه ختنه نوبؤ جسم مئن بمرده‌بین، مسیح همأ زینده وأگوده. او أمئه همه ته خطائانه ببخشئه

اوّل تیموتائوس 1:14

و أمئه خداوند فیض، او ایمؤن و محبت همرأ کی مسیح عیسی مئن دره، فراوؤنی همأ می سر بکألسه.

اوّل تیموتائوس 2:15

ولی زنأی زأک چئن همرأ نجات گینه، اگر ایمؤن و محبت و مقدس بؤن مئن، نجابت همرأ بیسه.

اوّل تیموتائوس 2:9

اینم خأنم کی زنأکؤن آبرومند لیواس دوکونن. نجابت و حیا همرأ، نه ببافته زولفؤن همأ، یا طلا و مروارید یا گرؤنقیمت لیواسؤن همرأ؛

تیتوس 2:12

و أمره یاد دئنه کی بی دینی و دونیا هوا و هوسه ویلأکونیم، أمئه نفس جلؤ بدأریم و صالحی و دینداری همأ ای دؤره مئن زیندگی بوکونیم،

تیتوس 2:2

پیرمرداکؤن هوشیار و باوقار ببون، خوشؤن نفس جلؤ بگیرن و ایمؤن و محبت و پایداری مئن درست رفتار بوکونن.

تیتوس 2:4

تا جوؤن زناکؤنه یاد بدئن کی مرددوست و زأکدوست ببون،

تیتوس 2:6

هیطؤ جوؤن مرداکؤنم ایصرار بوکون کی خوشؤن نفس جلؤ بگیرن.

یعقوب 4:6

ولی خدا بیشتر فیض بخشنه، اینه واسه گونه: «خدا اوشونِ جلو که مغرورن، ایسنه، ولی فروتنؤنِ فیض بخشنه.»

۱پطرس 1:13

پس شیمئه فیکرؤنه عمل گودن ئبه حاضیرأکونین، واخوب ببین و شیمئه امید تمؤم و کمال او فیض سر دبون کی عیسی مسیح ظهور گودن زمت شمره هدأ بنه.

۱پطرس 4:11

هرکس گب زئنه، خداوند مورسؤن گب بزنه؛ و هرکس کی خدمت کؤنه، او قدرت همأ کی خدا هدئنه خدمت بوکونه تا همه چی مئن خدا بواسیطهٔ عیسی مسیح جلال بیاجه. قوت و جلال تا أبد و تا أبد اون همرأ ببون. آمین.

۱پطرس 4:7

تمؤم چیزؤن آخر نزدیکه؛ پس شیمئه دعائان وأسی واخوب ببین و شیمئه جلؤ بگیرین.

۱پطرس 5:5

هیطؤرم شمه أی جوؤنؤن، مشایخ أجی ایطاعت بوکونین. همه ته شیمئه کردکار مئن کس کس همرأ، فروتنی بدأرین، چونکی، «خدا مغرورؤن جلؤ ایسنه، ولی فروتنؤنه فیض هدئنه.»

۱پطرس 5:8

واخوب ببین و بپأین، شیمئه دوشمن، ابلیس، یکته شیر مورسؤن غرش کؤنه و ایرأ اورأ مجنه تا یگ نفره بیاجه و فوره.

سوم یوحنا 1:9

مو یه چی کلیسا به بنویشتم، ولی دیوتْرِفیس که دوست دئنه خوشه اول بنئه، امه اقتدار اهمیت ندَه.