موکأشفه 9:18 - کتاب مقدس به زبان گیلکی - گویش شرقی

¹⁸ ای سوته بلا همرأ، آتش و دود و گوگرد، که اوشؤن دهن أجی بیرین زی، یک سوم آدمؤن بکوشته بوبؤن.

کتاب مقدس به زبان گیلکی - گویش رشت و غرب گیلان

¹⁸ اَ سه تا بَلا امرا، آتش و دود و گوگرد كی اوشان دَهن جا بيرون زِئی، يک سیوّمِ آدمان بُکوشته بُبوستید.

موکأشفه 9:18 ပူးပေါင်းရင်းမြစ်များ

موکأشفه 8:10

سومی فریشته خو شیپوره فی دوده و یکته پیله سیتاره، یکته سوجؤن مشعل مورسؤن، آسمؤن أجی بکته یک سوم روخؤنه ئان و آؤ چوشمه ئان سر.

موکأشفه 8:11

او سیتاره نؤم "اَفسَنتین" ایسه و یک سوم آؤؤن، افسنتین همأ تلأبؤن. و خیلی از مردوم او آؤ أجی کی تلأبؤبو، بمردن.

موکأشفه 8:12

چهارمی فریشته خوشه شیپوره فی دوده و یک سوم خورشید و یک سوم مانگ و یک سوم سیتاره ئانه ضربه بوخؤرده، اوجور که یک سوم اوشؤن نور تاریکأبؤ. و یک سوم از روز، بی نور بومؤنسه و یک سوم از شؤ نی هیطؤ.

موکأشفه 8:7

اولته فریشته خوشه شیپوره فی دوده و تگرگ و یکته آتش کی خون همأ قاطی بو، زمین سر بوارسه و یک سوم زمین و یک سوم دارؤن و تمؤم سبزه واشؤن بسوتن.

موکأشفه 8:8

دومته فریشته خوشه شیپوره فی دوده و یک چی یکته پیله کوی موسؤن کی تشأگیته بو، دریا مئن تؤدأ بوبؤ و یک سوم دریا خون بوبؤ.

موکأشفه 8:9

و دریای جؤنورؤن أجی یک سوم بمردن و کشتی ئن أجی یک سوم نابودأبؤن.

موکأشفه 9:15

پس او چهارته فریشته که او ساعت و او روز و او ماه و او سال ئبه حاضیرأبؤبون، آزادأبؤن تا یک سوم آدمؤنه بکوشن.

موکأشفه 9:17

أسپؤن و او سوارؤنه می رؤیای مئن ایطؤ بدئم: اوشؤن زره ئان رنگ، آتش سورخی و آبی کبود و گوگرد زردیِ دأشت. أسپؤن سر، شیر سره مؤنس و اوشؤن دهن أجی آتش و دود و گوگرد بیرین زی.

موکأشفه 9:19

چون أسپؤن قدرت اوشؤن دهن و دوم مئن دبو. چونکی ایشؤن دومؤن، مار مورسؤن بو کی سر دأنه و اوشؤن همأ صدمه زئن.